Tuesday, February 27, 2024
- Advertisement -
- Advertisement -
ስፖርትሁለተኛው ኢትዮትሬል የተራራ ላይ ሩጫ ሳምንት ይካሄዳል

ሁለተኛው ኢትዮትሬል የተራራ ላይ ሩጫ ሳምንት ይካሄዳል

ቀን:

ለሁለተኛ ጊዜ የሚካሄደው ኢትዮትሬል የተራራ ላይ ሩጫ በሚቀጥለው እሑድ ነሐሴ 3 ቀን 2007 ዓ.ም. እንደሚካሄድ የውድድሩ አዘጋጆች ባለፈው ሐሙስ በጉለሌ የዕፅዋት ማዕከል በሰጡት ጋዜጣዊ መግለጫ አስታውቀዋል፡፡ ለሁለተኛ ጊዜ በሚካሄደው ሩጫ ለመካፈል ከ206 በላይ የአገር ውስጥና የውጭ አገር ዜጎች ለመሳተፍ የተመዘገቡ ሲሆን፣ ከእነዚህ ውስጥ 40 በመቶ የሚሆኑ ከውጭ አገር ዜጎች መሆናቸውን ገልጸዋል፡፡
በዋነኛነት ከስፔን፣ ጣልያን፣ እንግሊዝ፣ አሜሪካ፣ ፈረንሣይ፣ ጃፓን፣ ብራዚልና ቬኑዝዌላ ተወጣጥተው ከሚሳተፉት የውጭ አገር ዜጎች 37 በመቶ ሴቶች መሆናቸውም ተገልጿል፡፡

የዘንድሮ ሩጫ በዓለም አቀፍ ለማስተዋወቅና ኢትዮጵያ በተራራ ሯጮች ዕይታ ውስጥ እንድትገባ ለማድረግ የ2005 የአውሮፓና የስፔን አልትራ ትሬል (ከፍተኛ የትሬል ውድድር) አሸናፊ የሆነችው ቼሪ አድሪያን ካሮ በክብር እንግድነትና ተሳታፊነት እንደምትገኝ ተገልጿል፡፡

የአብጃታ ሻላ የተራራ ላይ ሩጫ በዋናነት የአካባቢን ደኅንነት በመጠበቅና ለአካባቢው ነዋሪዎች የገቢ ምንጭ ለማስገኘት ታስቦ በአብጃታና ሻላ ሐይቆች ብሔራዊ ፓርክ የሚካሄድ ሲሆን፣ ሩጫው ሦስት የተለያዩ ርቀቶችን ማለትም 42 ኪሎ ሜትር፣ 21 ኪሎ ሜትርና 12 ኪሎ ሜትር የሚያካልል ነው፡፡ ማንኛውም ሰው በመሮጥ ወይም በእግር በመጓዝ በግራር የተከበቡትን የስምጥ ሸለቆ ሐይቆች የሚያደንቅበትና ደስታን የሚሽምትበት እንደሚሆን አዘጋጆቹ አትሌት ገብረ እግዚአብሔር ገብረ ማርያምና አቶ ቃለ አብ ጌታነህ በጋራ በሰጡት መግለጫ ገልጸዋል፡፡

- Advertisement -

Video from Enat Bank Youtube Channel.

የሁለተኛው ውድድር ለየት ከሚያደርጉት ምክንያቶች አንዱ የዱር እንስሳት ጥበቃ ባለሥልጣንና የኦሮሚያ ክልል የባህልና ቱሪዝም ቢሮ በውድድሩ ዝግጅት የራሳቸውን ሚና መጫወታቸው ሲሆን፣ ይህም በአደጋ ውስጥ የሚገኙትን የስምጥ ሸለቆ ሐይቆችንና የዱር እንስሶችን ለመታደግ የሕዝብ ንቅናቄን እንደሚፈጥር የዱር እንስሳት ጥበቃ ባለሥልጣን ዋና ዳይሬክተር አቶ ዳውድ ሙሜ ገልጸዋል፡፡
በዚህ ውድድር ለ150 የአገር ውስጥ ተሳታፊዎች ቦታ የተያዘ ሲሆን፣ ማንኛውም ኢትዮጵያዊ በአካል በመቅረብ የውድድሩ አዘጋጅ በሆነው ሪያ ኢትዮጵያ ቢሮ መመዝገብ እንደሚችልም ተገልጿል፡፡

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...