Saturday, June 22, 2024
- Advertisement -
- Advertisement -
ስፖርትሉሲዎቹ በአፍሪካ ዋንጫ ለአራተኛ ጊዜ ተሳትፎ የሚያበቃቸውን ግስጋሴ በድል ጀመሩ

ሉሲዎቹ በአፍሪካ ዋንጫ ለአራተኛ ጊዜ ተሳትፎ የሚያበቃቸውን ግስጋሴ በድል ጀመሩ

ቀን:

የአፍሪካ እግር ኳስ ኮንፌዴሬሽን (ካፍ) በሚቀጥለው ዓመት በጋና አስተናጋጅነት ለሚካሄደው የአፍሪካ ሴቶች እግር ኳስ ዋንጫ ማጣሪያ ውድድሮችን እያከናወነ ይገኛል፡፡ በግብፅ ካይሮ የሊቢያ አቻውን የገጠመው የኢትዮጵያ የሴቶች ብሔራዊ ቡድን (ሉሲዎቹ) 8 ለ0 በሆነ ሰፊ ውጤት አሸንፏል፡፡

ሉሲዎቹ በአህጉራዊው የሴቶች እግር ኳስ መሳተፍ ከጀመረበት ከ1993 ዓ.ም. ጀምሮ እስካሁን ሦስት ጊዜ በመድረኩ ተሳትፎ አድርጓል፡፡ በሚቀጥለው ዓመት ለአራተኛ ጊዜ መሳተፍ የሚያስችለውን የጋና ስኬት መቁረጥ ይችል ዘንድ ጉዞውን በድል ጀምሯል፡፡

ቡድኑ በአህጉራዊው መድረክ ያለው ተሳትፎ ምንም እንኳ አጥጋቢ ቢመስልም፣ ባለፈው ለ19 ወራት ያህል በአህጉራዊው መድረክ ምንም ዓይነት ተሳትፎ ማድረግ ባለመቻሉ የዓለም አቀፍ እግር ኳስ ማኅበር (ፊፋ) ከወርኃዊው የአገሮች እግር ኳስ ደረጃ ውጪ መሆኑ አይዘነጋም፡፡

የሁለቱ ቡድኖች የመጀመርያ ዙር ጨዋታ መደረግ የነበረበት በሊቢያ ነበር፡፡ ይሁንና ካፍ በአገሪቱ ባለው አለመረጋጋት ጨዋታው በገለልተኛ ሜዳ ግብፅ ካይሮ ላይ ተከናውኗል፡፡ በሉሲዎቹ ፍፁም የበላይነት በተጠናቀቀው የሁለቱ ቡድኖች ጨዋታ ወደ ተከታዩ ዙር የሚያልፈው ቡድን ለመለየት በአዲስ አበባ የሚደረገው የመልሶ ጨዋታ ይጠበቃል፡፡

በእንስቷ ሰላም ዘርዓይ አሠልጣኝነት እየተዘጋጀ የሚገኘው ብሔራዊ ቡድኑ በሁለተኛው ዙር ከሴኔጋልና አልጄሪያ አሸናፊ ይጫወታል፡፡ ሉሲዎቹ ከፊት ፊታቸው ለሚጠብቃቸው ማጣሪያ ከየካቲት ወር መጨረሻ ጀምሮ በሆቴል ተሰባስበው ዝግጅት ሲያደርጉ ቆይተዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...