Saturday, June 22, 2024
- Advertisement -
- Advertisement -
ማኅበራዊመምህር ግርማ ወንድሙ በተጠረጠሩበት የነፍስ ግድያ ወንጀል 14 ቀናት ተጠየቀባቸው

መምህር ግርማ ወንድሙ በተጠረጠሩበት የነፍስ ግድያ ወንጀል 14 ቀናት ተጠየቀባቸው

ቀን:

በተጠረጠሩባቸው ሁለት የተለያዩ ወንጀሎች ዋስትና ከተፈቀደላቸው በኋላ በነፍስ ግድያ ተጠርጥረው በእስር ላይ በሚገኙት መምህር ግርማ ወንድሙ ላይ፣ ፖሊስ ኅዳር 20 ቀን 2008 ዓ.ም. የጠየቀው የ14 ቀናት ተጨማሪ የምርመራ ጊዜ ተፈቀደለት፡፡

በፌዴራል የመጀመርያ ደረጃ ፍርድ ቤት አራዳ ምድብ የጊዜ ቀጠሮ ችሎት ፖሊስ የሠራውን የምርመራ ሒደት እንዲያስረዳ ጠይቆት እንደገለጸው፣ መምህር ግርማ በቅዱስ እስጢፋኖስ ቤተ ክርስቲያን አጥር ሥር ያካሂዱት በነበረው የማጥመቅ ተግባር አንዲት ሴት ሕይወታቸው አልፏል፡፡ ሴትየዋ የአድዋ ነዋሪ በመሆናቸው የቀብር ሥርዓታቸውም የተፈጸመው በአድዋ በመሆኑ፣ የአስከሬን የምርመራ ውጤት ለማምጣትና ተጨማሪ ምርመራዎችን ለማድረግ የ14 ቀናት ጊዜ እንደሚያስፈልገው አመልክቷል፡፡

ፍርድ ቤቱም የፖሊስን ጥያቄ በመቀበል የ14 ቀናት ተጨማሪ ጊዜ ፈቅዶለት ለታኅሳስ 4 ቀን 2008 ዓ.ም. ተለዋጭ ቀጠሮ ሰጥቷል፡፡

መምህር ግርማ በማታለል ወንጀል ተጠርጥረው ለታሰሩበት ወንጀል የ50 ሺሕ ብር ዋስ፣ እንዲሁም ሐሰተኛ ሰነድ ተጠቅመዋል ተብለው በተጠረጠሩበት ወንጀል የ40 ሺሕ ብር ዋስ አስይዘው እንዲፈቱ ፍርድ ቤቱ የፈቀደ ቢሆንም፣ በነፍስ ግድያ በመጠርጠራቸው እንዳልተፈቱ መዘገባችን ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...