Thursday, May 30, 2024
- Advertisement -
- Advertisement -

ስፖርት‹‹የሠራነውን ነው ያገኘነው›› የኢትዮጵያ ብሔራዊ ቡድን አሠልጣኝ ዮሐንስ ሳሕሌ

‹‹የሠራነውን ነው ያገኘነው›› የኢትዮጵያ ብሔራዊ ቡድን አሠልጣኝ ዮሐንስ ሳሕሌ

ቀን:

ዘንድሮ በሩዋንዳ አዘጋጅነት ለሚደረገው አገር ውስጥ የሚጫወቱ ተጨዋቾች የአፍሪካ አገሮች ዋንጫ (ቻን) ጉዞን ለማሳካት የኢትዮጵያ ብሔራዊ ቡድን በብሩንዲ የደረሰበትን የ2 ለ0 መቀልበስ ግዴታው ነበር፡፡ እንደተለመደው የእግር ኳስ ወዳጆች የስታዲየም በሮችን መከፈትን መጠባበቅ የጀመሩት ቀደም ብለው ነበር፡፡ ምንም እንኳ የኢትዮጵያ ብሔራዊ ቡድን በአሠልጣኝ ሰውነት ቢሻው እየተመራ በነበረበት ወቅት ከሱዳን አቻው ጋር ለአፍሪካ ዋንጫ ለማለፍ  በአዲስ አበባ ባደረገው ጨዋታ የነበረው የተመልካች ብዛት ጋር ማነፃፀር ባይቻልም ቀላል የማይባል ተመልካችን ግን ታድሞታል፡፡ ለመጀመርያ የቻን ማጣሪያ ጨዋታ የ2 ለ0 ሽንፈትን መቀልበስ ቀላል እንዳልሆነ የተመልካች ፊት ላይ ማንበብ ከባድ አልነበረም፡፡ በስታዲየም የነበሩት የተመልካች መቀመጫዎች ካታንጋ፣ ሚስማር ተራ፣ ዳፍ ትራክና እንዲሁም ከማን አንሼ ጨዋታው ከጀመረ በኋላም ተመልካቾችን ማስተናገዳቸውን ቀጥለዋል፡፡

አሠልጣኝ ዮሐንስ ሳሕሌ የኢትዮጵያ ብሔራዊ ቡድንን በተረከቡበት ወቅት ኢትዮጵያን ለ2017 የአፍሪካ ዋንጫና ለቻን ማሳለፍ የመጀመርያ ዕቅዳቸው ነበር፡፡

አሠልጣኙ የዓለም ዋንጫ፣ የአፍሪካ ዋንጫና የቻን ማጣሪያ ጨዋታዎችን አድርገው በአዲስ አበባ ባደረጉት አንድም ጨዋታ ባይረቱም ቀደም ብለው ከብሩንዲ አቻቸው የደረሰባቸውን የ2 ለ0 ሽንፈት አዲስ አበባ ስታዲየም ይቀለብሳሉ ብሎ የገመተው ብዙ አልነበረም፡፡ በስታዲየም የተገኘው ተመልካች ቀደም ብለው በተቀነሱትና በተጎዱት ተጨዋቾች ላይ የተለያዩ አስተያየቶች በመለዋወጥ ገሚሱ ‹‹ትክልል አይደለም›› በሚል ስሜትና ‹‹ትክልል ነው›› በሚል ክርክር ስሜት ውስጥ በመሆን የተለያዩ ሐሳቦችን ያንሸራሽራሉ፡፡ በሜዳው በስተግራ የኢትዮጵያ ብሔራዊ ቡድን በሜዳው በስተቀኝ የሩዋንዳ ብሔራዊ ቡድኖች ቅድመ ልምምዳቸውን ተያይዘውታል፡፡

- Advertisement -

በመጀመርያ የማጣሪያ ጨዋታ የቀይ ካርድ ሰለባ የሆነውን ኤፍሬም አሻሞ፣ በጉዳት ያልተሳተፉትን ተካልኝ ደጄኔና ዳዊት ፈቃዱን ለመተካት የኢትዮጵያ ቡናው ኤሊያስ ማሞ፣ የመከላከያዎቹ መሐመድ ናስርና ነጅብ ሳኒን በዋናው 11ድ ውስጥ ተገኝተዋል፡፡

ጨዋታው ከጀመረ ደቂቃዎች ቢቆጠሩም ይኼን ያህል የሚያስደስቱ ሙከራዎች መታየት አልቻሉም፡፡ የኢትዮጵያ ብሔራዊ ቡድን ተጭኖ ቢጫወትም ግብ እንዳያስቆጥር የሩዋንዳ ተጨዋቾች የሚያደርጉት ጥንቃቄ መንገድ ሊከፍት አልቻለም፡፡

ሁለቱ የመሀል ተከላካዮች ሳላዲን በርጌቾና አስቻለው ታመነ ወጣ ብለው መጫወታቸው ብዙውን ተመልካች ሥጋት ውስጥ የከተተ ቢሆንም፣ በልጆቹ የራስ መተማመንና ጥንቃቄ የተሞላበት ጨዋታ መደሰታቸው አልቀረም፡፡

የኢትዮጵያ ብሔራዊ ቡድን መሀል ክፍሉን በጋቾች ፓኖምና ኤሊያስ ማሞ በመታገዝ የተሻለ እንቅስቃሴ ሲያደርግ ተስተውሏል፡፡ በተለይ ከቀድሞ አሠልጣኝ ሰውነት ቢሻው ቡድን ጋር የአፍሪካ ዋንጫ ጉዞ ውስጥ የነበረው የመስመር ተከላካዩ ሥዩም ተስፋዬ ተቃራኒ ቡድን ክፍተት እንዳያገኝ የሚያደርገው ጥረት ተመልካችን አስደስቷል፡፡

የኢትዮጵያ ብሔራዊ ቡድን ጫና እንደቀጠለ ሆኖ 37 ደቂቃ ላይ ከኮርና በተሻገረ ኳስ ሥዩም ተስፋዬ የመጀመርያውን ጎል አስቆጠረ፡፡ የጎሉ መቆጠር የኢትዮጵያ ብሔራዊ ቡድንን የበለጠ አነቃቃ፡፡ ተመልካቹም የበለጠ ድጋፉን ማሳየት ጀመረ፡፡ ከመጀመርያ ግማሽ በኋላም የኢትዮጵያ ብሔራዊ ቡድን ትንሽ ቀዝቃዛ ቢሆንም በአስቻለው ግርማ በኩል የተሻሉ ሙከራዎችን ሲያደርግ ነበር፡፡

በ78ኛ ደቂቃ ላይ አስቻለው ግርማ ባስገኘው የፍፁም ቅጣት ምት እንዲሁም  በ79ኛ ደቂቃ ላይ ከቅጣት ምት የተሻገረውን ኳስ ጋቶች በማስቆጠር የኢትዮጵያ ብሔራዊ ቡድን ለሁለተኛ ጊዜ በ2016 የሚያሳትፈውን ዕድል ተጎናጽፏዋል፡፡

በ90 ደቂቃ የጨዋታ ቆይታ ከመቀመጫቸው አንዴም ያልተነሱት አሠልጣኝ ዮሐንስ ሳሕሌ ‹‹እንደዚህ ዓይነት ወቅት ተጨዋቾች የተቻላቸውን እንደሚያደርጉ ስለማውቅ ከወንበሬ መነሳት ብዙም አስፈላጊ መስሎ አልታየኝም፤›› በማለት በጋዜጣዊ መግለጫ ላይ ተናግረዋል፡፡

አሠልጣኝ ዮሐንስ በመጀመርያ ጨዋታ በድምር በሦስት ደቂቃ ውስጥ ሁለት ግብ አስተናግደው ባልተቀበሉት መንገድ አንድ ተጨዋች በቀይ እንደወጣባቸው ገልጸው፣ በውጤቱ እንደተደሰቱ ተናገረዋል፡፡

በእሑዱ ጨዋታ ሁለቱ ተከላካዮች ያደረጉት እንቅስቃሴ ለአደጋ አያጋልጥም ወይ? ተብሎ ለተጠየቁት ጥያቄ ‹‹ያለን አማራጭ ተጭኖ መጫወት ስለሆነ ተጭነን ለማጫወት የተቻለንን ሁሉ አድርገናል፤›› ብለዋል፡፡ በሌላ በኩል አስቻለው ግርማ፣ ኤሊያስ ማሞና ጋቶች ፓኖም ሲያደርጉት የነበረውን እንቅስቃሴ ቀደም ብለው ሲነጋገሩበት የነበረ ጉዳይ እንደነበረና ልጆቹ አድርጉ የተባሉትን እንዳደረጉም አክለዋል፡፡

አሠልጣኝ ዮሐንስ የአጥቂ ችግር አሁንም እንዳልተቀረፈላቸው ተናግረው፣ ‹‹በብሔራዊ ቡድን ውስጥ ቋሚ የሚባል ተጨዋች የለም፤›› ብለዋል፡፡ በተጨማሪም ‹‹ብሔራዊ ቡድኑ ለውድድሩ የተዘጋጀውንና የሠራውን ውጤት ነው ያገኘው፡፡ እንዲሁም ውጤቱ የእኔ ሳይሆን የተጨዋቾቹ ነው፤›› ሲሉ ውጤቱን የሚጠብቁት እንደነበር አመልክተዋል፡፡

የኢትዮጵያ ብሔራዊ ቡድን በቀጣይ የቻን ውድድር ላይ ምን እንደሚገጥመው ማወቅ እንደማይቻልም አስረድተዋል፡፡ በሩዋንዳ አዘጋጅነት ለሚካሄደው የ2016 የአፍሪካ አገሮች የዋንጫ ማጣሪያ ጨዋታ 42 አገሮች የተሳተፉ ሲሆን፣ ኢትዮጵያን ጨምሮ 16 አገሮች ወደ ውድድሩ አልፈዋል፡፡ ከአዘጋጇ ሩዋንዳ ጋር ተመድቦ የነበረው የኢትዮጵያ ብሔራዊ ቡድን ከማዕከላዊ ምሥራቅ ዞን የሱዳን አቻውን 4 ለ0 በሆነ ድምር ውጤት የረታው የኡጋንዳ ብሔራዊ ቡድንም 16 ውስጥ መካተት ችሏል፡፡

ቻን እ.ኤ.አ. በ2011 መስከረም ወር ላይ የጀመረ ሲሆን፣ በ2014 በደቡብ አፍሪካ አዘጋጅነት በተዘጋጀው ውድድር ላይ የኢትዮጵያ ብሔራዊ ቡድን መሳተፉ ይታወሳል፡፡ በውድድሩም በሊቢያ አቻው 2 ለ0 በመረታት፣ በኮንጎ 1 ለ0 እንዲሁም በጋቦን 1 ለ0 በመረታት ያለምንም ነጥብ ከምድቡ አራተኛ ሆኖ ጨርሷል፡

በሩዋንዳ በሚዘጋጀው የአፍሪካ አገሮች ዋንጫ በ2014 የተሻለ ውጤት ለማምጣት የተቻላቸውን እንደሚሠሩ አሠልጣኙ ተናግረዋል፡፡

የኢትዮጵያ ብሔራዊ ቡድን በ2018 በሩሲያ ለሚዘጋጀው የዓለም ዋንጫ ውድድር ወደ ቀጣዩ ድልድል ለመግባት ከኮንጎ ብራዛቢል ጋር የደርሶ መልስ ጨዋታ ሲጠብቀው፣ በ2017 ጋቦን አዘጋጅነት ለሚሰናዳው የአፍሪካ ዋንጫ ማጣሪያ ከአልጄሪያ አቻው የደርሶ መልስ ጨዋታ እንዲሁም ከሌሴቶና ከሲሼልስ ጋር ቀሪ ጨዋታ ይቀረዋል፡፡

   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[የክቡር ሚኒስትሩ ባለቤት የኬንያው ፕሬዚዳንት ያስተላለፉትን መልዕክት ተመልክተው ባለቤታቸውን በነገር ይዘዋቸዋል]

የኬንያው ፕሬዚዳንት ከሕዝባቸው ለቀረበባቸው ቅሬታ የሰጡትን ምላሽ ሰማህ? እንኳን ምላሻቸውን...

የኢትዮ ኤርትራ ሰሞነኛ ሁኔታና ቀጣናዊ ሥጋቱ

“ግንቡን እናፍርስ ድልድዩን እንገንባ” የሚል ፖለቲካዊ መፈክር ጎልቶ በሚሰማበት፣...

ኦሮሚያ ባንክ ከተበዳሪ ደንበኞቼ ውስጥ 92 በመቶ የሚሆኑት አነስተኛና መካከለኛ ኢንተርፕራይዞች ናቸው አለ

ኦሮሚያ ባንክ ለደንበኞቹ ከሰጠው ብድር ውስጥ ለአነስተኛና ለመካከለኛ ኢንተርፕራይዞች...

ሽቅብና ቁልቁል!

ጉዞ ከመገናኛ ወደ ሲኤምሲ ጀምረናል። ተሳፋሪዎች የዕለት ጉርሳቸውን መሸፈን...