Thursday, February 29, 2024
- Advertisement -
- Advertisement -
ኪንና ባህልኢትዮጵያውያን ቤተ እስራኤሎች አዲሱን 5776 ዓመት ተቀበሉ

ኢትዮጵያውያን ቤተ እስራኤሎች አዲሱን 5776 ዓመት ተቀበሉ

ቀን:

ኢትዮጵያውያን ቤተ እስራኤሎች በአይሁድ አቆጣጠር መሠረት እሑድ መስከረም 2 ቀን 2008 ዓ.ም. ማታ አዲሱን የአይሁድ አዲስ ዓመት 5776 ዓመትን ጀመሩ፡፡

‹‹ሮሽ ሃሻናህ›› በአማርኛ የ‹‹ዓመት ርእስ››፣ ‹‹ሠረቀ ብርሃን›› በመባል የሚታወቀው አዲስ ዓመት የተከበረው ለሁለት ቀን እስከ ማክሰኞ መስከረም 4 ቀን ማታ ድረስ ነው፡፡ በአዲስ አበባ ከተማ ቀጨኔ አካባቢ በሚኘው ቤተ ሰላም ሲናጉግ (ምኩራብ) የቤተ እስራኤል ማኅበረሰብ በተገኘበት በሃይማኖታዊ ሥርዓት በዓሉ ተከብሯል፡፡

የቤተ ሰላም ሲናጉግ የቦርድ አባሉ አቶ ተፈራ ወርቅ እሱባለው ለሪፖርተር እንደገለጹት፣ የአይሁድ 7ኛ ወር የሆነው ቲሺሪ ወር አዳም የተፈጠረበት ወር ነው፡፡

- Advertisement -

Video from Enat Bank Youtube Channel.

‹‹ዛሬ አዳም ከተፈጠረ 5776ኛ ዓመት በሌላ አነጋገርም የዓለም የልደት ቀንም ነው›› ያሉት አቶ ተፈራ ወርቅ፣ ምሽቱ ቀንደ መለከት (ሾፋር) የሚነፉበት ምክንያት አንደኛው የእስራኤል ሕዝብ ለመሰብሰብ የሚደረግ መሆኑን ለማመልከት ነው፡፡

በዕለቱ የጣፈጡ ምግቦች ይበሉበታል፡፡ ‹‹የጣፈጡ ነገሮች ማር በአፕል እየነከርን የምንበላው ዓመቱና ቀሪው ዘመን ያማረና የጣፈጠ እንዲሆንልን ነው፡፡›› አቶ ተፈራ ወርቅ ጨምረው እንደገለጹት ሮሽ ሃሻናህ የይቅርታና የንስሐ ጊዜ የሚጀመርበትና ለአሥር ቀን የሚቆይ ሲሆን፣ ዮም ኪፑር (የስርየት ቀን) የሚከበርበት ይሆናል፡፡ ‹‹በዚህም ለሚቀጥለው ዓመት በሕይወት መጽሐፍ ተጽፈን የምንታተምበት እንዲሆንልን፡፡ የመጀመሪያው ሥራችንን ነው የምንሠራው›› በማለት አቶ ደመቀ እንግዳህ (ሐዛን) ተናግረዋል፡፡

ከ5775 ዓመተ ፍጥረት ወደ 5776 ዓመተ ፍጥረት የተሸጋገረው የአይሁድ አዲስ ዓመት የመጀመርያ ቀን በዕብራይስጥ ቋንቋ ‹‹ሮሽ ሃሻናህ›› ‹‹ርእሰ ዓመት‹‹ የዓመት መነሻ ማለት ነው፡፡ ወሩን በጨረቃ ዓመቱን በፀሐይ የሚቆጥረው ይኸው የእስራኤል ቀለንቶን (ካሌንደር) ከዓመቱ የመጀመርያ ወር ትሽሪ 1 (የጨረቃ ጥቅምት 1) የሚነሣ ሲሆን፤ የዘንድሮ የ2008 ዓ.ም. አዲሱ ዓመት የተከበረው ከመስከረም 2 ቀን ከፀሐይ ግባት እስከ መስከረም 4 ምሽት ድረስ ነበር፡፡ በዓሉ በእስራኤልና በዓለም ዙርያ በሚገኙ አይሁዶች መከበሩ ታውቋል፡፡

ሮሽ ሃሻናህ ከአራቱ የአይሁድ አዲስ ዓመቶች አንዱ ሲሆን፣ የመጀመርያው በኒሳን ወር (የጨረቃ ሚያዝያ) የሚከበረው አይሁድ ከግብፅ የወጡበት ዕለት የሚታሰብበት ነው፡፡ በቶራህ-ዘሌዋውያን እንደተጻፈው፣ ሮሽ ሃሻናህ የመጥቅዕ (ደወል/ቀንደ መለከት) በዓል በመባል ይታወቃል፡፡

በዕብራይስጥ በርእሰ ዓመቱ ሮሽ ሃሻናህ መልካም ምኞት ሲገለፅ ‹‹ሻና ቶቫህ ዑመቱካህ›› ማለትም መልካምና የተስማማ ጣፋጭ አዲስ ዓመት ይሁን! ይላል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...