Monday, June 24, 2024
- Advertisement -
- Advertisement -
ማኅበራዊጣናን ለመታደግ አራት ሚሊዮን ብር በዋሽንግተን ተሰበሰበ

ጣናን ለመታደግ አራት ሚሊዮን ብር በዋሽንግተን ተሰበሰበ

ቀን:

መሰንበቻውን በዋሽንግተን ዲሲ ‹‹ጤና ለጣና 2018›› በሚል መርህ በተዘጋጀው የገቢ ማሰባሰቢያ ዝግጅት ላይ አራት ሚሊዮን ብር መሰብሰቡ ታወቀ፡፡ በተጨማሪም የኢትዮጵያ ኦርቶዶክስ ተዋሕዶ ደብረ ገነት መድኃኔዓለም ቤተ ክርስቲያን አንድ የእንቦጭ አረም ማጨጃ ማሽን ገዝቶ ለማስረከብ አስተዳደሩ ቃል መገባቱን ጣናን መልሶ የማቋቋም ማኅበር ለሪፖርተር በላከው ደብዳቤ አስታውቋል፡፡

መጋቢት 8 ቀን 2010 ዓ.ም. ከ1,500 በላይ የሚሆኑ ኢትዮጵያውያን በተገኙበት በዚህ የገቢ ማሰባሰቢያ መድረክ ድምፃዊ መሐሙድ አህመድን ጨምሮ የተለያዩ ከያንያንና የጥበብ ባለሙያዎች ተሳትፈውበታል፡፡ በቀጣይም በተለያዩ የአሜሪካ ግዛቶች፣ በአውሮፓና በአውስትራሊያ ተመሳሳይ የገንዘብ ማሰባሰቢያ መድረኮች እንደሚዘጋጁ ከደብዳቤው ለመረዳት ተችሏል፡፡ በአትላንታና በእስራኤል አገር ተካሂዶ በነበረው የገቢ ማሰባሰቢያ መድረኮች በተገኘው ገንዘብ የተገዛው ዘመናዊ የእንቦጭ ማፅጃ ማሽንም በሚያዝያ ወር አጋማሽ ኢትዮጵያ እንደሚደርስ የላኩት ደብዳቤ ያትታል፡፡ 

ከ2004 ዓ.ም. ጀምሮ በጣና ሐይቅ ላይ የተንሰራፋው የእንቦጭ አረም በአሁኑ ወቅት በሐይቁ ላይ ያለውን ግዛት ከ50 ሺሕ ሔክታር በላይ አድርሶታል፡፡ የሐይቁን ህልውና ሥጋት ላይ የጣለው አረሙ በዚህ ሁኔታ ከቀጠለ በቅርብ ዓመታት ውስጥ ጨርሶ ሊያደርቀው እንደሚችል ሲነገር ቆይቷል፡፡ አረሙ በጣና ሐይቅ ዙሪያ ዓሳ በማስገር ኑሯቸውን የሚገፉ ዜጎችን ሳይቀር ሥራ ያስፈታ ነው፡፡

የጣና ሐይቅ ከ20 በላይ ገዳማትንና አድባራትን የያዘ ነው፡፡ ሐይቁን የወረረው እንቦጭ አደገኛና ከስምንት እስከ 16 ቀናት ባሉት ጊዜያት ውስጥ ራሱን በእጥፍ የሚያበዛ ነው፡፡ ይህም አረሙን ለማጥፋት የሚደረጉ ርብርቦችን ውጤታማ እንዳይሆኑ የሚያደርግ ነው፡፡ በ2009 ዓ.ም. በ24 ሺሕ ሔክታር በላይ መሬት ላይ የተንሰራፋውን አረም በቀን ከ90 ሺሕ በላይ አርሶ አደሮችን በማሳተፍ ማንሳት መቻሉ ይታወሳል፡፡  በሰው ኃይል ከሚደረገው የማፅዳት ርብርብ ባሻገር ማሽኖቹን በሐይቁ ላይ ማሰማራት የላቀ ውጤት እንደሚኖረው ይታወቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...