Monday, April 15, 2024
- Advertisement -
- Advertisement -
ዜናየአስቸኳይ ጊዜ አዋጅ መርማሪ ቦርድ በሞያሌ የተከሰተውን ቀውስ ሊመረምር ወደ ሥፍራው አቀና

የአስቸኳይ ጊዜ አዋጅ መርማሪ ቦርድ በሞያሌ የተከሰተውን ቀውስ ሊመረምር ወደ ሥፍራው አቀና

ቀን:

በቅርቡ በፀጥታ ኃይል በስህተት ተወሰደ በተባለ ዕርምጃ ዘጠኝ ሰዎች ከተገደሉ፣ በሺዎች የሚቆጠሩ ደግሞ ወደ ኬንያ ከተሰደዱ በኋላ የአስቸኳይ ጊዜ አዋጅ መርማሪ ቦርድ ወደ ሥፍራው አቀና፡፡

መርማሪ ቦርዱ በሞያሌ የተከሰተውን ቀውስ ለመመርመር በቦርዱ ሰብሳቢ አቶ ታደሰ ሆርዶፋ የተመራ የልዑካን ቡድን ወደ ሞያሌ መሄዱ ታውቋል፡፡ ለዘጠኝ ቀናት እንደሚቆይም ሪፖርተር ከሕዝብ ተወካዮች ምክር ቤት ያገኘው መረጃ ያመለክታል፡፡

መርማሪ ቦርዱ በቅርቡ በሞያሌ የተከሰተውን ቀውስና የተወሰደውን ዕርምጃ እንደሚያጣራም ታውቋል፡፡

- Advertisement -

Video from Enat Bank Youtube Channel.

በቆይታውም ከሕዝብ የደረሰውን ጥቆማ መሠረት በማድረግ በፀጥታ ኃይሎች በስህተት ተገድለዋል ስለተባሉ ዘጠኝ፣ እንዲሁም ስለቆሰሉ 13 ዜጎች በተመለከተ ይመረምራል ተብሏል፡፡ መርማሪ ቦርዱ ከአካባቢው ነዋሪዎች፣ ከአመራሮችና ከኮማንድ ፖስት አባላት ጋርም እንደሚወያይ ይጠበቃል፡፡

ተሠራጨ በተባለ መረጃ በስህተት በመከላከያ ሠራዊት አባላት ዘጠኝ የሞያሌ ከተማ ነዋሪዎችን ሕይወት እንደቀጠፈ የሚታወስ ሲሆን፣ የኮማንድ ፖስቱ ሴክሬታሪያትም ለተፈጸመው ስህተት ይቅርታ መጠየቁ አይዘነጋም፡፡ ዕርምጃውን ወስደዋል የተባሉ የፀጥታ አስከባሪ አካላት ትጥቅ እንዲፈቱና በቁጥጥር ሥር እንደዋሉም ገልጾ ነበር፡፡

እስካሁን ድረስ የሞያሌ ከተማ ሙሉ ለሙሉ እንዳልተረጋጋች መረጃዎች የሚያመለክቱ ሲሆን፣ ስምንት ሺሕ የሚጠጉ ዜጎች ድንበር ተሻግረው ኬንያ መግባታቸውን ኮማንድ ፖስቱ አስታውቋል፡፡ ሆኖም የኬንያ ቀይ መስቀል የተፈናቃዮቹ ቁጥር ከአሥር ሺሕ በላይ መሆኑን አስታውቋል፡፡ በአንፃሩ መንግሥት ቀውሱ እየተረጋጋ መሆኑን፣ ወደ ኬንያ የተሰደዱ ዜጎችን ወደ ቀዬአቸው ለመመለስ ጥረት እያደረገ መሆኑን ማስታወቁ ይታወሳል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቪር ጀነራል ትሬዲንግ ኃ/የተ/የግ/ማኀበር የጨረታ ማስታወቂያ

ቪር ጀነራል ትሬዲንግ ኃ/የተ/የግ/ማኀበር በገቢ እና በውጭ ንግድ እንዲሁም...

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...