Wednesday, July 24, 2024
- Advertisement -
- Advertisement -
ማኅበራዊእንጀራ አጉርሰኝ ‹‹ሱሺውን›› በሞቴ

እንጀራ አጉርሰኝ ‹‹ሱሺውን›› በሞቴ

ቀን:

በጃፓን ኩባንያዎች አሰናጅነት ነሐሴ 25 ምሽት 2007 ዓ.ም. በሸራተን አዲስ መካሄድ የጀመረውን የአፍሪካ ጃፓን የኢንቨስትመንትና የንግድ ፎረም የከፈቱት ጠቅላይ ሚኒስትር ኃይለማርያም ደሳለኝ፣ የጃፓን ውጭ ጉዳይ ፓርላሜንታዊ ምክትል ሚኒስትር ከሆኑት ካዙዩኪ ናካኒ ጋር በነበራቸው ቆይታ የሁለቱን አገሮች የማዕድ ሥነ ሥርዓት በየፊናቸው ተቋድሰዋል፡፡ ‹‹መብል ያፋቅራል›› እንዲል የአገራችን ሰው ሁለቱ ባለሥልጣናት አንዱ የሌላውን አገር ምግብ ሞክረዋል፡፡

ጠቅላይ ሚኒስትሩ ቤተኛችንን እንጀራ፣ ምክትል ሚኒስትሩ እንዲቀምሱ ሲጋብዙ፣ ጃፓናዊው ባለሥልጣን በተራቸው የአገራቸውን ዕውቅ ምግብ ሱቺን ለአቶ ኃይለማርያም ጋብዘዋል፡፡ ጠቅላይ ሚኒስትር ኃይለማርያም የእስያውያኑ መመገቢያ በሆነው ቾፕ ስቲክ ሱሺን ሲመገቡም ታይተዋል፡፡

ጠቅላይ ሚኒስትር ኃይለማርያም ቢያንስ ለሁለት ጊዜ ያህል ጃፓንን በኦፊሴል መጎብኘታቸው ይታወሳል፡፡ የጃፓኑ ጠቅላይ ሚኒስትር ሺንዞ አቤ በበኩላቸው ኢትዮጵያን ጨምሮ በአፍሪካ ጉብኝት ያደረጉት በቅርቡ እንደነበር አይዘነጋም፡፡ ጃፓኖች ስለኢትዮጵያ ከሚያወሱበት የታሪክ መዘክራቸው ውስጥ የታላቁ አትሌት አበበ ቢቂላ የማራቶን ድል በትልቁ ተከትቧል፡፡

የሁለተኛው የዓለም ጦርነት ባከተመ 20 ዓመት ግድም ጃፓኖች ባሰናዱት የቶኪዮ ኦሊምፒክ ላይ ድምቀት የነበረው አበበ ቢቂላ ባስመዘገበው ድል በጃፓኖች ዘንድ ዛሬም ድረስ ይወሳል፡፡ ስለኢትዮጵያ በተናገሩ ቁጥር አቤን ሳይዘክሩ አያልፉም፡፡

ከአምስት ዓመት በኋላ በጃፓን እንደሚካሄድ በሚጠበቀው የኦሊምፒክ ውድድር፣ ጃፓን ከትውስታዎቿ አንዱ የሆነው አበበ ቢቂላን ዘክራበታለች፡፡ ጠቅላይ ሚኒስትር ሺንዞ አቤ የአበበ ቢቂላ ቤተሰቦችን ወደ ጃፓን በመጋበዝ ለአበበ ያላቸውን አክብሮት ገልጸዋል፡፡ ለአበበ ቢቂላ ልጅ ለአቶ የትናየት አበበ በብሔራዊ ቤተ መንግሥታቸው ከጥቂት ወራት በፊት በተካሄደ ሥነ ሥርዓት ይህንኑ አክብሮት ማሳየታቸው ይታወሳል፡፡

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...

ግለሰብ ነጋዴዎችን በአስገዳጅነት የንግድ ምክር ቤት አባል ለማድረግ ያለመው ረቂቅ አዋጅ ተከለሰ

በምትኩ የንግድ ተቋማት በአስገዳጅነት የንግድ ምክር ቤት አባል ይሆናሉ...

አሳርና ተስፋ!

ከቱሉ ዲምቱ ወደ ቦሌ ጉዞ ልንጀምር ነው፡፡ ገና ከመንጋቱ...