Tuesday, February 27, 2024
- Advertisement -
- Advertisement -
ማኅበራዊአቶ አቤሴሎም ይህደጎ (1936 - 2008)

አቶ አቤሴሎም ይህደጎ (1936 – 2008)

ቀን:

ለኢትዮጵያውያን ስፖርተኞች ድጋፍ በማድረግ የሚታወቁት አቶ አቤሴሎም ይህደጎ ባደረባቸው ሕመም በሕክምና ሲረዱ ቆይተው ሐሙስ መስከረም 20 ቀን 2008 ዓ.ም. ከዚህ ዓለም በሞት ተለዩ፡፡  ቅዳሜ ረፋዱ ላይ በጴጥሮስ ጳውሎስ ቤተ ክርስቲያን ሥርዓተ ቀብራቸው ተፈጽሟል፡፡

በአገር ውስጥ ለአትሌቲክስ ስፖርት በሚያደርጉት እገዛ ስመጥር የነበሩት አቶ አቤሴሎም፣ አትሌቶችን በማበረታታትና በመደገፍ ይታወቃሉ፡፡ ለአብነት ያህልም ከዓመታት በፊት በተካሄደው በሞስኮ ኦሊምፒክ አሸናፊ የነበረው አትሌት ምሩፅ ይፍጠር ወደ አገሩ በተመለሰበት ወቅት በተዘጋጀው የእንኳን ደህና መጣችሁ ፕሮግራም ላይ ትልቁን አስተዋጽኦ እንዳበረከቱ ገጸ ታሪካቸው ያወሳል፡፡ በአዲስ አበባ ስታዲየም የሚገኘው የኦሊምፒክ ቀለበት ያሠሩትም ለአትሌቶች በተዘጋጀ የአቀባበል ዝግጅት ወቅት ነበር፡፡

በ1936 ዓ.ም. በትግራይ ክልል በመቐለ ከተማ የተወለዱት አቶ አቤሴሎም የመጀመሪያ ደረጃ ትምህርታቸውን የተከታተሉት እዚያው መቐለ ነበር፡፡ የሁለተኛ ደረጃ ትምህርታቸውንም በአዲስ አበባ ስዌዲሽ ሚሽነሪ ትምህርት ቤት ተከታትለዋል፡፡ ለእንጨት ሥራ የተለየ ፍቅር እንዳላቸው የሚነገርላቸው አቶ አቤሴሎም፣ በሞዝቮልድ የእንጨት ሥራ ተቋም ውስጥ የሽያጭ ባለሙያ ሆነው አገልግለዋል፡፡ ምንም እንኳ በትምህርት የቀሰሙት ባይሆንም አዳዲስ ዲዛይኖችን በማዘጋጀት እገዛ ያደርጉ ነበር ተብሏል፡፡

- Advertisement -

Video from Enat Bank Youtube Channel.

በዚህ ሁኔታ ለአምስት ዓመታት ካገለገሉ በኋላም በግላቸው የንግድ ሥራ ተሰማሩ፡፡ የግል ንግድን በዳቦ ቤት ሥራ አንድ ብለው የጀመሩት አቶ አቤሴሎም በቀጨኔ፣ በአራት ኪሎ፣ በልደታና በሌሎች አካባቢዎች ቅርንጫፎች ከፍተው ይሠሩ ነበር፡፡ ታዋቂውን ሳምሶን ዳቦ ቤት የከፈቱት እሳቸው ናቸው፡፡ ጎን ለጎንም አራት ኪሎ አካባቢ ጆሊ ባር የተሰኘ ባርና ሬስቶራንት ከፍተው ይሠሩም ነበር፡፡

ከቆይታ በኋላም ልዩ ስሜት ይሰጣቸው ወደነበረው የእንጨት ሥራ ፊታቸውን በማዞር ወንበሮች፣ አልጋዎች፣ ብፌዎችና ሌሎችንም የቤት ዕቃዎች ያመርቱ ነበር፡፡ በዚህም ትርፋማ እንደነበሩ ይነገርላቸዋል፡፡ ከ20 ዓመታት በፊትም በ26 ሚሊዮን ብር ካፒታል ያቋቋሙት ቀስተ ደመና ስፖንጅ ፋብሪካም እንዲሁ ትርፋማ አድርጓቸዋል፡፡

የተቸገሩን በመርዳት ይታወቁ ነበሩ የሚባልላቸው አቶ አቤሴሎም የአበበ ቢቂላና የማሞ ወልዴን ሐውልት እንዳሠሩ ይነገራል፡፡ ከባለቤታቸው ሞት በኋላ ከዕለት ወደ ዕለት ጤናቸው እየተጓደለ እንደመጣ ገጸ ታሪካቸው ያመለክታል፡፡ በ72 ዓመታቸው ያረፉት አቶ አቤሴሎም ይህደጎ የሦስት ልጆች አባት ነበሩ፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...