Thursday, May 30, 2024
- Advertisement -
- Advertisement -

ስፖርትለዓለም ዋንጫ ተስፋ የሰነቀው የወጣት ሴቶች ብሔራዊ ቡድን ግስጋሴ ቀጥሏል

ለዓለም ዋንጫ ተስፋ የሰነቀው የወጣት ሴቶች ብሔራዊ ቡድን ግስጋሴ ቀጥሏል

ቀን:

የኢትዮጵያ ከ20 ዓመት በታች የሴቶች ብሔራዊ ቡድን ከካሜሮን አቻው ጋር ባደረገው የዓለም ዋንጫ ማጣሪያ የመልስ ጨዋታ በባሕር ዳር ሁለገብ ስታዲየም በማከናወን በሎዛ አበራ ሁለት ግቦች 2 ለ1 በመርታት ወደ ቀጣዩ ማጣሪያ ገብቷል፡፡
የኢትዮጵያ ብሔራዊ ቡድን ከሦስት ሳምንት በፊት በካሜሩን ያውንዴ ባደረገው ጨዋታ ከሜዳው ውጪ 0 ለ0 አጠናቆ መግባቱ ይታወሳል፡፡
ከቅርብ ዓመታት ወዲህ በክልሎች ከተገነቡትና ከተጠናቀቁት አንዱ በሆነው የባሕር ዳር ስታዲየም፣ ኢትዮጵያ የወንዶች ብሔራዊ ቡድን ባስተናገደበት የአፍሪካ ዋንጫ ማጣሪያና የቻን ማጣሪያ ጨዋታ ድል ማጎናፀፉ ይታወሳል፡፡ ከ20 በታች የኢትዮጵያ ብሔራዊ የሴቶች ቡድንም በተመሳሳይ በዚህ ግዙፉ ስታዲየም ከ30 ሺሕ ያላነሰ ደጋፊ በተገኘበት የካሜሮን አቻውን 2 ለ1 በሆነ ውጤት በመርታት የስታዲየሙን የአሸናፊነት ድባብ እንዲቀጥል አድርጓል፡፡ ለዚህም የብሔራዊ ቡድን ውጤታማነት የኅብረተሰቡ ድጋፍ ትልቅ ቦታ እንዳለውም እየተነገረ ይገኛል፡፡
ከ20 ዓመት የሴቶች ብሔራዊ ቡድን ከካሜሮን ያውንዴ መልስ በደጋፊዋ ፊት ጥሩ ውጤት ለማምጣት ቃል ገብታ የነበረችው የደደቢት ክለቧ ሎዛ አበራ ሁለት ግቦችን በማስቆጠሯ ብሔራዊ ቡድኑ የዓለም ዋንጫ ግስጋሴውን ማስቀጠል ችላለች፡፡
በመጀመርያው ከ20 ዓመት በታች የሴቶች ዓለም ዋንጫ ማጣሪያ በተደረጉት ግጥሚያዎች ኢትዮጵያን ጨምሮ ስምንት አገሮች ወደ ሁለተኛውን ዙር ማለፍ ችለዋል፡፡
ኢትዮጵያ ቀጣዩን ጨዋታ ከቡርኪና ፋሶ አቻዋ ጋር ከመስከረም 14 እስከ 16 ባለው ጊዜ ውስጥ ስታካሂድ የመልሱን ጨዋታ ደግሞ ከመስከረም 28 እስከ ጥቅምት 1 ባለው ጊዜ ውስጥ የምታደርግ ይሆናል፡፡
እ.ኤ.አ. በ2016 በፓስፊክ ውቅያኖስ የምትገኘው ፓፓዋ ኒው ጊኒ በምታዘጋጀው ከ20 ዓመት በታች የሴቶች የዓለም ዋንጫ፣ አዘጋጅዋን አገር ጨምሮ 16 አገሮች ተሳታፊ ይሆናሉ፡፡
ዋናው የሴቶች ብሔራዊ ቡድን (ሉሲዎቹ) ባለፉት ሦስት ዓመታት በተለያዩ ዓለም አቀፍ ውድድሮች ላይ ያላቸውን ተሳትፎ በድል ማስቀጠል አልቻሉም፡፡ በቅርቡም በመላው አፍሪካ ጨዋታ ላይ ከካሜሮን አቻቸው ጋር ባደረጉት ጨዋታ ተሸንፈው ከውድድር ውጪ መሆናቸው ይታወሳል፡፡
ከ20 ዓመት በታች የዓለም ዋንጫ ጨዋታ ላይ ተሳታፊ የሆኑ ተጨዋቾች እያደረጉ ያሉት እንቅስቃሴ ለዋናው ብሔራዊ ቡድን (ሉሲዎች) ለወደፊት የሴቶች ብሔራዊ ቡድንን ለማዘጋጀት ትልቅ የሞራል ስንቅ መሆኑም እየተነገረ ይገኛል፡፡
በደርሶ መልስ ጨዋታም ተጋጣሚውን ማሸነፍ ከቻለ የመጨረሻ አራት ውስጥ በመግባት፣ በምድብ ሁለት ከሚገኙት ኢኳቶሪያል ጊኒና ጋና አሸናፊዎች ተጫውቶ ማለፍ ከቻለ ደግሞ በአገሪቱ የመጀመርያው ከ20 ዓመት በታች የሴቶች ዓለም ዋንጫ ከሚያልፉ ሁለት አገሮች አንዱ ለመሆን ይበቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[የክቡር ሚኒስትሩ ባለቤት የኬንያው ፕሬዚዳንት ያስተላለፉትን መልዕክት ተመልክተው ባለቤታቸውን በነገር ይዘዋቸዋል]

የኬንያው ፕሬዚዳንት ከሕዝባቸው ለቀረበባቸው ቅሬታ የሰጡትን ምላሽ ሰማህ? እንኳን ምላሻቸውን...

የኢትዮ ኤርትራ ሰሞነኛ ሁኔታና ቀጣናዊ ሥጋቱ

“ግንቡን እናፍርስ ድልድዩን እንገንባ” የሚል ፖለቲካዊ መፈክር ጎልቶ በሚሰማበት፣...

ኦሮሚያ ባንክ ከተበዳሪ ደንበኞቼ ውስጥ 92 በመቶ የሚሆኑት አነስተኛና መካከለኛ ኢንተርፕራይዞች ናቸው አለ

ኦሮሚያ ባንክ ለደንበኞቹ ከሰጠው ብድር ውስጥ ለአነስተኛና ለመካከለኛ ኢንተርፕራይዞች...

ሽቅብና ቁልቁል!

ጉዞ ከመገናኛ ወደ ሲኤምሲ ጀምረናል። ተሳፋሪዎች የዕለት ጉርሳቸውን መሸፈን...