Saturday, November 26, 2022
ሌሎች ዓምዶች
    - ማስታወቂያ -
    - ማስታወቂያ -

    ብሔራዊ አልኮል ፋብሪካን ወደ ግል ይዞታ ለማዛወር ጨረታ ወጣ

    - ማስታወቂያ -

    ተዛማጅ ፅሁፎች

    የመንግሥት ልማት ድርጅቶች ሚኒስቴር የብሔራዊ አልኮልና አረቄ ፋብሪካን ሙሉ በሙሉ ወደ ግል ይዞታ ለማዛወር ጨረታ አወጣ፡፡

    ፋብሪካው ሚኒስቴሩ ወደ ግል ይዞታ ሙሉ በሙሉ ለማስተላለፍ ካቀዳቸው ድርጅቶች ውስጥ አንዱ ነው፡፡ ከፍተኛ ሽያጭና ትርፍ በማስመዝገብ ስኬታማ እንደሆነ የሚታወቀው ይህ ፋብሪካ፣ በአሁኑ ጊዜ ከ42 በመቶ በላይ የሚሆነውን የአገሪቱን የአረቄ ገበያ እንደተቆጣጠረ ይነገርለታል፡፡

    እ.ኤ.አ. በ2016 ብቻ ፋብሪካው 475 ሚሊዮን ብር ሽያጭ ያስመዘገበ ሲሆን፣ ከታክስ በፊት የነበረው ትርፍ 132 ሚሊዮን ብር ነበር፡፡ ፋብሪካው የማስፋፊያ ሥራዎችንም እንዳከናወነ ይታወሳል፡፡ ከዚህ በተጨማሪ በዚህ ዓመት መግቢያ ላይ መንግሥት የፋብሪካውን የተከፈለ ካፒታል ከ12.2 ሚሊዮን ብር ወደ 221 ሚሊዮን ብር ማሳደጉ አይዘነጋም፡፡

    ፋብሪካው ስትራቴጂካዊ ጥቅም የሌለውና ወደ ግል ይዞታ መዛወር እንዳለበት ከተወሰነ በኋላ ጨረታው መውጣቱ ታውቋል፡፡ በዚህም ውሳኔ መሠረት ጨረታ ባለፈው ሳምንት ይፋ የተደረገ ሲሆን፣ ጨረታውም ግንቦት 27 ቀን 2010 ዓ.ም. ይከፈታል ተብሎ ይጠበቃል፡፡

    በተያያዘ ዜና ከዚህ ቀደም በተመሳሳይ ወደ ግል ይዞታ እንዲዘዋወር ተወስኖ የነበረው የአሰላ ብቅል ፋብሪካን ለመግዛት የኦሮሚያ ግብርና ኮኦፕሬቲቭ ፌዴሬሽን 1.34 ቢሊዮን ብር የመጫረቻ ገንዘብ አቅርቦ የነበረ ሲሆን፣ ፌዴሬሽኑም ጨረታውን በማሸነፍ ብቅል ፋብሪካውን ከመንግሥት ተረክቧል፡፡

    በዚህም መሠረት ባለፈው ሳምንት ሚኒስቴሩና ፌዴሬሽኑ ባደረጉት ስምምነት ሽያጩ ተከናውኗል፡፡ ፌዴሬሽኑ ካቀረበው ዋጋ 35 በመቶ ክፍያ የፈጸመ ሲሆን፣ ቀሪው ክፍያ በአምስት ዓመት ውስጥ ማለቅ አለበት፡፡

    ሽያጩ የመንግሥት ልማት ድርጅቶች ሚኒስትር ግርማ አመንቴ (ዶ/ር) እና በፌዴሬሽኑ ኃላፊዎች ተከናውኗል፡፡  

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች