Tuesday, January 31, 2023
- Advertisement -
- Advertisement -
ዜናበደቡብ ሱዳን ጉዳይ ጠቅላይ ሚኒስትር ኃይለ ማርያምና የኬንያ ፕሬዚዳንት ወደ ኡጋንዳ ሊያመሩ...

በደቡብ ሱዳን ጉዳይ ጠቅላይ ሚኒስትር ኃይለ ማርያምና የኬንያ ፕሬዚዳንት ወደ ኡጋንዳ ሊያመሩ ነው

ቀን:

የምሥራቅ አፍሪካ የልማት በየነ መንግሥታት ድርጅት (ኢጋድ) በደቡብ ሱዳን ጉዳይ ላይ ያስቀመጠው ቀነ ገደብ ከመጠናቀቁ በፊት የአገሪቱ ተቃራኒ ወገኖችን ማግባባት በሚችሉበት ጉዳይ ላይ ለመምከር፣ የኢትዮጵያና የኬንያ መሪዎች የኡጋንዳ አቻቸውን ለማነጋገር ነሐሴ 2 ቀን 2007 ዓ.ም. ኡጋንዳ ይሄዳሉ፡፡

ጠቅላይ ሚኒስትር ኃይለ ማርያም ደሳለኝ በሳምንቱ መጨረሻ ላይ ወደ ኡጋንዳ እንደሚጓዙ የተገኙት መረጃዎች ያመለክታሉ፡፡ ጠቅላይ ሚኒስትሩ በተያዘው ፕሮግራም መሠረት በሁለት ሳምንት ውስጥ ሁለት ጊዜ በዚሁ በደቡብ ሱዳን ጉዳይ ወደ ኡጋንዳ በመጓዝ የአገሪቱን መሪ ያነጋግራሉ ማለት ነው፡፡

ጠቅላይ ሚኒስትር ኃይለ ማርያም የወቅቱ የኢጋድ ሊቀመንበር ሲሆኑ፣ በቻይና የኢትዮጵያ አምባሳደር ሥዩም መስፍን ደግሞ በኢጋድ የተወከሉ የደቡብ ሱዳን ተፋላሚ ወገኖች አደራዳሪ ናቸው፡፡

ሁለቱ የኢትዮጵያ ባለሥልጣናት የአሜሪካ ፕሬዚዳንት ባራክ ኦባማ አዲስ አበባ ሐምሌ 19 ቀን 2007 ዓ.ም. አዲስ አበባ ከመግባታቸው ከአንድ ቀን በፊት፣ በኡጋንዳ ከፕሬዚዳንት ዮዌሪ ሙሴቬኒ ጋር መምከራቸውን ከውጭ ጉዳይ ሚኒስቴር የተገኘው መረጃ ያመለክታል፡፡

ፕሬዚዳንት ኦባማ በዚሁ በደቡብ ሱዳን ጉዳይ ላይ የኢጋድ አባል አገሮች መሪዎችን በአዲስ አበባ ባነጋገሩበት ወቅት፣ ፕሬዚዳንት ሙሴቬኒ ባለፈው ሐምሌ 20 ቀን 2007 ዓ.ም. በአዲስ አበባ ተገኝተው ከፕሬዚዳንት ኦባማ፣ ከጠቅላይ ሚኒስትር ኃይለ ማርያም እንዲሁም ከኬንያው ፕሬዚዳንት ጋር መወያየታቸው ይታወሳል፡፡

በውይይቱ ወቅት ሁሉም መሪዎች የደቡብ ሱዳን ተፋላሚ ወገኖች ችግሮቻቸውን በሰላማዊ መንገድ እንዲፈቱ እስከ ነሐሴ 10 ቀን 2007 ዓ.ም. ቀነ ገደብ ማስቀመጣቸው ይታወሳል፡፡

በመሆኑም የጠቅላይ ሚኒስትር ኃይለ ማርያምና የኬንያው ፕሬዚዳንት ኡኹሩ ኬንያታ ጉዞ ከዚሁ ጋር እንደሚገናኝ የተገኙት መረጃዎች ያስረዳሉ፡፡

ፕሬዚዳንት ኡኹሩ ኬንያታ በመጪው ዓርብ ወደ ጐረቤት ኡጋንዳ የሦስት ቀናት ይፋዊ ጉብኝት እንደሚያደርጉ ፕሮግራም የተያዘ ሲሆን፣ የተለያዩ የሁለትዮሽ ስምምነቶችንም ይፈራረማሉ ተብሎ ይጠበቃል፡፡

የደቡብ ሱዳን ጉዳይ በፍጥነት እልባት ማግኘት ካልቻለባቸው ምክንያቶች መካከል አንዱ፣ የጐረቤት አገሮች በተለይም የኡጋንዳ ጣልቃ ገብነት መሆኑ ይነገራል፡፡

ከጥቂት ወራት በፊት በኢትዮጵያ ይፋዊ የሥራ ጉብኝት ያደረጉት ፕሬዚዳንት ሙሴቬኒ፣ በደቡብ ሱዳን ውስጥ የሚሠሩ የኡጋንዳ ኩባንያዎች በመኖራቸው በጁባና በሌላ አንድ ከተማ የኡጋንዳ ወታደሮች እንዲሰማሩ መደረጉን አምነዋል፡፡ ይህንን ተከትሎም የኢትዮጵያ ወታደሮች በደቡብ ሱዳን እንደተሰማሩ ታውቋል፡፡

በመሆኑም የኢጋድ አባል አገሮች ኢኮኖሚያዊና ፖለቲካዊ ፍላጐቶች የደቡብ ሱዳን ቀውስ በፍጥነት ወደ ሰላም እንዳይሸጋገር ምክንያት እንደሆኑ የፖለቲካ ተንታኞች ይተቻሉ፡፡   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...