Tuesday, October 4, 2022
ሌሎች ዓምዶች
    - Advertisement -
    - Advertisement -
    ስፖርትበመላ አፍሪካ ጨዋታ ኢትዮጵያውያን አትሌቶች ይጠበቃሉ

    በመላ አፍሪካ ጨዋታ ኢትዮጵያውያን አትሌቶች ይጠበቃሉ

    ቀን:

    ለ11ኛ ጊዜ በኮንጎ ብራዛቪል በሚካሄደውና ባለፈው ዓርብ በተጀመረው የመላ አፍሪካ ጨዋታ የኢትዮጵያ አትሌቶች በረዥምና በመካከለኛ ርቀት ውድድሮች ይጠበቃሉ፡፡
    በውድድሩ በአጭር ርቀት፣ ጦር ውርወራ፣ ዝላይ፣ እንዲሁም በመካከለኛ ርቀትና በረዥም ርቀት 5,000፣ 10,000 እና 21 ኪሎ ሜትር ተሳታፊ አትሌቶች ዝግጅታቸውን አጠናቀዋል፡፡

    የኢትዮጵያ አትሌቲክስ ፌዴሬሽን የማኅበራት ማደራጃና ማዘውተሪያ ሥፍራ ከፍተኛ ባለሙያ የሆኑት አቶ ኢሊ ሰይድ ለሪፖርተር እንደገለጹት፣ ከሆነ የአትሌቲክስ ፌዴሬሽን ውድድሩ ላይ የሚሳተፉትን አትሌቶች ከነሐሴ 3 ጀምሮ በብሔራዊ ሆቴል ማረፊያውን በማድረግ ዝግጅት አድርጓል፡፡ የቡድን መሪና አሠልጣኞችን ጨምሮ በአጠቃላይ 86 የልዑካን ቡድን ወደ ሥፍራው እንደሚያመራ አቶ አሊ ገልጸዋል፡፡ የወቅቷ ውጤታማ አትሌት አልማዝ አያናን ጨምሮ ገለቴ ቡርቃ፣ ውዴ አያሌውና ሶፊያ አሰፋ በሴቶች ይጠበቃሉ፡፡

    በወንዶች የእኔው አላምረው፣ አዝመራው መንግሥቱና ፋንታሁን ሁነኛውና ሌሎች አትሌቶቹን ጨምሮ  እንደሚገኙ ተገልጿል፡፡
    ለ15 ቀናት በሚቆየው የመላው አፍሪካ ጨዋታ የወጣውን የውድድር ፕሮግራም መሠረት አራት የጦር ውርወራ ተወዳዳሪዎችና አንድ አሠልጣኝ ቀደም ብለው ወደ ሥፍራው ያመሩ ሲሆን፣ ከሚቀጥለው ሳምንት ጀምሮ ደግሞ ሙሉ ልዑካን ቡድን ወደ ሥፍራው እንደሚያመራ ታውቋል፡፡

    54 የአፍሪካ አገሮችን የሚያሳትፈው የመላው አፍሪካ ዋንጫ ዘንድሮም 22 የውድድር ዓይነቶች አዘጋጅቷል፡፡ ኢትዮጵያም በውድድሩ ላይ በቦክስ፣ ቴኳንዶ፣ የጠረጴዛ ቴኒስ፣ ዋና፣ ባድሜንተን፣ ጅምናስቲክ፣ ክብደት ማንሳት፣ በብስክሌትና ፓራሊምፒክ ተካፋይ ትሆናለች፡፡
    እ.ኤ.አ. በ2011 ሞዛምቢክ ማፑቶ ላይ በተካሄደው የመላው አፍሪካ ጨዋታ ኢትዮጵያ በአትሌቲክስ ስድስት ወርቅ፣ ሰባት ብርና አምስት የነሐስ በአጠቃላይ 21 ሜዳሊያዎችን በማምጣት ናይጄሪያን ተከትላ ሁለተኛ ሆና አጠናቃለች፡፡

    እንደ እ.ኤ.አ. 1965 ዓ.ም. ለመጀመርያ ጊዜ በኮንጎ ብራዛቪል ሀ ብሎ ከጀመረበት ወቅት ጀምሮ ኢትዮጵያ ስትካፈል ቆይታለች፡፡

    - Advertisement -

    ይመዝገቡ

    spot_img
    spot_img