Sunday, January 29, 2023
- Advertisement -
- Advertisement -
ማኅበራዊለአራተኛው ዙር የሕዝብና የቤቶች ቆጠራ የካርታ ሥራ ሊጀመር ነው

ለአራተኛው ዙር የሕዝብና የቤቶች ቆጠራ የካርታ ሥራ ሊጀመር ነው

ቀን:

በኢትዮጵያ ለአራተኛ ጊዜ በ2009 ዓ.ም. ለሚካሄደው የሕዝብና የቤቶች ቆጠራ የሚያገለግል የካርታ ሥራ ዝግጅት ሊጀመር ነው፡፡

በ2008 ዓ.ም. መጀመሪያ ወራት ላይ ለሚጀመረው ባለሥልጣን የካርታ ሥራ ዝግጅት ኃላፊነት የተጣለበት ማዕከላዊ ስታትስቲክስ ባለሥልጣን፣ በሥራው የሚሳተፉ ባለሙያዎችን ላለፉት ሁለት ወራት ሲያሠለጠን መቆየቱን ለማወቅ ተችሏል፡፡

ከ600 በላይ የሚሆኑት ባለሙያዎች የሁለት ወራት ሥልጠናቸውን ነሐሴ 23 ቀን 2007 ዓ.ም. አጠናቀው፣ ከገንዘብና ኢኮኖሚ ልማት ሚኒስቴርና ከማዕከላዊ ስታትስቲክስ ባለሥልጣናት የሥራ ኃላፊዎች የሥራ መመርያ ተቀብለዋል፡፡

በመጪው መስከረም ወር የመጨረሻው ሳምንት ሥራውን የሚጀምረው የሕዝብ ተወካዮች ምክር ቤት ቅድሚያ ተግባራት መካከል፣ የሕዝብና የቤቶች ቆጠራ ኮሚሽን አባላትን መምረጥ አንዱ ይሆናል ተብሎ ይጠበቃል፡፡

የዚህ ኮሚሽን ዋና ኃላፊነት የሕዝብና የቤቶች ቆጠራ ሥራን መምራትና ማስተባበር ሲሆን፣ የማዕከላዊ ስታትስቲክስ ባለሥልጣን ቆጠራውን በማከናወን ሪፖርት የሚያቀርበውም ለዚሁ ኮሚሽን እንደሚሆን ሪፖርተር ያገኘው መረጃ ያሳያል፡፡

በሦስተኛው ዙር የሕዝብና የቤቶች ቆጠራ ኮሚሽን ኃላፊ አቶ አዲሱ ለገሰ እንደነበሩ ይታወሳል፡፡

በ1999 ዓ.ም. በተካሄደው በሦስተኛው ዙር የሕዝብና የቤቶች ቆጠራ ውጤት በኅዳር ወር 2002 ዓ.ም. ይፋ በተደረገበት ወቅት ከፍተኛ የሆነ ተቃውሞ መነሳቱ ይታወሳል፡፡ የዚህ ምክንያቱ በቆጠራው ውጤት መሠረት የአማራ ሕዝብ ቁጥር ቀደም ሲል ከተተነበየው በሁለት ሚሊዮን ሕዝብ አንሶ በመገኘቱ ነበር፡፡

ይህ ልዩነት እንዴት ሊመጣ እንደቻለ ለማረጋገጥ ከሐርቫርድ ዩኒቨርሲቲ ባለሙያዎች ተቀጥረው የቆጠራውን ሒደት ቢገመግሙም፣ ምንም ችግር እንዳላገኙበት በወቅቱ መገለጹ ይታወሳል፡፡

በመሆኑም ለችግሩ እልባት እንዲሰጥ በፓርላማው ኃላፊነት የተሰጠው ኮሚሽኑ በወሰነው ውሳኔ መሠረት በ2004 ዓ.ም. ማለትም በሦስተኛውና በአራተኛው የሕዝብና የቤቶች ቆጠራ አጋማሽ ላይ (ኢንተርሴንሳል) በአማራ ክልልና በአዲስ አበባ ከተማ ጥናት ተካሂዷል፡፡ በዚህም መሠረት የኢትዮጵያ የሕዝብና የቤቶች ቆጠራ የተጀመረው በ1977 ዓ.ም. ሲሆን፣ ሁለተኛው በ1987 ዓም ተካሂዷል፡፡ ሦስተኛው ቆጠራ በ1997 መካሄድ የነበረበት ቢሆንም ከምርጫ 97 ጋር በመገጣጠሙ በ1999 ዓ.ም. መካሄዱ ይታወሳል፡፡ አራተኛው ቆጠራ በ2009 ዓ.ም. እንደሚካሄድ ይጠበቃል፡፡ የአማራ ሕዝብ ዕድገት ምጣኔ ከአገር አቀፍ የሕዝብ ብዛት ዕድገት ምጣኔ ጋር ተቀራራቢ መሆኑን ፣ እንዲሁም የአማራ ሕዝብ ብዛት በ2004 ዓ.ም. 19.2 ሚሊዮን እንደሆነ አረጋግጧል፡፡ ይህም ማለት በ2001 ዓ.ም. ከተገለጸው የሦስተኛው የሕዝብና የቤቶች ቆጠራ የአማራ ሕዝብ ብዛት በሁለት ሚሊዮን ማደጉን አረጋግጧል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...