Tuesday, February 20, 2024
- Advertisement -
- Advertisement -
ማኅበራዊሕገወጥ የሰዎች ዝውውር መከላከያ ፈንድ ሊቋቋም ነው

ሕገወጥ የሰዎች ዝውውር መከላከያ ፈንድ ሊቋቋም ነው

ቀን:

መንግሥት ሕገወጥ የሰዎች ዝውውር መከላከል ፈንድ ሊያቋቁም መሆኑን ምንጮች ለሪፖርተር ገለጹ፡፡ ዓላማውም የሕገወጥ ዝውውር ተጐጂዎችን መልሶ ለማቋቋምና የሕገወጥ ዝውውር መንስዔዎችን ለመቅረፍ ነው ተብሏል፡፡

ፈንዱን ለማቋቋም ይረዳ ዘንድም በመንግሥት የተዋቀረ ኮሚቴ የእስራኤል አገርን ተመሳሳይ ተሞክሮ መገምገሙን፣ እንዲሁም ሕገወጥ የሰዎች ዝውውር ችግር የሚታይባቸውን የባንግላዴሽ፣ የፊሊፒንስ፣ የዛምቢያና የዚምባቡዌ ተሞክሮ ከግንዛቤ ማስገባቱን ለማወቅ ተችሏል፡፡

በሕገወጥ ዝውውር የወንጀል ተግባር ምክንያት በአገር ውስጥም ሆነ በውጭ ጉዳት የደረሰባቸውን ዜጐች የመታደግ ሥራ አደጋው በደረሰ ጊዜ ብቻ በሚመደብ በጀት ማከናወን የመንግሥትን አቅም የሚፈታተን በመሆኑ፣ ፈንዱ እንዲቋቋም መወሰኑን ለመረዳት ተችሏል፡፡ የፈንዱ የፋይናንስ ምንጮች ከመንግሥት የሚመደብ በጀት፣ ከተወረሱ ንብረቶችና ቅጣቶች፣ በዓለም አቀፍ ስምምነቶች መሠረት ከሚገኙ የገንዘብ ምንጮች እንደሚሆኑ ምንጮች ገልጸዋል፡፡

- Advertisement -

Video from Enat Bank Youtube Channel.

የፈንዱ ዓላማም ለፍልሰት መሠረታዊ መንስዔ የሚሆኑ ኢኮኖሚያዊ ችግሮችን ከሥሩ መቅረፍ፣ ለተጐጂዎች የሚደረግ ቁሳዊ ድጋፍ፣ የሙያ ሥልጠናና የተጐጂዎች ቤተሰቦችን ለመደገፍ የሚሉት ናቸው ተብሏል፡፡

ፈንዱን የሚያስተዳድረው ብሔራዊ የስደተኞች ኮሚቴ እንደሚሆንም ለማወቅ ተችሏል፡፡

ከሕገወጥ የሰዎች ዝውውር ፈንድና አጠቃላይ ቀውስ ጋር በተገናኘ ጠቅላይ ሚኒስትር ኃይለ ማርያም ደሳለኝ ከአውሮፓ ኅብረት ጋር ባለፈው ሳምንት የጋራ ስምምነት ተፈራርመዋል፡፡

ስምምነቱ በስደተኝነትና ዝውውር ላይ የጋራ አጀንዳ እንዳላቸው የሚገልጽ ሲሆን፣ ሁለቱ ወገኖች ለስደተኞች ዓለም አቀፍ ጥበቃና ድጋፍ እንደሚያደርጉ፣ የአውሮፓ ኅብረት ደግሞ በተናጠል የስደተኞች ፈንድ በመክፈት ስምምነት ከተፈራረማቸው አገሮች ጋር ይተባበራል፡፡ የአውሮፓ ኅብረት የአፍሪካ የስደተኞች ፈንድን ቀደም ብሎ ያቋቋመ ሲሆን፣ በአሁኑ ወቅት 1.8 ቢሊዮን ዩሮ በፈንዱ ሥር ይንቀሳቀሳል፡፡

ኢትዮጵያ በጠቅላይ ሚኒስትሯ አማካኝነት ባለፈው ሳምንት የፈጸመችው ስምምነት የፈንዱ ተጠቃሚ እንደሚያደርጋት ተገልጿል፡፡

በአውሮፓ ኅብረት በኩል ስምምነቱን የፈረሙት የኮሚሽኑ ፕሬዚዳንት ጆን ክላውድ ጀንከር ‹‹ኢትዮጵያ ከ733 ሺሕ በላይ ስደተኞችን ያስጠለለች አገር ስለሆነች የአውሮፓ ኅብረት ድጋፍ ያስፈልጋታል፤›› ብለዋል፡፡      

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የካቲት አብዮት – ጥያቄዎችሽ ዛሬም እየወዘወዙን ነው!

በበቀለ ሹሜ አጭር መግቢያ የዚህ ጽሑፍ አቅራቢ ከ1960ዎች ወጣቶች ርዝራዦች አንዱ...

የሰሞኑ የ“መኖሪያ ቤቶች” የጨረታ ሽያጭ ምን ዓይነት ሕጋዊ መሠረት አለው?   

በዳዊት ዮሐንስ ሰሞኑን በአዲስ አበባ ከተማ አየር ላይ ከሚንሸረሸሩ ዜናዎች...

ሁለቱ ወጎች፡ ከሰማየ ሰማያት አድርሶ መላሹ ቋንቋ! እስከ በዓሉ ቤርሙዳ

በተክለ ጻድቅ በላቸው ሰማየ ሰማያት አድርሶ መላሹ ቋንቋ! ከሁለት ሦስት ዓመት...

ለትግራይ ክልል ድርቅ ተፈናቃዮች አፋጣኝና ቀጣይነት ያለው ድጋፍ እንዲደረግ ተጠየቀ

የሕዝብ ተወካዮች ምክር ቤት የውጭ ግንኙነትና የሰላም ጉዳዩች ቋሚ...