Wednesday, December 7, 2022
ሌሎች ዓምዶች
    - ማስታወቂያ -
    - ማስታወቂያ -

    ብሔራዊ ባንክ የንግድ ባንኮችን የግዴታ መጠባበቂያ ገንዘብ ከፍ ሊያደርግ ነው

    - ማስታወቂያ -

    ተዛማጅ ፅሁፎች

    የኢትዮጵያ ብሔራዊ ባንክ በባንኮች ላይ የሚጣለውን የግዴታ መጠባበቂያ ገንዘብ ምጣኔ፣ በቀጣዮቹ ዓመታት ወደ 30 በመቶ እንደሚያሳድግ ምንጮች ገለጹ፡፡

    የሪፖርተር ምንጮች እንደሚገልጹት፣ በአሁኑ ወቅት ሁሉም ንግድ ባንኮች የኢትዮጵያ ልማት ባንክን ጨምሮ ሁለት ዓይነት የመጠባበቂያ ገንዘብ በብሔራዊ ባንክ በሚከፍቷቸው ዝግ ሒሳቦች ውስጥ የማስቀመጥ ግዴታ አለባቸው፡፡ እነዚህ ሁለት የመጠባበቂያ ገንዘብ ግዴታዎች አንዱ “Reserve Requirement” (የመጠባበቂያ ገንዘብ) ሲሆን፣ እ.ኤ.አ. በ2013 በብሔራዊ ባንክ በወጣ መመርያ መሠረት ሁሉም ባንኮች በዶላርም ሆነ በብር ያላቸውን ተቀማጭ ገንዘብ አምስት በመቶ የግዴታ በመጠባበቂያነት በብሔራዊ ባንክ እንዲያስቀምጡ እየተገደዱ ይገኛሉ፡፡

    ሌላኛው የመጠባበቂያ ግዴታ ደግሞ “Liquidity Requirement” (የባንኮች የገንዘብ መጠን ማስተዳደሪያ) ሲሆን፣ እ.ኤ.አ. በኦክቶበር 2014 በተሻሻለ የብሔራዊ ባንክ መመርያ ይህ የግዴታ መጠባበቂያ ገንዘብ ምጣኔ የተጣራ ዕዳቸውን (Net Liabilities) 15 በመቶ በብሔራዊ ባንክ ዝግ ሒሳብ ውስጥ እንዲያስቀምጡ እየተደረገ ይገኛል፡፡

    በመሆኑም ሁሉም ባንኮች 20 በመቶ የመጠባበቂያ ገንዘብ በብሔራዊ ባንክ በመያዝ ላይ ይገኛሉ፡፡ ብሔራዊ ባንክ በዚህ ምጣኔ ላይ ማሻሻያ በማድረግ ድምር ምጣኔውን ወደ 30 በመቶ የማሳደግ ዕቅድ እንዳለው ለጉዳዩ ቅርበት ያላቸው ምንጮች ገልጸዋል፡፡

    በሁለቱም የመጠባበቂያ ሒሳቦች ላይ የሃምሳ አምስት በመቶ ጭማሪ እንደሚደረግ ይጠበቃል፡፡ ብሔራዊ ባንክ ይህንን ማሻሻያ የሚያደርግበትን ትክክለኛ ጊዜ በግልጽ ለማወቅ አልተቻለም፡፡

    ብሔራዊ ባንክ በዚህ የመጠባበቂያ ገንዘብ ላይ ማሻሻያ የሚያደርገው በአገሪቱ ውስጥ የዋጋ ግሽበት ሲታይ፣ የገንዘብ ዝውውርን ከኢኮኖሚው ለመቀነስ መሆኑ ይታወቃል፡፡

    እ.ኤ.አ. በ2008 አጠቃላይ የባንኮች መጠባበቂያ ገንዘብ የማስቀመጥ ግዴታ 25 በመቶ እንደነበር፣ በዚህ ወቅትም የአገሪቱ የዋጋ ግሽበት ከፍተኛ ስለነበረ ከዚህ ቀድሞ የነበረው የባንኮች የመጠባበቂያ ግዴታ ከ10 በመቶ ወደ 25 በመቶ ከፍ መደረጉ ይታወሳል፡፡

    የዋጋ ግሽበቱ መቀነስ ሲጀምርና ሲረጋጋ በተለያዩ ጊዜያት በተደረጉ ሁለት ማሻሻያዎች፣ የመጠባበቂያ ግዴታዎቹ ድምር ወደ 20 በመቶ ዝቅ እንዲል መደረጉ አይዘነጋም፡፡

    በመሆኑም በአገሪቱ በአሁኑ ወቅት ማቆጥቆጥ የጀመረው የዋጋ ግሽበት የመጠባበቂያ ግዴታውን ከፍ ለማድረግ ምክንያት እንደሚሆን ምንጮች ገልጸዋል፡፡ በአሁኑ ወቅት የአገሪቱ አጠቃላይ ግሽበት 11 በመቶ ደርሷል፡፡  

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች