Tuesday, November 29, 2022
ሌሎች ዓምዶች
    - Advertisement -
    - Advertisement -
    ስፖርትየድሬዳዋው የብሔራዊ ሊግ ውድድር እሑድ ፍጻሜውን ያገኛል

    የድሬዳዋው የብሔራዊ ሊግ ውድድር እሑድ ፍጻሜውን ያገኛል

    ቀን:

    –  የፕሪሚየር ሊጉ ክለቦች ቁጥር ወደ 16 ከፍ እንደሚል ይጠበቃል

    በድሬዳዋ ከተማ አስተናጋጅነት እየተከናወነ የሚገኘውና ወደ ፕሪሚየር ሊጉ የሚመጡ ሁለት ክለቦች መለየት የሚያስችለው የብሔራዊ ሊግ ክለቦች የእግር ኳስ ጨዋታ እሑድ ፍጻሜውን ያገኛል፡፡ ከ24 ቡድኖች ለሩብ ፍጻሜው የዘለቁት ስምንቱ ቡድኖች የጥሎ ማለፉን መርሐ ግብር ዛሬ ይጀምራሉ፡፡

    የኢትዮጵያ እግር ኳስ ፌዴሬሽን በበላይነት ከሚያስተዳድራቸው መርሐ ግብሮች መካከል ከ80 በላይ ክለቦች ሲያሳትፍ የከረመው የብሔራዊ ሊጉ ውድድር ይጠቀሳል፡፡ ውድድሩ ሲከናወን የቆየው በዞን ደረጃ ተከፋፍሎ ሲሆን፣ ምድባቸውን በበላይነት ያጠናቀቁ 24 ቡድኖች ከሁሉም ዞኖች እንዲመረጡ ተደርጎ በድሬዳዋ ከተማ አስተዳደር አስታናጋጅነት ሲከናወን የሰነበተውም የማጠቃለያ ውድድር የዚሁ አካል ነው፡፡  ከሐምሌ 25 ቀን 2007 ዓ.ም. ጀምሮ በ24 ቡድኖች መካከል ሲከናወን የቆየው ይኼው የማጠቃለያ ውድድር፤ በአሁኑ ወቅት 16 ቡድኖችን አሰናብቶ ለሩብ ፍጻሜው የበቁትን ስምንት ቡድኖች ይዞ ይገኛል፡፡ ዛሬ በሚጀመረው የሩብ ፍጻሜ ጨዋታ ኃላፊዎቹ ቡድኖች ድሬዳዋ ከተማ ከአዲስ አበባ አስተዳደር፣ ጅማ አባቡና ከፌዴራል ፖሊስ፣ ጅማ ከነማ ከሆሳዕና ከነማ እንዲሁም አማራ ውኃ ሥራዎች ከሀላባ ከነማ ተጫውተው አሸናፊዎቹ አራት ቡድኖች በነገው ዕለት ሲታወቁ፣ ከነዚህ ሁለቱ ወደ ፕሪሚየር ሊግ የሚያድጉት ቡድኖች ደግሞ በቀጣዩ ቀኖች በሚደረጉ ጨዋታዎች የሚለዩ ይሆናል፡፡

    እስካሁን ባለው መልኩ ሲከናወን የቆየው የብሔራዊ ሊግ የውድድር መርሐ ግብር በ2008 የውድድር እንዲሻሻል ተደርጓል፡፡ የተሻሻለው የውድድር መርሐ ግብር አስመልክቶ ብሔራዊ ፌዴሬሽኑ እንዳስታወቀው ከሆነ፣ በፕሪሚየር ሊጉና በብሔራዊ ሊጉ መካከል ‹‹ሱፐር ሊግ›› በሚል መጠሪያ 32 ቡድኖች በሁለት ዞኖች ተከፋፍለው እንዲጫወቱ ይደረጋል፡፡ በሱፐር ሊጉ የሚሳተፉት ቡድኖች በድሬዳዋው ብሔራዊ ሊግ  አሸናፊ ሆነው ወደ ፕሪሚየር ሊጉ ካደጉት ሁለቱ ውጪ በሚቀሩት 22 ቡድኖች ላይ  ከየዞኑ ስምንት ቡድኖች ቀደም ሲል ባስመዘገቡት ውጤት መሠረት ተመርጠው እንደሚካተቱ ፌዴሬሽኑ አስታውቋል፡፡

    በሌላ በኩል የኢትዮጵያ እግር ኳስ ፌዴሬሽን በ2008 የውድድር ዓመት በፕሪሚየር ሊጉ የሚሳተፉትን ክለቦች ቁጥር ወደ 16 ለማሳደግ ዕቅድ እንዳለው እየተነገረ ይገኛል፡፡

    ብሔራዊ ፌዴሬሽኑ ምንም እንኳን ጉዳዩን አስመልክቶ ይፋዊ መግለጫ ባይሰጥም፣ በተጠናቀቀው የውድድር ዓመት ወደ ብሔራዊ ሊጉ መውረዳቸውን ያረጋገጡት ወልዲያ ከነማና ሙገር ሲሚንቶ በፕሪሚየር ሊጉ እንዲቆዩ ለማድረግ የፌዴሬሽኑ ሥራ አስፈጻሚ ኮሚቴ በጉዳዩ እየተነጋገረበት መሆኑን ቅርበት ያላቸው የሪፖርተር ምንጮች ይገልጻሉ፡፡ ሁለቱ ክለቦችም በፕሪሚየር ሊጉ መቆየታቸውን አስመልክቶ ውስጥ ለውስጥ መመርያ ተሰጥቷቸው ለፕሪሚየር ሊጉ የሚያበቃቸውን ዝግጅት መጀመራቸው እየተነገረ ይገኛል፡፡

     

     

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...