Thursday, October 6, 2022
ሌሎች ዓምዶች
    - Advertisement -
    - Advertisement -
    ኪንና ባህልየ ‹‹ለዛ›› የመጨረሻው ዙር ተወዳዳሪዎች ታወቁ

    የ ‹‹ለዛ›› የመጨረሻው ዙር ተወዳዳሪዎች ታወቁ

    ቀን:

    በየዓመቱ ለሚካሄደው የለዛ ሽልማት ለመጨረሻው ዙር የደረሱ ተወዳዳሪዎች ይፋ ሆነዋል፡፡ ውድድሩ በሚካሄድባቸው ዘጠኝ ዘርፎች ከቀረቡት ተወዳዳሪዎች፣ አሸናፊዎቹ የሚታወቁት መስከረም 20 ቀን 2008 ዓ.ም. እንደሆነም ዝግጅት ክፍሉ ለሪፖርተር በላከው መግለጫ አስታውቋል፡፡

    ለመጨረሻ ዙር የቀረቡ ተዋንያን አዚዛ መሐመድ በ‹‹ሰኔ 30››፣ ሊዲያ ሞገስ በ‹‹በላምባ››፣ ብርቱካን በፍቃዱ በ‹‹ዘጠኝ ሞት››፣ ሰላም ተስፋዬ በ‹‹ጥለፈኝ››፣ ሔለን በድሉ በ‹‹በመንገዴ ላይ›› እንዲሁም ግሩም ኤርምያስ በ‹‹ላምባ››፣ ግሩም ዘነበ በ‹‹ኅረየት››፣ ሰለሞን ቦጋለ በ‹‹ስለ እናት ልጅ››፣ መሳይ ግርማ በ‹‹ፍቅርና ገንዘብ›› ዓለማየሁ ታደሰ በ‹‹ያነገስከኝ››፣ ሽመልስ አበራ በ‹‹በሰኔ 30›› እና ሰለሞን ሙሄ በ‹‹የገጠር ልጅ›› ናቸው፡፡

    በተመሳሳይ በምርጥ ፊልም ዘርፍ የታጩት ላምባ፣ ሰኔ 30፣ አዲናስ፣ ሼፉ 2 ፣ ኅረየት፣ ዘጠኝ ሞት እና ፍቅርና ገንዘብ 2 ናቸው፡፡ በፊልም ማጀቢያ ዘፈን ፀደኒያ ገብረ ማርቆስ ለ‹‹ኅርየት››፣ አንተነህ ምናሉ ለ‹‹ላምባ››፣ ማቲያስ ይልማ ለ‹‹ያየ ይፍረደው››፣ ካሳሁን እሸቱ ለ ‹‹ሼፉ 2››፣ ኤልያስ ሁሴን ለ ‹‹ፍቅርና ገንዘብ 2›› እና ኃይሉ አመርጋ ለ ‹‹ዘጠኝ ሞት›› ያዜሟቸው ይወዳደራሉ፡፡

    በዓመቱ ከወጡ ነጠላ ዜማዎች መካከል ለመጨረሻ ዙር ውድድር የቀረቡት የቴዲ አፍሮ ‹‹በሰባ ደረጃ››፣ የየኛ ‹‹ስደት››፣ የዘሪቱ ከበደ ‹‹ሰይፍህን አንሳ››፣ የጃኪ ጎሲ ‹‹አልሰማም››፣ የጎሳዬ ተስፋዬ ‹‹አለቃዬ››፣ የአብነት አጎናፍር ‹‹ማል ናወያ››፣ የመሐሙድ አህመድ ‹‹አገሬ›› እና የፀደኒያ ገብረማርቆስ የ‹‹ፍቅር ግርማ›› ናቸው፡፡

    በምርጥ የሙዚቃ ቪዲዮ ዘርፍ የቀረቡት ደግሞ የዮሴፍ ገብሬ በ‹‹ሽር ብለሽ››፣ የአብነት አጎናፍር ‹‹አስታራቂ››፣ የማዲንጎ አፈወርቅ ‹‹ታንጉት››፣ የአብነት አጎናፍር ‹‹ማነው ያለው››፣ የቤቲ ጂ ‹‹ና ና ደማዬ››፣ የፀሐዬ ዮሐንስ ‹‹የኔታ›› እና የታምራት ደስታ ‹‹ከዛ ሰፈር›› ናቸው፡፡

    በዓመቱ ምርጥ የሙዚቃ አልበም ዘርፍ የማዲንጎ አፈወርቅ ‹‹ስወድላት››፣ የአብነት አጎናፍር ‹‹አስታራቂ›› የዮሴፍ ገብሬ ‹‹መቼ ነው››፣ የዳን አድማሱ ‹‹ዘበናይ››፣ የፀሐይ ዮሐንስ ‹‹የኔታ›› የቤቲ ጂ ‹‹ማነው ፍፁም›› ይወዳደራሉ፡፡ በአዲስ ድምጻዊ ዘርፍ ዳን አድማሱ በ ‹‹ዘበናይ››፣ ሐና ግርማ ‹‹እውነት››፣ ቤቲ ጂ ‹‹ማነው ፍፁም›› እና ራስ ጆኒ በ‹‹ሰላምታ›› አልበሞቻቸው ይወዳደራሉ፡፡

    በለዛ የሕይወት ዘመን ተሸላሚ የሚወዳደሩት ደግሞ ማሪቱ ለገሰ፣ ዓለማየሁ እሸቴ፣ ባህታ ገብረሕይወት፣ ዳዊት ይፍሩ፣ ግርማ በየነ፣ ግርማ ነጋሽና ዮሐንስ አፈወርቅ ናቸው፡፡

    - Advertisement -

    ይመዝገቡ

    spot_img
    spot_img