Monday, February 6, 2023
- Advertisement -
- Advertisement -
ማኅበራዊየአሜሪካ ኤግዚም ባንክ ሥራ ማቆም በኢትዮጵያ አየር መንገድ የአውሮፕላን ግዥዎች ላይ ሥጋት...

የአሜሪካ ኤግዚም ባንክ ሥራ ማቆም በኢትዮጵያ አየር መንገድ የአውሮፕላን ግዥዎች ላይ ሥጋት ፈጠረ

ቀን:

የአሜሪካ ኤክስፖርትና ኢምፖርት (ኤግዚም) ባንክ ዋስትና ለመስጠት በተቀበላቸው ጥያቄዎች ላይ ውሳኔ ሳይሰጥ የሥራ ጊዜው መጠናቀቁ፣ በኢትዮጵያ አየር መንገድ የአውሮፕላን ግዥዎች ላይ መስተጓጎል እንዳይፈጥር ሥጋት ፈጥሯል፡፡

የአሜሪካ ኤግዚም ባንክ ላለፉት 81 ዓመታት የአሜሪካ አምራቾች ዓለም አቀፍ ገበያ ውስጥ እንዲገቡ ድጋፍ ሲያደርግ የነበረ ሲሆን፣ እ.ኤ.አ. ጁን 30 ቀን 2015 በአዋጁ የተፈቀደለት የሥራ ጊዜ ተጠናቋል፡፡

ባንኩ የአሜሪካ ኩባንያዎች ወደ ዓለም አቀፍ ገበያው እንዲገቡ ከሚያበረታታባቸው መንገዶች አንዱ ለገዥዎቻቸው የብድር ዋስትና በመስጠት ነው፡፡ የኢትዮጵያ አየር መንገድ ከአሜሪካ አውሮፕላን አምራች ቦይንግ ለሚገዛቸው አውሮፕላኖች ከውጭ ባንኮች ለሚያገኘው ብድር ዋስትና የሚሆነው የአሜሪካ ኤግዚም ባንክ ነው፡፡

በኢትዮጵያ አየር መንገድና በአሜሪካ ኤግዚም ባንክ መካከል ግንኙነት የተጀመረው እ.ኤ.አ. በ2002 ሲሆን፣ የኢትዮጵያ አየር መንገድ ያስገባቸው 13 ቦይንግ 787 ድሪምላይነሮች ግዥ ለመፈጸም የሚያስችለውን ብደር ከባንኮች ያገኘው በኤግዚም ባንክ ዋስትና መሆኑን መረጃዎች ያመለክታሉ፡፡

እ.ኤ.አ. እስከ 2013 ድረስም ኤግዚም ባንክ 2.2 ቢሊዮን ዶላር ዋስትና ለኢትዮጵያ አየር መንገድ መስጠቱን የባንኩ መረጃዎች ያመለክታሉ፡፡

የኢትዮጵያ አየር መንገድ በአሁኑ ወቅት ተጨማሪ ስምንት ድሪምላይነሮችን ለመግዛት ውል የፈጸመ ሲሆን፣ ባለፈው ዓመት መጨረሻ አካባቢም የብድር ዋስትና ጥያቄ ለኤግዚም ባንክ ማቅረቡን መረጃዎች ያመለክታሉ፡፡ የኢትዮጵያ አየር መንገድ የብድር ዋስትና ጥያቄን የተመለከቱት የኤግዚም ባንክ የቦርድ አባላት፣ ከባንኩ የሥራ ጊዜ መገባደድ ጋር በማገናዘብ ጥያቄውን ለአሜሪካ ኮንግረስ መምራታቸውን የባንኩ መረጃዎች ያመለክታሉ፡፡

      እ.ኤ.አ. ኦገስት 12 ቀን 2015 ለኤግዚም ባንክ ደንበኞች ደብዳቤ የጻፉት የባንኩ የቦርድ ሰብሳቢ ፍሬድ ሆችበርግ፣ የኤግዚም ባንክ የሥራ ጊዜ በመጠናቀቁ አዲስ የብድር ዋስትና ጥያቄዎችን እንደማያስተናግዱ ጠቁመዋል፡፡ ባንኩ ዋስትና ለገባላቸው 107 ቢሊዮን ዶላር ዕዳ ብቻ ተጠያቂ እንደሚሆንና የባንኩ ደንበኞችም ዋስትና ለተገቡላቸው ብድሮቻቸው ወቅታዊ ክፍያ እንዲፈጽሙ አሳስበዋል፡፡ በማከልም የአሜሪካ ሴኔት አሁን ከሚገኝበት እረፍት ሲመለስ የባንኩን የሥራ ጊዜ ሊያራዝም ይችላል የሚል ግምታቸውንም አክለዋል፡፡

      ፕሬዚዳንት ባራክ ኦባማ ባለፈው ሐምሌ ወር የኢትዮጵያ ጉብኝታቸው ማጠናቀቂያ የመጨረሻ ሰዓት ላይ፣ ከኢትዮጵያ አየር መንገድ ዋና ሥራ አስፈጻሚ አቶ ተወልደ ገብረማርያም ጋር ተገናኝተው መነጋገራቸው ይታወሳል፡፡

አቶ ተወልደ ከፕሬዚዳንት ኦባማ ጋር በተገናኙበት ወቅት ያነሱት ጉዳይም የኤግዚም ባንክ የሥራ ጊዜ ማብቃት በኢትዮጵያ አየር መንገድ ላይ የሚፈጥረውን ተፅዕኖ የተመለከተ ነበር፡፡ ፕሬዚዳንት ኦባማ ጉዳዩን እንደሚረዱት እንደገለጹላቸው፣ በጥቂት ጊዜ ውስጥ የአሜሪካ ሴኔት የኤግዚም ባንክን የሥራ ጊዜ እንደሚያራዝም እንደነገሩዋቸው ለአገር ውስጥ መገናኛ ብዙኃን ገልጸው ነበር፡፡

የአሜሪካ ሴኔት ከዕረፍት ወደ ሥራ የሚመለሰው እ.ኤ.አ. በመስከረም 2015 ነው፡፡ በኤግዚም ባንክ የሥራ ጊዜ ማብቃት ተፅዕኖ ሥጋት የፈጠረው በኢትዮጵያ አየር መንገድ ላይ ብቻ ሳይሆን፣ በፕሬዚዳንት ኦባማ የአፍሪካ ፓወር ኢኒሼቲቭ ላይ ጭምር መሆኑን መረጃዎች ያመለክታሉ፡፡

የፕሬዚዳንቱን የሰባት ቢሊዮን ዶላር የፓወር ኢንሼቲቭ ተጠቅመው ከሰሃራ በታች ወዳሉ አፍሪካ አገሮች ለመግባት የፈለጉ የአሜሪካ ኩባንያዎች የብድር ዋስትና የሚጠይቁት ከዚሁ የኤግዚም ባንክ ነው፡፡

ኤግዜም ባንክ እስካሁን ለኦባማ ፓወር ኢኒሼቲቭ የፈቀደው የብድር ዋስትና 132 ሚሊዮን ዶላር ሲሆን፣ አምስት ቢሊዮን ዶላር የብድር ዋስትና ይህንኑ ባንክ የሚመለከት ነው፡፡

 

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

የኢትዮጵያ ካፒታል ገበያ ምሥረታ ዝግጅቶችና ከገበያው የሚጠበቁ ዕድሎች

ኢትዮጵያ ከ50 ዓመት በኋላ ዳግም የምታስጀምረውን የካፒታል ገበያ ዘመኑን...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...

መንግሥት የደቡብ ሱዳን ታጣቂዎች ድንበር ጥሰው የሚያደርሱትን ጥቃት እንዲያስቆም ተጠየቀ

የሕዝብ ተወካዮች ምክር ቤት የውጭ ግንኙነትና የሰላም ጉዳዮች ቋሚ...