Saturday, November 26, 2022
ሌሎች ዓምዶች
    - Advertisement -
    - Advertisement -
    ስፖርትየኮካ ኮላ ዋንጫ ውጤታማ ወጣቶች በስፖርት አካዴሚዎች ታቀፉ

    የኮካ ኮላ ዋንጫ ውጤታማ ወጣቶች በስፖርት አካዴሚዎች ታቀፉ

    ቀን:

    በኮካ ኮላ ኩባንያ አዘጋጅነት ባለፈው ነሐሴ አጋማሽ በአዳማ ከተማ በተካሄደው አገር አቀፍ የወጣቶች እግር ኳስ ውድድር ብቃት ያሳዩ 62 ወንድና ሴት ተጨዋቾች በስፖርት አካዴሚዎች ታቀፉ፡፡

    በአዲስ አበባው የኢትዮጵያ ስፖርት አካዴሚዎችና በአሰላው አካዴሚ ከገቡት ምርጦ 23ቱ ሴቶች ናቸው፡፡

    የኢትዮጵያ እግር ኳስ ፌዴሬሽን፣ የኢትዮጵያ ወጣቶች ስፖርት አካዴሚና ኮካ ኮላ ኩባንያ በጋራ ጥቅምት 11 ቀን 2008 ዓ.ም. በሰጡት መግለጫ የተሻለ የእግር ኳስ ሥልጠና እንዲያገኙ በሁለቱ አካዴሚዎች እንዲገቡ የተደረጉት ተጫዋቾች የተመረጡት ከዘጠኝ ክልሎች፣ ከአዲስ አበባና ድሬዳዋ ነው፡፡ ምርጦቹ ተጨዋቾች የተለዩት በ22 ቡድኖች መካከል ከነሐሴ 16 ቀን እስከ ነሐሴ 24 ቀን 2008 ዓ.ም. በአዳማ አበበ ቢቂላና በአዳማ ዩኒቨርሲቲ ስታዲየሞች ከተደረገው አገር አቀፍ ውድድር ላይ ነው፡፡

    በኢትዮጵያ የኮካ ኮላ ኩባንያ ወኪሉ ኪንግ ኦሪ ማቻሪያ የመጀመርያው ዙር የኮካ ኮላ ውድድር በስኬት በመጠናቀቁና በውድድሩ ላይ የታዩት ወጣት ተጨዋቾች አስደሳች እንደነበሩ አመልክተው በመጀመርያ ለመያዝ ከታቀደው 44 ተጨዋቾች በላይ በመገኘቱ  ትልቅ ስኬት መሆኑን ሳይናገሩ አላለፉም፡፡

    የኢትዮጵያ እግር ኳስ ፌዴሬሽን ፕሬዚዳንት ጁነዲን ባሻ በበኩላቸው በኮካ ኮላ ውድድር መጀመርያ ከታቀደው በላይ መሳካቱ እንዳስደሰታቸው ተናግረው፣ ‹‹የኢትዮጵያን እግር ኳስ ማሳደግ የሚቻለው በወጣቶች ከተሠራ ብቻ ነው፤›› ብለዋል፡፡

    እንደ ፕሬዚዳንት ጁነዲን ገለጻ ከሆነ የኢትዮጵያ እግር ኳስ ፌዴሬሽን በቀጣይም ከኮካ ኮላ ጋር ስምምነት መፈረም እንደሚፈልጉ ጠቁመው በቅርበት በማነጋገርና ሁለቱንም ድርጅቶች በሚጠቅም መልኩ በማዋዋል ለመሠራት እንዳቀዱ አክለዋል፡፡

    በውድድሩ ላይ ልዩ ምርጥ ተተኪ ተጨዋቾችን ለመመልመል በአካዴሚው የሚገኙትን ባለሙያዎች እንደተጠቀሙ የኢትዮጵያ ወጣቶች ስፖርት አካዴሚ ዳይሬክተር ዶ/ር ሲራክ ሀብተ ማርያም ተናግረዋል፡፡

    ተወዳዳሪዎቹም በአካዴሚው ውስጥ አስፈላጊውን ዕርዳታ እየተደረገላቸው ትምህርታቸውን እየተከታተሉና አስፈላጊው ሥልጠና ከተሰጣቸው በኋላ ለክለብና ብሔራዊ ቡድን ግብዓት እንደሚሆኑ አቶ ሲራክ ተናግረዋል፡፡

    በዚህ አገር አቀፍ ውድድር በክልልና በከተማ አስተዳደሮች ደረጃ በ64 የወንዶችና በ54 የልጃገረዶች ቡድኖች መካከል የማጣሪያ ጨዋታ የተደረገ ሲሆን፣ በምርጦቹ 22 ቡድኖች መካከል የተደረገውን ጨዋታ በስድስት ምድቦች በመክፈል ለሰባት ቀናት ውድድሩ ተካሂዷል፡፡

    ውድድሩን በተሳካ ሁኔታ ለማካሄድ በኢትዮጵያ እግር ኳስ ፌዴሬሽንና በኮካ ኮላ ኢንተርናሽናል ኩባንያ መካከል ሁሉን አቀፍ ስምምነት በግንቦት 2007 ዓ.ም. የተፈረመ ሲሆን፣ የውድድሩ አጠቃላይ ወጪ በኮካ ኩባንያ ስፖንሰርነት ተሸፍኗል፡፡

    የኢትዮጵያ እግር ኳስ ፌዴሬሽንና የፌዴራል ስፖርት ኮሚሽን ከኮካ ኮላ ኢንተርናሽናል ኩባንያ ጋር በመተባበር ያዘጋጁትና በዓይነቱ የመጀመርያ በሆነው አገር አቀፍ ውድድር የአፋር ክልል በወንዶች፣ በሴቶች የኦሮሚያ ክልል አሸናፊ መሆናቸው ይታወሳል፡፡

     

     

     

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የትርፍ መጠኑን በ127 በመቶ ያሳደገው አቢሲኒያ ባንክ ካፒታሉን በ2.5 ቢሊዮን ብር እንዲያድግ ወሰነ

    የአቢሲኒያ ባንክ ዳይሬክተሮች ቦርድ የባንኩ  ካፒታል በ2.5 ቢሊዮን ብር...

    አዋሽ ባንክ ካፒታሉን 55 ቢሊዮን ብር ለማድረስ ወሰነ

    የአዋሽ ባንክ ዳይሬክተሮች ቦርድ ዛሬ ህዳር 17 ቀን 2015...

    ከብሔራዊ ባንክ እውቅና ያገኘው ፔይሊንክ አክሲዮን ማህበር ምሥረታውን አካሄደ

    ከገንዘብ ንክኪ ነፃ የሆነ የዲጂታል ክፍያ ሥርዓት ለመተግበር ያቀደው...