Monday, April 15, 2024
- Advertisement -
- Advertisement -
ማኅበራዊበሸካ ደን በተነሳ ሰደድ እሳት በ200 ሔክታር ላይ የሚገኝ የተፈጥሮ ሀብት ወደመ

በሸካ ደን በተነሳ ሰደድ እሳት በ200 ሔክታር ላይ የሚገኝ የተፈጥሮ ሀብት ወደመ

ቀን:

በደቡብ ክልል ሸካ ዞን ዓርብ መጋቢት 7 ቀን 2010 ዓ.ም. የተነሳ ሰደድ እሳት፣ 200 ሔክታር በሚገመት መሬት ላይ የሚገኝ የተፈጥሮ ደን አወደመ፡፡

በሳምንቱ ዓርብ መጋቢት 14 ቀን 2010 ዓ.ም. ሰደድ እሳቱ ወደ አጎራባች አካባቢዎች መዛመቱ የተገታ ቢሆንም፣ ሙሉ በሙሉ ግን አለመጥፋቱ ታውቋል፡፡

በምዕራብ ኢትዮጵያ ከኦሮሚያ ክልል ኢሊባቦራ ዞን ጎሬ ከተማ ወደ ደቡብ ክልል ሸካ ዞን ማሻ ከተማ በሚወስደው መንገድ 14 ኪሎ ሜትር ወደ ውስጥ ገባ ብሎ በሚገኝ ተፈጥሯዊ ደንና ውኃ አዘል መሬት ላይ ሰደድ እሳቱ ተከስቷል፡፡

- Advertisement -

Video from Enat Bank Youtube Channel.

ምክንያቱ እስካሁን ባይታወቅም በቦታው ተፈጥሯዊ ደን፣ የጫካ ቡና፣ ኮሮሪማ፣ የማር ቀፎዎችና ውኃ አዘል መሬቶች ይገኛሉ፡፡

የሸካ ዞን የአካባቢ ጥበቃ ጽሕፈት ቤት ኃላፊ አቶ ታረቀኝ ዓለሙ ለሪፖርተር እንደገለጹት፣ በአጠቃላይ 200 ሔክታር በሚገመት መሬት ላይ የነበሩ ተፈጥሯዊ ሀብቶች ወድመዋል፡፡

‹‹ሰደድ እሳቱ በሰባት ቀበሌዎች የሚገኙ አርሶ አደሮች፣ የመንግሥት ሠራተኞችና ተማሪዎች ባካሄዱት ርብርብ ተቆጣጥረውታል፡፡ በአሁኑ ወቅት እሳቱ ወደ ሌሎቹ አካባቢዎች መዛመቱን ያቆመ ቢሆንም፣ ሙሉ በሙሉ ግን አልጠፋም፤›› ሲሉ አቶ ታረቀኝ አስረድተዋል፡፡

በምዕራብ ኢትዮጵያ በሸካና በአካባቢው የሚገኙ ሰባት አካባቢዎች ላይ የሚገኝ ተፈጥሯዊ ሀብት በዩኔስኮ ተመዝግቧል፡፡ በሰደድ እሳቱ የወደመው አካባቢ ከሰባቱ አካባቢዎች አንዱ ሲሆን፣ ጠቅላላ ስፋቱ 5,038 ሔክታር ነው፡፡

ሥፍራው የባሮ ወንዝ ሲሞላ የሚተኛበት ስለሆነ ከፊል ውኃ አዘል መሬት ሲሆን፣ ዙርያው ደግሞ በጥቅጥቅ ተፈጥሯዊ ደን፣ በጫካ ቡና በኮሮሪማና በማር ቀፎ የተሞላ ነው፡፡

የመልካ ኢትዮጵያ የሸካ ፕሮጀክት አስተባባሪ አቶ አዱኛ ሻዌኖ ለሪፖርተር እንደገለጹት፣ አካባቢው ቀደም ሲል በዓመት ለአሥር ወራት ዝናብ ይዘንባል፡፡ አሁን ባለው የአየር ንብረት ለውጥ ምክንያት ለስድስት ወራት ዝናብ ያገኛል፡፡

ሰደድ እሳቱ እንዴት ሊከሰት እንደቻለ ለአቶ አዱኛ ጥያቄ ፈጥሮባቸዋል፡፡ ነገር ግን ደኑ ለአካባቢው ሕዝብ የህልውና ጉዳይ በመሆኑ በኅብረት ወጥቶ ሊቆጣጠረው መቻሉን ተናግረዋል፡፡

በምዕራብ ኢትዮጵያ የሚገኙት ኦሮሚያ ክልል ኢሊባቦር ዞን፣ ጂማ ዞን፣ ጋምቤላ ክልል ማጃንግ ዞን፣ ደቡብ ክልል ሸካ ዞን፣ ቤንች ማጅ ዞንና ከፋ ዞን ተፈጥሯዊ ደን ያላቸው አካባቢዎች ናቸው፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቪር ጀነራል ትሬዲንግ ኃ/የተ/የግ/ማኀበር የጨረታ ማስታወቂያ

ቪር ጀነራል ትሬዲንግ ኃ/የተ/የግ/ማኀበር በገቢ እና በውጭ ንግድ እንዲሁም...

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...