Friday, December 2, 2022
ሌሎች ዓምዶች
    - ማስታወቂያ -
    - ማስታወቂያ -

    ስካይ ባስ ባደረሰው ጉዳት የተወሰነበትን የካሳ ክፍያ በሰበር አሳገደ

    - ማስታወቂያ -

    ተዛማጅ ፅሁፎች

    ጥር 8 ቀን 2004 ዓ.ም. ከአዲስ አበባ ወደ ጎንደር ሲጓዝ ዓባይ በረሃ ውስጥ በተገለበጠው አውቶቡስ ምክንያት በደረሰው የሞት፣ የአካል ጉዳትና የንብረት ውድመት ካሳ እንዲከፍል በሥር ፍርድ ቤቶች ውሳኔ የተላለፈበት ስካይ ባስ ኃላፊነቱ የተወሰነ የግል ማኅበር፣ ለፌዴራል ጠቅላይ ፍርድ ቤት ሰበር ሰሚ ችሎት ያቀረበው አቤቱታ ተቀባይነት በማግኘቱ ውሳኔው ታገደ፡፡

    በወቅቱ በአውቶቡስ ይጓዙ ከነበሩት 48 መንገደኞች መካከል በሕይወት ከተረፉት ከስድስቱ መንገደኞች አንዱ ለአቶ አገኘሁ መኮንን የቂርቆስ ምድብ 2ኛ ፍትሕ ብሔር ችሎት ሰኔ 10 ቀን 2007 ዓ.ም. በዋለው ችሎት፣ ከ300 ሺሕ ብር በላይ እንዲከፈላቸው መወሰኑን ባለፈው ሳምንት መዘገባችን ይታወሳል፡፡ ይኼንን ውሳኔ የተቃወመው የስካይ ባስ ኩባንያ ጉዳዩን ለከፍተኛ ፍርድ ቤት ይግባኝ ያለ ቢሆንም፣ የከፍተኛ ፍርድ ቤትም ሐምሌ 7 ቀን 2007 ዓ.ም. በዋለው ችሎት ውሳኔው እንዲፀና ወስኗል፡፡

    ይኼንን ውሳኔ በመቃወም ስ›ደስሰሰሪበበስካይ ባስ ጉዳዩን ለፌዴራሉ ጠቅላይ ፍርድ ቤት ሰበር ችሎት አቅርቧል፡፡ አቤቱታውም ሐምሌ 9 ቀን 2007 ዓ.ም. በዋለው ችሎት ተቀባይነት አግኝቷል፡፡ የፍርድ ቤቱ ትዕዛዝ እንደሚያትተው የአመልካችን የጥፋት ኃላፊነት አስመልክቶ ከንግድ ሕግ ቁጥር 599 አንፃር በካሳ መጠን አወሳሰኑ ላይም የንግድ ሕጉንና የፍትሐ ብሔር ሕጉን መሠረት ያደረገ መሆን አለመሆኑ ለማጣራት ጉዳዩ ለሰበር ችሎት ይቅረብ ሲል አዟል፡፡ መዝገቡ ተመርምሮ ትዕዛዝ ለመስጠት ለኅዳር 30 ቀን 2008 ዓ.ም. የተቀጠረ ሲሆን፣ በሥር ፍርድ ቤቶች የተሰጠው ትዕዛዝ እንዲታገድ አዟል፡፡

    ስካይ ባስ ትራንስፖርት ሲስተም አክሲዮን ማኅበር ለሪፖርተር በላከው መግለጫ፣ ዕግድ ከተደረገበትና ከተሸነፈበት ውጪ በአማራ ክልልና በፌዴራል ከፍተኛ ፍርድ ቤት የመጀመርያ ደረጃ ፍርድ ቤት በተመሳሳይ ጉዳይ ተከሶ ማሸነፉን ገልጿል፡፡ የተያያዙት መዝገቦችም ይህንኑ ያሳያሉ፡፡

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች