Sunday, April 14, 2024
- Advertisement -
- Advertisement -
ማኅበራዊየቴክኒክ እክል የገጠመው የኢትዮጵያ አየር መንገድ ድሪምላይነር አውሮፕላን በሰላም አረፈ

የቴክኒክ እክል የገጠመው የኢትዮጵያ አየር መንገድ ድሪምላይነር አውሮፕላን በሰላም አረፈ

ቀን:

ጥቅምት 12 ቀን 2008 ዓ.ም. ማለዳ ከዳብሊን አየርላንድ ወደ ዋሽንግተን ዲሲ በመብረር ላይ የነበረ ንብረትነቱ የኢትዮጵያ አየር መንገድ የሆነ ቦይንግ 787 ድሪምላይነር አውሮፕላን፣ አንደኛው ሞተር ላይ በተፈጠረ የቴክኒክ ችግር ተመልሶ ዳብሊን ዓለም አቀፍ ኤርፖርት በሰላም ማረፉ ተረጋግጧል፡፡

ከአዲስ አበባ ቦሌ ዓለም አቀፍ አውሮፕላን ማረፊያ ተነስቶ በዳብሊን በኩል ወደ ዋሽንግተን ዳላስ ዓለም አቀፍ አውሮፕላን ማረፊያ ይበር የነበረው ድሪምላይነር አውሮፕላን፣ በዳብሊን አጭር ቆይታ ካደረገ በኋላ ከንጋቱ 12 ሰዓት ከዳብሊን ኤርፖርት በሰላም መነሳቱ ታውቋል፡፡ አውሮፕላኑ አንድ ሰዓት ያህል ከበረረ በኋላ ካሉት ሁለት ሞተሮች የግራ ክንፍ ላይ ያለው አንደኛው ሞተር የቴክኒክ ችግር ስለገጠመው፣ የአውሮፕላኑ አብራሪዎች ይህንኑ ለዳብሊን ኤርፖርት አሳውቀው በአትላንቲክ ውቅያኖስ ላይ ይበር የነበረውን አውሮፕላን ወደ ዳብሊን መልሰው በሰላም ማሳረፋቸው ታውቋል፡፡

የኢትዮጵያ አየር መንገድ በድረ ገጹ ላይ ባወጣው መግለጫ የበረራ ቁጥር ‹‹ኢቲ 500›› የግራ ሞተር የቴክኒክ ችግር የገጠመው ቢሆንም፣ አብራሪዎቹ ዓለም አቀፍ የበረራ ደኅንነት መመርያዎችን በመከተል አውሮፕላኑ ምንም ዓይነት ጉዳት ሳይደርስበት በሰላም ማሳረፋቸውን አስታውቋል፡፡

- Advertisement -

Video from Enat Bank Youtube Channel.

‹‹አብራሪዎቻችን ባሳዩት ከፍተኛ ሙያዊ ብቃት አድናቆታችንን እንገልጻለን፤›› ያለው አየር መንገዱ፣ በአውሮፕላኑ ሞተር ላይ የተከሰተውን የቴክኒክ ችግር መንስዔ የአየር መንገዱ ከፍተኛ የቴክኒክ ባለሙያዎችና የአውሮፕላኑ ሞተር አምራች የሆነው ጄኔራል ኤሌክትሪክ ኢንጂነሮች በመመርመር ላይ መሆናቸውን አስታውቋል፡፡

የመንገደኞቹ ደኅንነትና ምቾት እንደሚያስጨንቀው የገለጸው የኢትዮጵያ አየር መንገድ፣ ለበረራ ቁጥር ኢቲ 500 መንገደኞች ሌላ አውሮፕላን በመላክ ጉዞዋቸውን በዕለቱ ወደ ዋሽንግተን እንዲቀጥሉ ማድረጉን አስታውቋል፡፡

የኢትዮጵያ አየር መንገድ 73 አውሮፕላኖች ባለቤት ሲሆን፣ አሥራ ሦስቱ ድሪምላይነር ናቸው፡፡ አየር መንገዱ ስድስት ተጨማሪ ድሪምላይነር አውሮፕላኖች ከቦይንግ ኩባንያ አዟል፡፡

የድሪምላይነር አውሮፕላኖች አገልግሎት መስጠት በጀመሩበት ወቅት (እ.ኤ.አ. 2012 – 2013) ከባትሪ ጋር በተያያዘ ተደጋጋሚ ችግር ገጥሟቸው እንደነበር ይታወሳል፡፡ አዲስ የአውሮፕላን ቴክኖሎጂ እስኪላመድ ድረስ አንዳንድ ችግሮች እንደሚያጋጥሙ የሚገልጹት የአቪዬሽን ባለሙያዎች፣ የድሪምላይነር አውሮፕላን በነዳጅ ቁጠባና የበረራ ምቾት ወደር የማይገኝለት እንደሆነ ይናገራሉ፡፡

የኢትዮጵያ አየር መንገድ ዋና ሥራ አስፈጻሚ አቶ ተወልደ ገብረ ማርያም አየር መንገዳቸው እያንዳንዱን ድሪምላይነር አውሮፕላን በቀን በአማካይ 14 ሰዓት እንደሚያበር ገልጸው፣ በአውሮፕላኑ አጠቃላይ ብቃት መርካታቸውን በተደጋጋሚ መናገራቸው አይዘነጋም፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...

‹‹ደስታ›› የተባለችው አማርኛ ተናጋሪ ሮቦት በሳይንስ ሙዚየም

‹‹እንደ ሮቦት ዋነኛው አገልግሎቴ ውስብስብ የሆኑ የቴክኖሎጂ ውጤቶችንና አሠራሮችን...