Friday, June 14, 2024
- ማስታወቂያ -
- ማስታወቂያ -

ተቆጣጣሪ መሥሪያ ቤቶች ደረጃዎች ስለመተግበራቸው በአግባቡ እንዳልተከታተሉ ተገለጸ

spot_img

ተዛማጅ ፅሁፎች

የኢትዮጵያ ደረጃዎች ኤጀንሲ በአገሪቱ በአስገዳጅነት በምግብና መጠጥ፣ በመድኃኒት፣ በሕክምና ቁሳቁሶች፣ በግንባታ ዕቃዎች መሣሪያዎችና በሌሎችም ምርቶችና አገልግሎቶች ላይ 136 አስገዳጅ ደረጃዎችን ቢያወጣም፣ ተቆጣጣሪ መሥሪያ ቤቶች በአግባቡ እያስተገበሯቸው እንዳልሆነ ተቸ፡፡

የምርትና አገልግሎት ከተሰጣቸው 190 ያህል ተቋማት የደረጃ መለያ የሆነውንና በኤጀንሲው በኩል የሚሰጠውን ምልክት የወሰዱ ሲሆን፣ ከእነዚህ መካከል ግን ሰባት ድርጅቶች የተሰጣቸውን የምርት ደረጃ በአግባቡ ባለመጠቀማቸው ሳቢያ ምልክቱ እንደተወሰዳባቸው የኢትዮጵያ የደረጃዎች ኤጀንሲ ኮሙዩኒኬሽንና ሕዝብ ግንኙነት ኃላፊ አቶ ይስማ ጅሩ አስታውቀዋል፡፡

አቶ ይስማ ለጋዜጠኞች ጥቅምት 2 ቀን 2008 ዓ.ም. በሰጡት መግለጫ እንዳስታወቁት፣ ደረጃዎች በተገቢው መንገድ ከማይተገበሩባቸው ምክንያቶች መካከል ንግድ ሚኒስቴር ይጠቀሳል፡፡ ሚኒስቴሩ የጥራት ደረጃዎችን ላላሟሉ ተቋማት የንግድ ፈቃድ መስጠት እንደሌለበት አሳስበዋል፡፡ ይሁንና ንግድ ሚኒስቴርን ጨምሮ የቁጥጥር ሥራ የሚሠሩ ተቋማት አስገዳጅ የሚባሉትን፣ በሰው ጤና፣ ሕወይት፣ በአካባቢና በሥነ ምኅዳር ላይ ጉዳት የሚያስከትሉ ምርትና አገልግሎቶች በግድ የጥራት ደረጃ ማረጋገጫ ምልክት መለጠፍ ቢኖርባቸውም፣ ኩባንያዎች ያለደረጃ ምልክት የሚያመርቷቸውን ምርቶች ገበያ ላይ እንዳያውሉ ሲደረግ አይታይም፡፡

ከጥቂት ወራት በፊት ንግድ ሚኒስቴርና የታሸገ ውኃ አምራች ኩባንያዎች የተፋጠጡበት አስገዳጅ ደረጃዎችን ያለመተግበር ንትርክ ይታወሳል፡፡ አብዛኞቹ ውኃ አሽገው የሚያቀርቡ ኩባንያዎች አስገዳጅ ደረጃዎችን ያልተገበሩበት ምክንያት አስቀድመው ያሳተሟቸው በርካታ የማሸጊያ ምርቶች ክምችት ስላላቸው እነዚያን እስኪጨርሱ ጊዜ እንዲሰጣቸው በመጠየቅ ለሁለት ጊዜ ያህል ንግድ ሚኒስቴር ያስቀመጣቸውን ቀነ ገደቦች እናስተላለፈላቸው አይዘነጋም፡፡

የደረጃ ምልክቶችን ከኤጀንሲው በመውሰድ ማንኛውም ከዝቅተኛ የንግድ ተቋም ጀምሮ እስከ ትልልቆቹ ኩባንያዎች ድረስ በአስገዳጅነትና በፈቃደኝነት በሚደለደሉት የደረጃ አሰጣጦች ላይ መተግበር ያለባቸውን የደረጃ ምልክቶች መለጠፍ እንደሚጠበቅባቸው ያስታወቁት አቶ ይስማ፣ ደረጃ ለወጣላቸው ምርቶችና አገልግሎቶች ኤጀንሲው ጥያቄ ሲቀርብለት እንደሚሰጥ፣ ላልወጣላቸውም ደረጃ እንደሚያዘጋጅ ገልጸዋል፡፡

የቀድሞው የኢትዮጵያ ጥራትና ደረጃዎች ባለሥልጣን የነበረው መሥሪያ ቤት ለአራት ከተከፈለ በኋላ የደረጃ ማውጣትና ሥልጠና የመስጠት ሥራዎችን የወሰደው የኢትዮጵያ ደረጃዎች ኤጀንሲ፣ የዓለም ደረጃዎች ድርጅት (አይኤስኦ) አባል ነው፡፡ አይኤስኦ የሚያወጣቸውን ደረጃዎች ብቻም ሳይሆን በኢትዮጵያ ውስጥ ለሚያመረቱና አገልግሎት ለሚሰጡ  ድርጅቶች ደረጃዎችን በማስደንገግ፣ አስገዳጅ ለሆኑትም የኢትዮጵያ አስገዳጅ ደረጃ ምልክት በመስጠት እየተንቀሳቀሰ ይገኛል፡፡ ከኤጀንሲው ባሻገር የክሪዴትሽን ጽሕፈት ቤት፣ የሥነ ልክ ኢንስቲትዩትና የጨረራ ባለሥልጣን መሥሪያ ቤቶች ለአራት ከተከፈለው የቀድሞው የጥራትና ደረጃዎች ባለሥልጣን የተፈጠሩ ሲሆን፣ በጥራትና ደረጃዎች ላይ እየሠሩ የሚገኙ ተቋማት ናቸው፡፡

በሌላ በኩል 19ኛ ጊዜ የሚከበረውን የዓለም ደረጃዎችን ቀን ኤጀንሲው ጥቅምት 4 ቀን 2008 ዓ.ም. ለማክበር ዝግጅት ማደረጉን አስታውቋል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች