Monday, April 15, 2024
- Advertisement -
- Advertisement -
ፍሬከናፍርፍሬ ከናፍር

ፍሬ ከናፍር

ቀን:

‹‹በአንድ ዓመት ውስጥ ብቻ 75 ሚሊዮን አፍሪካውያን ጉቦ ሰጥተዋል››

ትራንስፓረንሲ ኢንተርናሽናል የተባለው ዓለም አቀፍ የፀረ ሙስና ተቋም ማክሰኞ ኅዳር 21 ቀን 2008 ዓ.ም. ካወጣው መግለጫ የተወሰደ፡፡ የትራንስፓረንሲ ኢንተርናሽናል አጥኚዎች ከሰሃራ በታች በሚገኙ የአፍሪካ አገሮች ከ43 ሺሕ በላይ ሰዎችን ማነጋገራቸው በሪፖርቱ ተገልጿል፡፡ በዚህ መሠረት ብዙዎቹ አፍሪካውያን በአገራቸው ሙስና እየጨመረ መምጣቱን መናገራቸው ተወስቷል፡፡ ባለፉት 12 ወራት በአገራቸው ሙስና መጨመሩን የገለጹት ቃለ መጠይቅ ከተደረገላቸው ውስጥ 58 በመቶ የሚሆኑት ናቸው፡፡ የአፍሪካ አብዛኞቹ መሪዎች ፀረ ሙስና ዘመቻዎች ማካሄዳቸው ቢነገርም፣ ችግሩ እየከፋ መምጣቱ በሪፖርቱ ተካቷል፡፡ በ18 የአፍሪካ አገሮች ውስጥ የሚኖሩ አብዛኞቹ መላሾች መንግሥቶቻቸው ሙስናን እንደማይታገሉ፣ በተለይ በፖሊስና በፍርድ ቤቶች መባባሱን ተናግረዋል፡፡ ሃያ ስምንት በመቶ የሚሆኑት ለዳኞች፣ ሃያ ሰባት በመቶ የሚሆኑት ደግሞ ለፖሊሶች ጉቦ መስጠታቸው በሪፖርቱ ተጠቁሟል፡፡ የትራንስፓረንሲ ኢንተርናሽናል ሊቀመንበር ጆዜ ኡጋዝ የፖለቲካ ሥልጣን ያላቸው ሙሰኛ ባለሥልጣናት የቅንጦት ኑሮ ሲመሩ፣ ሚሊዮኖች ግን ምግብ፣ ጤና፣ ትምህርት፣ መኖሪያ ቤት፣ ንፁህ ውኃና መፀዳጃ የመሳሰሉትን መሠረታዊ መብቶቻቸውን ተነፍገዋል ብለዋል፡፡ በምሥሉ ላይ የሚታዩት ደቡብ አፍሪካውያን ሙስናን በመቃወም ሠልፍ ወጥተው ነው፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቪር ጀነራል ትሬዲንግ ኃ/የተ/የግ/ማኀበር የጨረታ ማስታወቂያ

ቪር ጀነራል ትሬዲንግ ኃ/የተ/የግ/ማኀበር በገቢ እና በውጭ ንግድ እንዲሁም...

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...