Monday, September 26, 2022
ሌሎች ዓምዶች
    - Advertisement -
    - Advertisement -
    ዜናሜቴክ በያዛቸው የስኳርና የማዳበሪያ ፋብሪካዎች ላይ መንግሥት የመጨረሻ ውሳኔ እንዲሰጥ ተጠየቀ

    ሜቴክ በያዛቸው የስኳርና የማዳበሪያ ፋብሪካዎች ላይ መንግሥት የመጨረሻ ውሳኔ እንዲሰጥ ተጠየቀ

    ቀን:

    የኢትዮጵያ ብረታ ብረት ኢንጂነሪንግ ኮርፖሬሽን (ሜቴክ) በተደጋጋሚ ጊዜ ቢራዘምለትም ሊያጠናቅቅ ያልቻላቸውን አንድ የስኳርና አንድ የአፈር ማዳበሪያ ፕሮጀክቶችን በተመለከተ፣ መንግሥት ውሳኔ እንዲሰጥበት ጥያቄ መቅረቡ ተገለጸ፡፡

    የመንግሥት ልማት ድርጅቶች ሚኒስትር ግርማ አመነቴ (ዶ/ር) ሐሙስ ሚያዝያ 4 ቀን 2010 ዓ.ም. የዘጠኝ ወራት የሥራ አፈጻጸማቸውን ለፓርላማ ሲያቀርቡ እንደተናገሩት፣ የጣና በለስ ቁጥር ሁለት የስኳር ፋብሪካ ፕሮጀክት ከሜቴክ ተነጥቆ በአዲስ ኮንትራክተር ሥራውን ለማስቀጠል እየተመከረ ነው፡፡

    የኦሞ ኩራዝ አንድ የስኳር ፕሮጀክትና የያዩ ማዳበሪያ ፋብሪካ ግንባታዎችን ሜቴክ ባሉበት ደረጃ ላለፉት ሦስት ዓመታት ፈቀቅ ባለማድረጉ፣ መንግሥት የመጨረሻ ውሳኔ እንዲሰጥበት መጠየቁን ሚኒስትሩ አስታውቀዋል፡፡

    የያዩ ማዳበሪያ ፋብሪካ ባለቤት የሆነው ኬሚካል ኮርፖሬሽን ለፕሮጀክቱ ለወሰደው ብድር እስከ 2009 ዓ.ም. ድረስ 1.8 ቢሊዮን ብር ወለድ ለባንክ የተከፈለ መሆኑን፣ ፕሮጀክቱ ከዚህ በኋላ አዋጭ ስለመሆኑ ኬሚካል ኮርፖሬሽን ሥጋት እንዳለው መዘገባችን ይታወሳል፡፡

    ሌሎቹ የስኳር ፕሮጀክቶች ተንዳሆ፣ አርጆ ዴዴሳ፣ ከሰምና ኦሞ ኩራዝ ሁለት ስኳር ፕሮጀክቶች ማምረት የጀመሩ መሆናቸውን፣ ነገር ግን ወደ ሙሉ አቅማቸው አለመሸጋገራቸውን ሚኒስትሩ አስረድተዋል፡፡

    ይህ በዚህ እንዳለ ባለፉት ዘጠኝ ወራት ከመንግሥት ልማት ድርጅቶች 33.9 ቢሊዮን ብር ገቢ ለማግኘት ታቅዶ 24 ቢሊዮን ብር ገቢ መገኘቱ የተናገሩት ሚኒስትሩ፣ በዘጠኝ ወራት ውስጥ የልማት ድርጅቶቹ ካለባቸው የአገር ውስጥ ብድር 24.5 ቢሊዮን ብር ለመመለስ ታቅዶ 18.9 ቢሊዮን ብር መከፈሉን ጠቁመዋል፡፡

    የፓርላማው የመንግሥት ልማት ድርጅቶች ጉዳዮች ቋሚ ኮሚቴ፣ ሚኒስቴሩ በስኳር ፕሮጀክቶች ላይ የሚነሱ ቅሬታዎች በአስቸኳይ እንዲፈታ ማሳሰቢያ ሰጥቷል፡፡  

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በኢትዮጵያ ላይ የቀጠለው የምዕራባውያን ጣልቃ ገብነት

    ምዕራባውያን አገሮች በኢትዮጵያ ላይ ጠንካራ ጫና ማሳደራቸውን ቀጥለዋል፡፡ በዲፕሎማሲም...

    የመንግሥት ዩኒቨርሲቲዎች የድጎማ በጀት ለፖለቲካ ሥራ ማስፈጸሚያ እንደሚውል የሚያሳይ ሪፖርት ቀረበ

    ለመንግሥት ዩኒቨርሲቲዎች የሚደረግ የበጀት ድጎማ ከመደበኛው ሥራ ይልቅ ከዋናው...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    የአዲስ አበባ ንግድና ዘርፍ ማኅበራት ምክር ቤት የአመራሮች ምርጫና ቀጣይ ዕቅዶቹ

    የአዲስ አበባ ንግድና ዘርፍ ማኅበራት ምክር ቤት ሲጠበቅ የነበረውን...