Wednesday, February 28, 2024
- Advertisement -
- Advertisement -
ኪንና ባህልየኢትዮጵያ ፊልም ፌስቲቫል አሸናፊዎች ተለዩ

የኢትዮጵያ ፊልም ፌስቲቫል አሸናፊዎች ተለዩ

ቀን:

በኩላሊት ሕመም ዙሪያ ያተኮረው ‹‹ላምባ›› ፊልም በአስረኛው የኢትዮጵያ ኢንተርናሽናል ፊልም ፌስቲቫል በአራት ዘርፎች ሽልማት በማግኘት ቀዳሚውን ስፍራ ይዟል፡፡ ለኩላሊት ሕሙማን ሕክምና ለመስጠት ለሚገነባው ማዕከል ገንዘብ ማሰባሰብን ዓላማ አድርጎ የተሠራው ፊልሙ፣ በፊልም ጽሑፍ፣ በዝግጅት፣ በትወና እንዲሁም በምርጥ ፊልም ዘርፍ አሸናፊ ሆኗል፡፡

የኢትዮጵያ ኢንተርናሽናል ፊልም ፌስቲቫል መዝጊያ የተካሄደው ኅዳር 6 ቀን 2008 ዓ.ም. በኦሮሚያ ባህል ማዕከል ሲሆን፣ በአሥር ዘርፎች ከተወዳደሩ 19 ፊልሞች ያሸነፉት በዕለቱ ተሸልመዋል፡፡ ከውድድሩ ዘርፎች አንዱ የሆነው የዓመቱ ምርጥ ፊልም ዘርፍ ተወዳዳሪ ከነበሩት ‹‹የገጠር ልጅ››፣ ‹‹እንቆጳ››፣ ‹‹እምነት›› እና ‹‹አንድ ጀግና›› መካከል ‹‹ላምባ›› አሸንፏል፡፡

የፊልሙ ጸሐፊና አዘጋጅ አንተነህ ኃይሌ፣ በፊልም ጽሑፍና ዝግጅትም አሸንፏል፡፡ የፊልሙ መሪ ተዋናይ ግሩም ኤርሚያስ ደግሞ የዓመቱ ምርጥ ተወናይ ለመሆን ችሏል፡፡

- Advertisement -

Video from Enat Bank Youtube Channel.

ሁለት ሽልማቶች በማግኘት ‹‹ላምባ››ን የተከተሉት ‹‹ከዕለታት›› እና ‹‹አንድ ጀግና›› ናቸው፡፡ በ‹‹ከዕለታት›› እፀሕይወት አበበ የዓመቱ ምርጥ መሪ ተዋናይት ስትሆን፣ አማኑኤል ክሪክ ደግሞ ምርጥ ተስፋ የሚጣልበት ተዋናይ ተብሎ ተሸልሟል፡፡ በ‹‹አንድ ጀግና›› በዓመቱ በምርጥ ረዳት ተዋናይ ዘርፍ ካሳሁን ፍስሃና በምርጥ ሲኒማቶግራፈር ዘርፍ ቢሊ መኮንን አሸንፈዋል፡፡

በተያያዥም ቲና ገብረአምላክ በ‹‹እስክትመጪ ልበድ›› ፊልም ምርጥ ረዳት ተዋናይት ተብላ ተመርጣለች፡፡ ‹‹ዓለም በቃኝ›› በተመልካቾች ምርጫ የዓመቱ ምርጥ ፊልም ተብሎ ተሸልሟል፡፡

‹‹ዘ ፕሮሚሲንግ ኦፍ ክሪኤቲቭ ኢኮኖሚ›› በሚል መሪ ቃል ከጥቅምት 29 – ኅዳር 6፣ 2008 ዓ.ም.  የተካሄደው ፌስቲቫሉ በርካታ የአገር ውስጥና የውጪ ፊልሞች የታዩበት፣ ፊልም ተኮር ውይይቶችም የተካሄዱበት ነበር፡፡ በፌስቲቫሉ የተወዳደሩት ፊልሞች የተዳኙት ከሙያ መሀበራትና የትምህርት ተቋሞች በተውጣጡ ባለሙያዎች ነበር፡፡

የዳኞች ኮሚቴ ሰብሳቢ፣ የአዲስ አበባ ዩኒቨርሲቲ የቴአትር ጥበባት ትምህርት ቤት መምህር አቶ ኤፍሬም ለማ፣ ዳኞቹ ፊልሞቹን በተለያዩ ሲኒማ ቤቶች ተዘዋውረው በመመልከት ከየዘርፉ ለመጨረሻው ዙር ያለፉትን እንደለዩ ተናግሯል፡፡ ደረጃቸውን የጠበቁ ፊልሞች እንዲሠሩ ባለሙያዎች መረባረብ እንዳለባቸውም አሳስቧል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...