Saturday, June 15, 2024
- Advertisement -
- Advertisement -

ዜናኢሕአዴግ ከግንባርነት ወደ ውህድ ፓርቲነት መሸጋገሩ በመጪው ነሐሴ እንደሚታወቅ ተገለጸ

ኢሕአዴግ ከግንባርነት ወደ ውህድ ፓርቲነት መሸጋገሩ በመጪው ነሐሴ እንደሚታወቅ ተገለጸ

ቀን:

ገዥው ፓርቲ ኢሕአዴግ ከብሔራዊ ድርጅቶች ግንባርነት ወደ ተዋሀደ አንድ ፓርቲነት ለመሸጋገር ከበርካታ ዓመታት በፊት በያዘው ዕቅድ ላይ የመጨረሻ ውሳኔ እንደሚሰጥ፣ የኢሕአዴግ ጽሕፈት ቤት ኃላፊ አቶ ሽፈራው ሽጉጤ አስታወቁ፡፡

አቶ ሽፈራው ሰኞ መጋቢት 3 ቀን 2010 ዓ.ም. ለታተመው አዲስ ዘመን ጋዜጣ ኢሕአዴግን ውህድ ፓርቲ ለማድረግ በተያዘው ዕቅድ ላይ፣ እንዲሁም ከአጋር ፓርቲዎች ጋር የሚኖረውን ግንኙነት በተመለከተም የመጨረሻ ውሳኔ በነሐሴው የኢሕአዴግ ጉባዔ እንደሚወሰን ተናግረዋል፡፡ በዚህ ጉባዔ ይወሰናል ሲባል ግን ወዲያውኑ ኢሕአዴግ ውህድ ፓርቲ ይሆናል ማለት እንዳልሆነ ገልጸዋል፡፡

ኢሕአዴግ ከግንባርነት ወደ ውህድ ፓርቲነት ለማሸጋገር በተለያዩ ስብሰባዎች ሐሳቦች ተነስተው የነበሩ ቢሆንም፣ ከሐሳብነት የዘለለ እንቅስቃሴ እምብዛም አልተደረገም፡፡ በ1999 ዓ.ም. ተሻሽሎ የፀደቀው የኢሕአዴግ መተዳደሪያ ደንብ፣ ኢሕአዴግ የሚመራባቸው አጠቃላይ የአደረጃጀት መርሆዎች ብሔረሰባዊ አደረጃጀት ብቻ የኢሕአዴግን ዓላማ ለማሳካት እንደሚመች ይገልጻል፡፡ ‹‹ኅብረ ብሔራዊ አገር እንደ መሆኗ የተለያዩ ብሔሮቿንና ሕዝቦቿን በአንድነት አሰባስቦ ለማታገል የሚቻለው፣ ግለሰቦችን በተናጠል በሚያሰባስብ ኅብረ ብሔር ድርጅት ሳይሆን የድርጅቶች በተለይ ደግሞ የብሔር ብሔረሰብ ድርጅቶች፣ በተለይ ደግሞ የብሔር ብሔረሰብ ድርጅቶች ግንባር በሆነ አደረጃጀት አማካይነት ነው፤›› በማለት ምርጫው መሆኑን ይገልጻል፡፡

- Advertisement -

በተጨማሪም የኢትዮጵያ ሕዝቦች የብሔር የብሔረሰብ ድርጅት በመመሥረት መብታቸውንና ጥቅማቸውን በተሻለ ሁኔታ ለማስጠበቅ እንደሚፈልጉና እንደሚችሉ በተግባር እየታየ በመሆኑ፣ ብሔር ብሔረሰቦች የተሻለ ድርጅታዊ አመራር ማግኘትና በፖለቲካ ሒደቱ በበለጠ መሳተፍ የሚችሉት በብሔር ብሔረሰብ ድርጅቶቻቸው አማካይነት ሲታገሉ እንደሆነም አሁን ያለው ተጨባጭ ሁኔታ እንደሚያሳይ ይገልጻል፡፡

‹‹በመሆኑም እያንዳንዱ ብሔር መብቱንና ጥቅሙን በብሔራዊ ድርጅቶቹ አማካይነት ለማስጠበቅ ያለውን ፍላጎት በተሻለ ደረጃ ተግባራዊ ለማድረግ የሚያስችል ሁኔታ ይፈጥራል፤›› በማለት የመተዳደሪያ ደንቡ ይገልጻል፡፡

አቶ ሽፈራው እንዳሉት ኢሕአዴግ ከአጋር ድርጅቶች ጋር ያለውን ግንኙነት በተመለከተ በነሐሴ ወር እንደሚወስን ተናግረዋል፡፡ ላለፉት 26 ዓመታት ከኢሕአዴግ ጋር እየሠሩ የቆዩት የታዳጊ ክልል ብሔራዊ ድርጅቶች ግንባሩን ይቀላቀሉ? ወይስ ምን ዓይነት ግንኙነት ይኑራቸው? በሚለው ላይ ለመወሰን እንደሆነ ቅርበት ያላቸው ምንጮች ይናገራሉ፡፡

የኢሕአዴግ መተዳደሪያ ደንብ ግን አጋር ድርጅቶችም ሆኑ ማንኛውም ሌላ ብሔራዊ ድርጅት ኢሕአዴግ የሚጠይቃቸውን መሥፈርቶች አሟልቶ አባል ለመሆን እንደሚችል ይገልጻል፡፡ ከመመዘኛ መሥፈርቶቹ መካከል አንዱ የብሔረሰብ ድርጅት ሲሆን፣ በአንድ ብሔረሰብ ውስጥ ሁለት የብሔረሰብ ድርጅቶች ካሉ መዋሀድ እንዳለባቸው ይገልጻል፡፡ የግንባሩ አባል ከመሆን በፊትም ለአንድ ዓመት ያህል የሙከራ ጊዜ አባል ሆኖ የመቆየት ግዴታ መኖሩንም ያስረዳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...