Friday, December 2, 2022
ሌሎች ዓምዶች
    - ማስታወቂያ -
    - ማስታወቂያ -

    የአፍሪካ የኢኮኖሚ ምሁራን ስለግብርናው ዘርፍ ምን ይላሉ?

    - ማስታወቂያ -

    ተዛማጅ ፅሁፎች

    በዓመት ሁለት ጊዜ እየተሰባሰቡ የሚወያዩት የአፍሪካ የኢኮኖሚ ባለሙያዎች፣ ሰሞኑን በአዲስ አበባ በተገናኙበት ወቅት በአኅጉሪቱ ግብርና ዘርፍ ላይ መደረግ ስለሚገባው መዋቅራዊ ለውጥ ትኩረት ሰጥተዋል፡፡ ሰባ ከመቶ የአፍሪካ ሕዝብ በግብርና ዘርፍ ላይ የተመሠረተ ሕይወት ቢኖረውም፣ ግብርናው ከኢኮኖሚ አኳያ ያለው አስተዋጽኦ ዝቅተኛ በመሆኑ መዋቅራዊ ትራንስፎርሜሽን ሊደረግበት እንደሚገባ አሳስበዋል፡፡

    ምሁራኑ በተለያዩ ርዕሰ ጉዳዮች ላይ በሒልተን እያደረጉት ያለው የሦስት ቀናት ውይይት ላይ ከ200 በላይ አጥኝዎች የሚሳተፉበት ይህ መድረክ በርካታ ጥናታዊ ጽሑፎች፣ የዶክትሬት መመረቂያዎችና ሌሎችም የምርምር ሥራዎች ቀርበውበታል፡፡ ስብሰባው ትኩረቱን በአፍሪካ የግብርና ዘርፍ ለውጥ ላይ ያደረገ እንደሆነም አፍሪካ ኢኮኖሚክ ሪሰርች ኮንሶርቲየም የተባለውን ተቋም በዋና ዳይሬክተርነት የሚመሩት ፕሮፌሰር ለማ ወልደሰንበት አስታውቀዋል፡፡

    ሰባ ከመቶ የአፍሪካ ሕዝቦች ጥገኛ የሆኑበት ይህ ዘርፍ ኢኮኖሚያዊ አስተዋጽኦው (ከጠቅላላ የአገር ውስጥ ምርት አኳያ) የሚያደርገው አስተዋጽኦ አንድ ሦስተኛውን በመሆኑ መዋቅራዊ ለውጥ ያስፈልገዋል ያሉት ፕሮፌሰር ለማ፣ ምርታማነትን የሚያሻሽሉ ተግባራትና ገቢን የሚያሳድጉ እንቅስቃሴዎች ኢኮኖሚው ላይ የሚኖራቸው ሚና ትልቅ በመሆኑ ለግብርና መዋቅራዊ ለውጥ ወሳኝነት አላቸው ብለዋል፡፡

    ምሁራኑ አፍሪካ ፖሊሲ አውጪዎች ለግብርና ዘርፍ ትኩረት አልሰጡም ብለው ይኮንናሉ፡፡ ይህ ቢሆን ኑሮ ሚሊዮኖችን በቀላሉ ከድኅነት አረንቋ ማላቀቅ ይቻል ነበር ሲሉም ተደምጠዋል፡፡ ይሁንና የአፍሪካ መሪዎች በበኩላቸው በዓመታዊ በጀታቸው እስከ አሥር ከመቶ ለግብርና የሚመድቡበትን ሁሉን አቀፍ የአፍሪካ ግብርና ልማት ፕሮግራም መተግበር ከጀመሩ ዓመታትን አስቆረዋል፡፡ እርግጥ ለዚህ ፕሮግራም መተግበር ከተስማሙ 30 በላይ አገሮች ውስጥ በተግባር የፈጸሙት ከሦስት አይበልጡም፡፡

    ከአፍሪካውያኑ ምሁራን በተጓዳኝ ስለግብርናው ዘርፍ ለውጥ ያሳሰበው የተባበሩት መንግሥታት የንግድና የልማት ጉባዔ ነው፡፡ ባለፈው ሳምንት ይፋ ባደረገው ሪፖርት መሠረት በዓለም ላይ ያላደጉ አገሮች ተብለው ከተመደቡት 48 አገሮች ውስጥ 34ቱ በአፍሪካ የሚገኙ ናቸው፡፡ እነዚህ አገሮችም በአብዛኛው በግብርና ዘርፍ ላይ የተመሠረተ ኢኮኖሚ የሚመሩ ከመሆናቸውም ባሻገር በአብዛኛው በገጠራማነታቸው ይመደባሉ፡፡ በመሆኑም ለገጠሩ ክፍለ ኢኮኖሚ መዋቅራዊ ለውጥ ሊያመጡ የሚያስችሉ የፖሊሲ መፍትሔ ሐሳቦችንም ጠቁሟል፡፡

     

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች