Sunday, February 5, 2023
- Advertisement -
- Advertisement -
ዜናኢሕአዴግ ዓብይ አህመድን (ዶ/ር) ሦስተኛው ሊቀመንበር አድርጎ መረጠ

ኢሕአዴግ ዓብይ አህመድን (ዶ/ር) ሦስተኛው ሊቀመንበር አድርጎ መረጠ

ቀን:

የኢትዮጵያ ሕዝቦች አብዮታዊ ዴሞክራሲያዊ ግንባር (ኢሕአዴግ) ምክር ቤት ከማክሰኞ መጋቢት 11 ቀን 2010 .. ጀምሮ ለአንድ ሳምንት ባደረገው ስብሰባ፣ የኦሮሞ ሕዝብ ዴሞክራሲያዊ ድርጅት (ኦሕዴድ) ሊቀመንበር ዓብይ አህመድን (ዶ/ር) የግንባሩ ሊቀመንበር አድርጎ መረጠ፡፡

ማክሰኞ መጋቢት 18 ቀን 2010 ዓ.ም. ከምሽቱ አምስት ሰዓት ከምክር ቤቱ የወጣው መግለጫ እንደሚያመለክተው፣ ዶ/ር ዓብይ በምክር ቤቱ በተደረገ ምርጫ ተመርጠዋል፡፡

የብሔረ አማራ ዴሞክራሲያዊ ንቅናቄ (ብአዴን) ሊቀመንበር አቶ ደመቀ መኰንን ደግሞ በኢሕአዴግ ምክትል ሊቀመንበርነት እንደሚቀጥሉ ታውቋል፡፡

በኢሕአዴግ ምክር ቤት በተሰጠው ድምፅ መሠረት ዶ/ር ዓብይ 108፣ አቶ ሽፈራው ሽጉጤ 59፣ ዶ/ር ደብረ ጽዮን ገብረ ሚካኤል ሁለት ድምፆች ማግኘታቸው ተሰምቷል፡፡ የኢሕአዴግ ምክር ቤት አባላት ቁጥር 180 ቢሆንም፣ በተለያዩ ምክንያቶች የተጓደሉ አባላት እንዳሉ ይነገራል፡፡

ምክር ቤቱ የኢሕአዴግ ሦስተኛውን ሊቀመንበር ከመምረጡ በፊት የጠቅላይ ሚኒስትር ኃይለ ማርያም ደሳለኝን የሥራ መልቀቂያ በሙሉ ድምፅ ተቀብሎ አፅድቆታል፡፡ ከሊቀመንበርነት ምርጫ በፊት ምክር ቤቱ የአራቱ የግንባሩ አባል ድርጅቶችን የጥልቅ ተሃድሶ ግምገማ ሪፖርት አዳምጦ ሰፋ ያለ ውይይት አድርጎበታል፡፡

ምክር ቤቱ ለአንድ ሳምንት ያህል ሲያካሂድ የነበረውን ስብሰባና የግንባሩን ሊቀመንበር ምርጫ በተመለከተ ረቡዕ መጋቢት 19 ቀን 2010 ዓ.ም. መግለጫ እንደሚሰጥ ተገልጿል፡፡

ከምክር ቤቱ አስቀድሞ በተደረገው የኢሕአዴግ የሥራ አስፈጻሚ ኮሚቴ ስብሰባ የአራቱን አባል ድርጅቶች ግምገማጥልቀት ገምግሞ ከጨረሰ በኋላ፣ ለምክር ቤቱ የሚያቀርበውን የመወያያ ሰነድ መዘጋጀቱን  የደቡብ ኢትዮጵያ ሕዝቦች ዴሞክራሲያዊ ንቅናቄ (ደኢሕዴን) ሊቀመንበር አቶ ሽፈራው ሽጉጤ ተናግረው ነበር፡፡ በወቅቱ በምክር ቤቱ የጠቅላይ ሚኒስትርና የግንባሩ ሊቀመንበር አቶ ኃይለ ማርያም ደሳለኝ መልቀቅ የፈጠረውን የአመራር ክፍተት ለመድፈን፣ የአመራር መተካት እንደሚኖር አመላክተው ነበር፡፡

በኢሕአዴግ የተለምዶ አሠራር የፓርቲው ሊቀመንበር የአገሪቱ ጠቅላይ ሚኒስትር እንደሚሆን ስለሚታወቅ፣ ተመራጩ ሊቀመንበር በፓርላማ እንደሚሰየሙ ይጠበቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በጦርነቱ የወደሙ ትምህርት ቤቶችን መልሶ የመገንባቱ ውጥን

በኢትዮጵያ በሰሜኑ ክፍል በሦስት ዙር ተካሄዶ በነበረው ጦርነት ምክንያት...

በርካታ ሰዎችን እያጠቁ የሚገኙት የሐሩራማ አካባቢ በሽታዎች

ትኩረት የሚሹ የትሮፒካል /ሐሩራማ በሽታዎች በአብዛኛው ተላላፊ ሲሆኑ፣ በዓይን...

ስለአገር ኢኮኖሚ ማሰብ የነበረባቸው ጭንቅላቶች በማያባሩ ግጭቶች ተነጥቀዋል!

አገራችን ኢትዮጵያ ውጪያዊና ውስጣዊ ፈተናዎቿ መብዛት ብዙ ዋጋ እያስከፈላት...