Wednesday, February 1, 2023
- Advertisement -
- Advertisement -
ዜናየዲፕሎማቲክ ማኅበረሰቡ የኢትዮጵያ ወቅታዊ ሁኔታ ያሳስበናል አሉ

የዲፕሎማቲክ ማኅበረሰቡ የኢትዮጵያ ወቅታዊ ሁኔታ ያሳስበናል አሉ

ቀን:

  • አምባሳደር ሥዩም መስፍን ተረጋግተው እንዲሠሩ አሳስበዋል

በአዲስ አበባ የሚገኙ የዲፕሎማቲክ ማኅበረሰብ አባላት የኢትዮጵያ ወቅታዊ የፖለቲካ ቀውስ እንዳሳሰባቸው ገለጹ፡፡

የተባበሩት መንግሥታት ድርጅት የአፍሪካ ኢኮኖሚ ኮሚሽን ምክትል ኃላፊ አብደላ ሀምዱለ፣ ‹‹የመንግሥት አስተዳደር በአፍሪካና በኢትዮጵያ ሁኔታ›› በሚል ርዕስ ባዘጋጁት የውይይት መድረክ ላይ የተገኙ የዲፕሎማቲክ ማኅበረሰቡ አባላት ሥጋታቸውን አሰምተዋል፡፡

በተለይ የእንግሊዝ ኤምባሲ ተወካይ በአሁኑ ወቅት ስለታወጀው የአስቸኳይ ጊዜ አዋጅ አስፈላጊነት ማብራሪያ የጠየቁ ሲሆን፣ በአሁኑ ወቅት አገሪቱን እየመራ ያለው ማን እንደሆነ በጥያቄ መልክ አንስተዋል፡፡

ኢሕአዴግን በመሠረቱ ፓርቲዎች መካከል መግባባትና የዓላማ አንድነት ስለመኖሩም ጥያቄ አቅርበዋል፡፡

በዚህ ስብሰባ ላይ የኢሕአዴግንና የኢትዮጵያ መንግሥትን በመወከል ማብራሪያ ለመስጠት የተገኙት የቀድሞ የውጭ ጉዳይ ሚኒስትር፣ በአሁኑ ወቅት በመካከለኛው ምሥራቅ የኢትዮጵያ መንግሥት ልዩ መልዕክተኛ አምባሳደር ሥዩም መስፍን ናቸው፡፡

አምባሳደር ሥዩም አራት መሠረታዊ ነገሮችን በመለየት ማብራሪያ መስጠታቸውን፣ ውይይቱን የተከታተሉ ዲፕሎማቲክ ምንጮች ገልጸዋል፡፡

 የጠቅላይ ሚኒስትር ኃይለ ማርያም ደሳለኝ ሥልጣን ለመልቀቅ መጠየቃቸው የዴሞክራሲያዊነት መግለጫ እንጂ፣ በሌላ መንገድ መታየት እንደሌለበት አጠንክረው መናገራቸውን ለማወቅ ተችሏል፡፡

ከበርካታ አሠርት ዓመታት በፊት የለውጥ ጥያቄ ያነሱ በአራት ኪሎ ቤተ መንግሥት ሲረሸኑ፣ ዛሬ በዚህ ቤተ መንግሥት በፈቃደኝነት ሥልጣን ለመልቀቅ ጥያቄ መቅረቡ የለውጥ ምልክት ብቻ ተደርጎ መታየት ይገባዋል ማለታቸው ተጠቁሟል፡፡

በኢሕአዴግ ብሔራዊ ድርጅቶች መካከል መከፋፈል ሳይሆን አለመግባባት መኖሩን፣ እንደዚህ ዓይነት አጋጣሚዎች ደግሞ ለፓርቲው አዲስ እንዳልሆነ መናገራቸውን ምንጮች አስረድተዋል፡፡

የአስቸኳይ ጊዜ አዋጁ ለሁለተኛ ጊዜ ቢጣልም አገሪቱን ለማረጋጋት አስፈላጊ እንደሆነና ሰላማዊ የሥልጣን ሽግግር ለመፍጠርም የሚያስችል እንደሆነ በመጥቀስ፣ ያለሥጋት ተረጋግተው እንዲሠሩ ዲፕሎማቲክ ማኅበረሰቡን እንዳሳሰቡ ለማወቅ ተችሏል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...