Wednesday, February 21, 2024
- Advertisement -
- Advertisement -
ማኅበራዊያልተማከለ የኃይል ዝርጋታ በአዲሱ ዕቅድ እንደሚኖር ተገለጸ

ያልተማከለ የኃይል ዝርጋታ በአዲሱ ዕቅድ እንደሚኖር ተገለጸ

ቀን:

ከዘንድሮ ጀምሮ ሥራ ላይ በዋለው በሁለተኛው የዕድገትና ትራንስፎርሜሽን ዕቅድ ዘመን ያልተማከለ የኃይል ዝርጋታ አገልግሎት ይኖራል፡፡ ለዚህም እውን መሆን ከዋናው መስመር ውጭ የሆኑ የኃይል ምንጮች (ኦፍግሪድ) የሚል ስትራቴጂ በዕቅዱ ውስጥ መቀረጹንና መካተቱን ዶክተር ደብረ ጽዮን ገብረ ሚካኤል በምክትል ጠቅላይ ሚኒስትር ማዕረግ የፋይናንስና ኢኮኖሚ ክላስተር አስተባባሪና የመገናኛና ኢንፎርሜሽን ሚኒስትር አስታወቁ፡፡

ሚኒስትሩ ይህንን ያስታወቁት፣ ኢንስቲትዩት ኦፍ ኤሌክትሪካል ኤንድ ኤሌክትሮኒክ ኢንጂነርስ አሶሴሽን የአፍሪካ ቅርንጫፍ ያዘጋጀውንና በኢነርጂና በኮሙኒኬሽን ዘርፎች ዓለም አቀፍ ዕውቅና ያተረፉና በሳል ባለሙያዎቹ የተሳተፉበትን ጉባኤ አስመልክተው ለጋዜጠኞች ባደረጉት ገለጻ ላይ ነው፡፡

ያልተማከለ የኃይል ዝርጋታ አገልግሎት ባዮጋዝ፣ የነፋስና የፀሐይ ኃይልን እንደሚያካትት፣ እንደ እነዚህ ዓይነት የኃይል ምንጮች እንዲኖሩ ያስፈለገውም፣ በተለይ በገጠር የኢነርጂ ሥራዎችን ለመዘርጋት ዓመታት ከመጠበቅና ተመልሶ ተበላሸ ከሚባሉት ልዩ ልዩ ችግሮች ለመላቀቅ እጅግ ጠቃሚ ሆኖ በመገኘቱ ነው፡፡

- Advertisement -

Video from Enat Bank Youtube Channel.

በዚህ ዓይነቱም ሥራ ላይ ከኢንስቲትዩት ኦፍ ኤሌክትሮኒክ ኤንድ ኤሌክትሮኒካል ኢንጂነር አሶሴሽን የሚወጡ የጥናት ውጤቶችና የሚከናወኑ የዕውቀት ሽግግሮች ከፍተኛ አስተዋጽኦ እንዳላቸው፣ በዚህ ዙሪያም መንግሥት ከአሶሴሽኑ ጋር አብሮ ለመሥራት ዝግጁ መሆኑን አስረድተዋል፡፡

ዶክተር ኢንጂነር ደረጄ ኃይለ ማርያም፣ በአዲስ አበባ ዩኒቨርሲቲ የአዲስ አበባ ቴክኖሎጂ ኢንስቲትዩት ኤሌክትሪካልና ኮምፒውተር ምሕንድስና ትምህርት ቤት ረዳት ፕሮፌሰር፣ በዓለም ውስጥ ኤሌክትሮኒክስ ዙሪያ በብቸኝነት ትኩረት ያደረገው ይህ ማኅበር ቴክኖሎጂውን የሚመሩ በርካታ ደረጃዎችን ያወጣል፡፡

ከሚያወጣቸውም ደረጃዎች መካከል የዋይፋይ፣ በሞባይል ዙሪያ የዳታ ኮሚዩኒኬሽን የመሳሰሉ እንደሚገኙባቸው፣ ኢትዮጵያም የዚህ አሶሴሽን አካል የመሆን ፍላጎት እንዳላትና ለዚህም ጠንክራ እንደምትሠራ አስረድተዋል፡፡

ማኅበሩ ከአዲስ አበባ ዩኒቨርሲቲ፣ ከአዲስ አበባ ቴክኖሎጂ ኢንስቲትዩትና ከመገናኛና ኢንፎርሜሽን ሚኒስቴር ጋር በመተባበር ከመስከረም 3 ቀን እስከ መስከረም 6 ቀን 2008 ዓ.ም. በተባበሩት መንግሥታት የአፍሪካ ኢኮኖሚክ ኮሚሽን የስብሰባ አዳራሽ በሚያካሂደው ላይ በዚህ ጉባኤ ላይ 200 ጥናታዊ ጽሑፎችና ፖስተሮች ቀርበዋል፡፡ ከእነዚህም መካከል 45 የሚሆኑ ጽሑፎችና ፖስተሮች በኢትዮጵያውያን ምሁራን መቅረቡን ለማወቅ ተችሏል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የካቲት አብዮት – ጥያቄዎችሽ ዛሬም እየወዘወዙን ነው!

በበቀለ ሹሜ አጭር መግቢያ የዚህ ጽሑፍ አቅራቢ ከ1960ዎች ወጣቶች ርዝራዦች አንዱ...

የሰሞኑ የ“መኖሪያ ቤቶች” የጨረታ ሽያጭ ምን ዓይነት ሕጋዊ መሠረት አለው?   

በዳዊት ዮሐንስ ሰሞኑን በአዲስ አበባ ከተማ አየር ላይ ከሚንሸረሸሩ ዜናዎች...

ሁለቱ ወጎች፡ ከሰማየ ሰማያት አድርሶ መላሹ ቋንቋ! እስከ በዓሉ ቤርሙዳ

በተክለ ጻድቅ በላቸው ሰማየ ሰማያት አድርሶ መላሹ ቋንቋ! ከሁለት ሦስት ዓመት...

ለትግራይ ክልል ድርቅ ተፈናቃዮች አፋጣኝና ቀጣይነት ያለው ድጋፍ እንዲደረግ ተጠየቀ

የሕዝብ ተወካዮች ምክር ቤት የውጭ ግንኙነትና የሰላም ጉዳዩች ቋሚ...