Saturday, November 26, 2022
ሌሎች ዓምዶች
    - Advertisement -
    - Advertisement -
    ማኅበራዊበዓለም ባንክ የንግድ አሠራር መመዘኛ ኢትዮጵያ ሁለት ደረጃዎችን አሻሻለች

    በዓለም ባንክ የንግድ አሠራር መመዘኛ ኢትዮጵያ ሁለት ደረጃዎችን አሻሻለች

    ቀን:

    የዓለም ባንክ በየዓመቱ በሚያወጣው የዓለም አገሮች የንግድ አሠራር መመዘኛ (Doing Business) ሪፖርት መሠረት፣ ኢትዮጵያ አምና ከነበረችበት ሁለት ደረጃዎችን በማሻሻል 146ኛ ደረጃ እንደምትገኝ ይፋ ሆነ፡፡

    ባንኩ ጥቅምት 18 ቀን 2008 ዓ.ም. ከአሜሪካ ዋሽንግተን ይፋ ያደረገው እ.ኤ.አ. የ2016 የንግድ አሠራር ሪፖርት መሠረት፣ ኢትዮጵያ ሁለት ደረጃዎችን ብታሻሽልም አሁንም በርካታ መሠረታዊ ክፍተቶች እንዳሉባት ይገልጻል፡፡

    ባንኩ የአገሮችን የንግድ አሠራር ደረጃ ለማውጣት አሥር መመዘኛዎችን ይጠቀማል፡፡ ከእነዚህ መካከል የግንባታ ፈቃድ አሰጣጥ፣ የኤሌክትሪክ ኃይል አቅርቦት፣ የንግድ ሥራዎች ቅለትና የመሳሰሉት ይገኙበታል፡፡

    ከላይ ከተገለጹትና ከተቀሩት ሌሎች መመዘኛዎች በመነሳት ኢትዮጵያ መሻሻል አሳይታለች የተባለችባቸው መመዘኛዎች ሁለት ናቸው፡፡ እነሱም የግንባታ ፈቃድ አሰጣጥና የንግድ ውሎችን ማፅናት ናቸው፡፡

    በተለይ ውሎችን በማፅናት ረገድ ኢትዮጵያ ከሰሃራ በታች ካሉ አገሮች ሰባተኛ ደረጃን የያዘች ሲሆን፣ በዓለም አቀፍ ደረጃ አንፃር ደግሞ 84ኛ ደረጃ ላይ ትገኛለች፡፡

    በኢትዮጵያ የዓለም ባንክ ጽሕፈት ቤት ለሪፖርተር የላከው መግለጫ፣ ውል በማፅናት ረገድ ላለፉት በርካታ ዓመታት አገሪቱ ያደረገቻቸው ጥረቶች ውጤት ማምጣታቸውን ይገልጻል፡፡ ለአብነትም ከአሥር ዓመታት በፊት የንግድ አለመግባባትን ለመፍታት 690 ቀናትን ይፈጅ እንደነበር የሚጠቅሰው መግለጫው፣ በአሁኑ ወቅት ግን ወደ 530 ቀናት መውረዱን ያመለክታል፡፡

    በግንባታ ፈቃድ አሰጣጥ ረገድ እ.ኤ.አ. በ2016 ሪፖርት ኢትዮጵያ በዓለም 73ኛ መውጣቷን ያመለክታል፡፡ ከዚህ ውጪ በተቀሩት መመዘኛዎች ግን መሠረታዊ ችግሮች መኖራቸውን ያስረዳል፡፡

    ለምሳሌ ንግድ ለመመሥረት ያሉት ሁኔታዎች ኢትዮጵያ ከተመዘኑት 189 አገሮች 176ኛ ደረጃ ላይ የምትገኝ ሲሆን፣ 19 ቀናትን ይፈጃል፡፡ የኤሌክትሪክ ኃይል አቅርቦት ማግኘትን በሚመለከተው መመዘኛ አገሪቱ 129ኛ ደረጃ ላይ ስትገኝ 95 ቀናት የሚፈጅ እንደሆነ፣ የአገልግሎቱ አስተማማኝነት ደግሞ በዜሮ ደረጃ ላይ እንደሚገኝ ሪፖርቱ ይገልጻል፡፡

    ሌላው መመዘኛ ንብረትን ማስመዝገብ ነው፡፡ አገሪቱ ከዓለም 141ኛ ደረጃ ላይ ስትገኝ 52 ቀናትን የሚፈጅ ነው ተብሏል፡፡ ታክስ አከፋፈልን በሚመለከተው መመዘኛ ደግሞ 113ኛ ደረጃን መያዟን ያስረዳል፡፡

    በኢትዮጵያ የባንኩ ጽሕፈት ቤት ተጠባባቂ ፕሬዚዳንት ካይዘር ካን የንግድ አሠራር በኢትዮጵያ እየተሻሻለ ነው ብለው ያምናሉ፡፡ ለዚህ የሚሰጡት ምክንያት ደግሞ ከ12 ዓመታት በፊት አንድ ሥራ ፈጣሪ ወደ ንግድ ሥራ ለመሰማራት 47 ቀናትን ይፈጅበት እንደነበር፣ አሁን ግን በአማካይ  ወደ 12 ቀናት መውረዱን ነው፡፡ ይሁን እንጂ አሁንም ብዙ መሻሻል ያለባቸው ተግባሮች አሉ ብለዋል፡፡

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የትርፍ መጠኑን በ127 በመቶ ያሳደገው አቢሲኒያ ባንክ ካፒታሉን በ2.5 ቢሊዮን ብር እንዲያድግ ወሰነ

    የአቢሲኒያ ባንክ ዳይሬክተሮች ቦርድ የባንኩ  ካፒታል በ2.5 ቢሊዮን ብር...

    አዋሽ ባንክ ካፒታሉን 55 ቢሊዮን ብር ለማድረስ ወሰነ

    የአዋሽ ባንክ ዳይሬክተሮች ቦርድ ዛሬ ህዳር 17 ቀን 2015...

    ከብሔራዊ ባንክ እውቅና ያገኘው ፔይሊንክ አክሲዮን ማህበር ምሥረታውን አካሄደ

    ከገንዘብ ንክኪ ነፃ የሆነ የዲጂታል ክፍያ ሥርዓት ለመተግበር ያቀደው...