Saturday, November 26, 2022
ሌሎች ዓምዶች
    - Advertisement -
    - Advertisement -
    ማኅበራዊልዩ መድኃኒቶችን በሕገወጥ መንገድ ያዘዋወረ ግለሰብ በቁጥጥር ሥር ዋለ

    ልዩ መድኃኒቶችን በሕገወጥ መንገድ ያዘዋወረ ግለሰብ በቁጥጥር ሥር ዋለ

    ቀን:

    በአዲስ አበባ ንፋስ ስልክ ላፍቶ ክፍለ ከተማ ውስጥ ልዩ ፈቃድ የሚያስፈልጋቸውና የካንሰር መድኃኒቶችን በሕገወጥ መንገድ ሲያዘዋውር የተገኘ ግለሰብ በቁጥጥር ሥር ዋለ፡፡

    የኢትዮጵያ የምግብ የመድኃኒትና የጤና ክብካቤ አስተዳደርና ቁጥጥር ባለሥልጣን የመድኃኒት ተቋማት ኢኒስፔክሽን፣ ለሪፖርተር በላከው መግለጫ  እንዳስታወቀው፣ ግለሰቡ በፖሊስ ቁጥጥር ሥር የዋለው፣ በሕገወጥ መንገድ አምስት የተለያዩ ዓይነት የሰው መድኃኒቶችን ይዞ በመገኘቱ ነው፡፡

    በቁጥጥር ሥር ከዋሉት ውስጥ አንዱ ከአመራረት ጀምሮ ሥርጭቱና ተጠቃሚ እጅ እስኪደርስ ልዩ ጥንቃቄና ትኩረት የሚያስፈልገው፣ የተባበሩት መንግሥታት የናርኮቲክና ሳይኮትሮፒክ ኢንተርናሽናል ቦርድ እንዲሁም በአገሮች መካከል በሚደረግ ስምምነት በልዩ ፈቃድ አማካይነት ወደ አገሮች የሚገባ ነው፡፡ ኢትዮጵያም በዓለም አቀፍ ስምምነቱ መሠረት፣ መድኃኒቱ ላይ ጥብቅ ቁጥጥር የምታደርግ ሲሆን፣ መድኃኒቱን በሕገወጥ መንገድ ወደ አገር ውስጥ በማስገባትም ሆነ በማዘዋወር ላይ የሚገኝ ሕገወጥ አካል ከተገኘ ተጠያቂ  ታደርጋለች፡፡

    መድኃኒቶቹ የቅዝቃዜ ሰንሰለታቸውን ጠብቀው ከቦታ ቦታ መዘዋወርና  በማከማቻ ክፍልም ሆነ በሽያጭ ጊዜ በፍሪጅ መቀመጥ ያለባቸው መሆኑን በመግለጽ፣ ሲጓጓዙም ሆነ ሲቀመጡ የቅዝቃዜ ሰንሰለታቸውን ካልጠበቁ የመድኃኒነትነት ይዞታቸውን በማጣት በሽታን የማይፈውሱና  የማይከላከሉ ይሆናሉ፡፡

    ያለ ፈቃድ አገር ውስጥ ገብተው ከተገኙትና መንግሥት በልዩ መድኃኒት ዘርፍ ካስመጣቸው መድኃኒቶች ውስጥ ቲታነስ፣ ቫክሲን ዳይዛፓም፣ ሊግኖሂም፣ እንዲሁም ኦንኮማይድ የተባሉትና በመርፌ መልክ የሚሰጡት ይገኙበታል፡፡

    በሕግ ቁጥጥር ሥር የዋሉት ሕገወጥ መድኃኒቶች ወደ ኅብረተሰቡ ቢሰራጩ፣ ከፍተኛ የጤና መቃወስ ሊያስከትሉ የሚችሉና በአገርም ላይ የሚያስከትሉት ኢኮኖሚያዊና ማኅበራዊ ተፅዕኖ ቀላል እንዳልነበር በማስታወስ፣ ባለሥልጣን መሥሪያ ቤቱ ኅብረተሰቡ ሕገወጥ የምግብ፣ የመድኃኒትና የጤና አገልግሎቶችን ለመከላከል በአቅራቢያው ከሚገኙ ተቆጣጣሪና የፍትሕ አካላት ጋር በመተባበር መሥራት እንዳለበት አሳስቧል፡፡

     

     

     

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የትርፍ መጠኑን በ127 በመቶ ያሳደገው አቢሲኒያ ባንክ ካፒታሉን በ2.5 ቢሊዮን ብር እንዲያድግ ወሰነ

    የአቢሲኒያ ባንክ ዳይሬክተሮች ቦርድ የባንኩ  ካፒታል በ2.5 ቢሊዮን ብር...

    አዋሽ ባንክ ካፒታሉን 55 ቢሊዮን ብር ለማድረስ ወሰነ

    የአዋሽ ባንክ ዳይሬክተሮች ቦርድ ዛሬ ህዳር 17 ቀን 2015...

    ከብሔራዊ ባንክ እውቅና ያገኘው ፔይሊንክ አክሲዮን ማህበር ምሥረታውን አካሄደ

    ከገንዘብ ንክኪ ነፃ የሆነ የዲጂታል ክፍያ ሥርዓት ለመተግበር ያቀደው...