Monday, March 4, 2024
- Advertisement -
- Advertisement -
ዜናየኢትዮጵያ የግብፅና የሱዳን የሚኒስትሮች ቡድን ሱዳን ይገናኛል

የኢትዮጵያ የግብፅና የሱዳን የሚኒስትሮች ቡድን ሱዳን ይገናኛል

ቀን:

– የህዳሴው ግድብ ግንባታ እንዲዘገይ ግብፅ ጥያቄ እያቀረበች ነው

      የኢትዮጵያ፣ የግብፅና የሱዳን የጋራ ቴክኒክ ኮሚቴ የታላቁን ህዳሴ ግድብ የሚያጠኑ ሁለት ኩባንያዎች ለማግባባት የወሰዱትን ጊዜ ለማሳጠር፣ የሦስቱ አገሮች ስድስት ሚኒስትሮች በሱዳን ዋና ከተማ ካርቱም ከተማ ከኅዳር 26 ቀን 2008 ዓ.ም. ጀምሮ ለሁለት ቀናት ሊመክሩ ነው፡፡

የህዳሴው ግድብ በሱዳንና በግብፅ ላይ ሊፈጥራቸው ይችላል የተባሉትን ሁለት ተፅዕኖዎች እንዲያጠኑ በሦስቱ አገሮች የጋራ የቴክኒክ ኮሚቴ የተመረጡት ሁለት ኩባንያዎች መካከል በተፈጠረ አለመግባባት ሥራው እስካሁን አልተጀመረም፡፡

- Advertisement -

Video from Enat Bank Youtube Channel.

ጥናቱን በዋናነት እንዲያከናውን የተመረጠው የፈረንሣይ ቢአርኤል ኢንጂነርስ ኩባንያ ሲሆን፣ በተባባሪነት የተመረጠው ደግሞ የኔዘርላንዱ ዴልታ ሬዝ ኩባንያ ነው፡፡ ይሁን እንጂ ዴልታ ሬዝ በዋና አማካሪው የቀረበ መመርያ የሙያ ነፃነቱን እንደሚጋፋ በመግለጽ፣ ከሥራው ራሱን ባለፈው ነሐሴ ወር ማግለሉ ይታወቃል፡፡

በዚህ ምክንያት የታቀደውን ሥራ ማስቀጠል እንዳልተቻለ መረጃዎች ያመለክታሉ፡፡ የውኃ፣ መስኖና ኤሌክትሪክ ሚኒስትር ሆነው ባለፈው መስከረም ወር መጨረሻ ላይ የተሾሙት አቶ ሞቱማ መቃሳ ለግብፅና ለሱዳን አቻዎቻቸው ሦስት አማራጭ ሐሳቦችን ማቅረባቸውን መዘገባችን አይዘነጋም፡፡

ኩባንያዎቹን ማግባባት፣ የፈረንሣዩ ኩባንያ ብቻውን ጥናቱን እንዲያካሂድ፣ ወይም ሌላ አማካሪ ድርጅት መምረጥ ሦስቱ አማራጮች ናቸው፡፡ ይሁን እንጂ በግብፅ በኩል ሁለቱን ኩባንያዎች ማግባባት ብቸኛ አማራጭ ተደርጎ ተይዟል፡፡ ምክንያቱ ደግሞ ሁለቱ አማራጮች ከግብፅ ፍላጎት ጋር የሚጋጩ መሆናቸውን ምንጮች ይገልጻሉ፡፡

የፈረንሣዩ ኩባንያ በኢትዮጵያ በርካታ የማማከር ሥራዎችን በማከናወኑ በግብፅ ዘንድ ብቻውን ጥናቱን እንዲያከናውን አይፈለግም የሚሉት ምንጮች፣ ሌላ አማካሪ ኩባንያ መምረጥ ደግሞ የጥናቱን ጊዜ የሚፈጅ በመሆኑ በግብፅ ዘንድ እንደማይፈለግ ይገልጻሉ፡፡

በመሆኑም በግብፅ በኩል የፖለቲካ ውይይት እንዲካሄድ መጠየቁን ምንጮች ያስረዳሉ፡፡ በተጠየቀው መሠረትም የሦስቱ አገሮች የውኃ ጉዳይና የውጭ ጉዳይ ሚኒስትሮች ከዛሬ ጀምሮ ውይይታቸውን ይጀምራሉ ተብሎ ይጠበቃል፡፡

በዚህ ጉባዔ ላይ የግብፅ ሚኒስትሮች የህዳሴው ግድብ ግንባታ ጥናቱ እስኪጠናቀቅ ድረስ እንዲዘገይ በመንግሥታቸው በኩል የተያዘውን አቋም አቅርበው ይወያያሉ እየተባለ ነው፡፡ የሁለቱ ኩባንያዎች አለመግባባትን ለዚህ አጀንዳ በምክንያትነት ሊጠቀሙበት እንደሚችሉም ምንጮች ያስረዳሉ፡፡ በኢትዮጵያ መንግሥት በኩል ቀድሞ ከተያዘው አቋም ውጪ ሌላ ነገር አለመኖሩን ምንጮች ገልጸዋል፡፡

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዲስ አበባ ነዋሪዎች ቁጥር ሲጨምር የሚኒባስ ታክሲዎች ቁጥር እየቀነሰ መምጣቱ ሊታሰብበት ይገባል

በአዲስ አበባ ከተማ የትራንስፖርት አገልግሎት በመስጠት ከፍተኛ የሚባለውን ድርሻ...

ሃምሳ ዓመታት ያስቆጠረው አብዮትና የኢትዮጵያ ፖለቲካ ውጣ ውረድ

የኢትዮጵያ ሕዝቦች የዴሞክራሲ ለውጥ ጥያቄ የሚነሳው ከፋሺስት ኢጣሊያ ወረራ...

በአዲስ አበባ ንግድና ዘርፍ ማኅበራት ምክር ቤት የተፈጸመው ሕገወጥ ተግባር ምንድነው?

የአዲስ አበባ ንግድና ዘርፍ ማኅበራት ምክር ቤት የዳይሬክተሮች ቦርድ፣...

በአዲስ አበባ ንግድና ዘርፍ ማኅበራት ምክር ቤት ላይ ምርመራ እንዲደረግ ውሳኔ ተላለፈ

ፕሬዚዳንቷና ዋና ጸሐፊው ተጠያቂ ሊሆኑ ይችላሉ ተብሏል ከአዲስ አበባ ንግድና...