Tuesday, October 4, 2022
ሌሎች ዓምዶች
    - Advertisement -
    - Advertisement -
    ዜናአቶ ነጋ ገብረ እግዚአብሔር የ750 ሺሕ ብር የዋስትና መብት ተፈቀደላቸው

    አቶ ነጋ ገብረ እግዚአብሔር የ750 ሺሕ ብር የዋስትና መብት ተፈቀደላቸው

    ቀን:

    • የኮሜት ባለቤት የ500 ሺሕ ብር የዋስትና መብት ተፈቅዶላቸዋል

    በእነ አቶ መላኩ ፈንታ የክስ መዝገብ ቁጥር 141352 ከግብር ጋር በተገናኘ ክስ ተመሥርቶባቸው እንዲከላከሉ ብይን የተሰጠባቸው አቶ ነጋ ገብረ እግዚአብሔርና አቶ ገብረ ሥላሴ ገብሬ የዋስትና መብት ተፈቀደላቸው፡፡ የዋስትና መብቱን የፈቀደላቸው የፌዴራል ከፍተኛ ፍርድ ቤት 15ኛ ወንጀል ችሎት ነው፡፡ የነፃ ትሬዲንግ ባለቤት አቶ ነጋ በ750 ሺሕ ብር፣ እንዲሁም የኮሜት ኃላፊነቱ የተወሰነ የግል ማኅበር ባለቤት አቶ ገብረ ሥላሴ በ500 ሺሕ ብር ዋስትና ነው እንዲለቀቁ የተወሰነላቸው፡፡

    ሁለቱ ተከሳሾች ከአምስት ዓመታት በላይ በእስር ላይ ሆነው ሲከራከሩ የከረሙ ቢሆንም፣ ዓቃቤ ሕግ እንደ ክሱ አስረድቷል በማለት ፍርድ ቤቱ እንዲከላከሉ ብይን መስጠቱን መዘገባችን ይታወሳል፡፡

    ፍርድ ቤቱ ብይን በሰጠበት ወቅት እንዲከላከሉ የሚያስገድደው ሕግ ዋስትና የማያስከለክል ቢሆንም፣ በወቅቱ ሳይለቀቁ የቀሩት በሌላ የክስ መዝገቦች ዋስትና የሚከለክል ድንጋጌ ተጠቅሶባቸው ተከላከሉ በመባላቸው ነው፡፡

    ነገር ግን በሌላ የክስ መዝገቦች የነበረባቸውን ክስ በብቃት ተከላክለዋል በማለት፣ ባለፈው ሳምንት ፍርድ ቤቱ በነፃ ማሰናበቱ ይታወሳል፡፡ ይኼንንም ተከትሎ ቀደም ብሎ ተከላከሉ በተባሉበት የክስ መዝገብ ተከላክለው ያጠናቀቁና ለፍርድ የተቀጠረ ቢሆንም፣ በሌላ መዝገብ ነፃ በመሆናቸው የዋስትና መብታቸው እንዲከበርላቸው በጠየቁት መሠረት፣ ማክሰኞ ሚያዚያ 2 ቀን 2010 ዓ.ም. ከላይ የተጠቀሰውን ገንዘብ በዋስትና አስይዘው ከእስር እንዲፈቱ ፍርድ ቤቱ ትዕዛዝ ሰጥቷል፡፡

    ዋስትና በተፈቀደላቸው መዝገብ ፍርድ ቤቱ ፍርድ ለመስጠት ለሚያዚያ 24 ቀን 2010 ዓ.ም. መቅጠሩ ይታወሳል፡፡

    - Advertisement -

    ይመዝገቡ

    spot_img
    spot_img