Thursday, May 30, 2024
- ማስታወቂያ -
- ማስታወቂያ -

ከአዋሽ እስከ ኮምቦልቻ ያለውን የባቡር መስመር በዲዝል ኃይል የትራንስፖርት አገልግሎት ለማስጀመር መታቀዱ ተሰማ

spot_img

ተዛማጅ ፅሁፎች

የኢትዮጵያ ምድር ባቡር ኮርፖሬሽን ከአዋሽ እስከ ኮምቦልቻ ያለው የባቡር መስመር ከሞላ ጎደል እየተጠናቀቀ በመሆኑ፣ በዲዝል ኃይል የትራንስፖርት አገልግሎት ለማስጀመር ማቀዱን ሪፖርተር ያገኛቸው መረጃዎች አመለከቱ።

ከኮርፖሬሽኑ የሥራ ኃላፊዎች መረዳት እንደተቻለው 270 ኪሎ ሜትር የሚሸፍነው የአዋሽ ኮምቦልቻ መስመር ዝርጋታ አፈጻጸም 98 በመቶ የደረሰ ቢሆንም፣ የኤሌክትሪክ ኃይል አቅርቦት የሚመለከተው የኢትዮጵያ ኤሌክትሪክ ኃይል በወቅቱ ማቅረብ እንደማይችል በመታወቁ ነው በዲዝል ኃይል ወደ አገልግሎት ለማስገባት የታቀደው።

የአዋሽኮምቦልቻ የባቡር መስመር የአዋሽወልዲያሃራ ገበያ የባቡር ፕሮጀክት አካል ሲሆን፣ በአጠቃላይ 398 ኪሎ ሜትር ይሸፍናል። የዚህ ባቡር ፕሮጀክት ቀጣይ አካል ሆኖ በሌላ ተቋራጭ እየተገነባ የሚገኘው የወልዲያሃራገበያ መቐለ መስመር ነው። ከወልዲያሃራ ገበያመቐለ የሚዘረጋው መስመር 216 ኪሎ ሜትር ርዝማኔ አለው፡፡ ከካሳ ክፍያና ከፋይናንስ አቅርቦት እጥረት ጋር በተያየዘ አፈጻጸሙ ዝቅተኛ መሆኑን መረጃዎች ያመለክታሉ።

ኮርፖሬሽኑ የአዋሽኮምቦልቻ የባቡር መስመርን በፍጥነት ወደ ትራንስፖርት አገልግሎት ለማስገባት ያቀደው፣ ተጠናቆ ለአገልግልት ክፍት የሆነው የኮምቦልቻ ኢንዱስትሪ ፓርክ ውስጥ የውጭ ኩባንያዎች በመግባት ላይ በመሆናቸው እንደሆነ ሪፖርተር ያነጋገራቸው የሥራ ኃላፊ ይገልጻሉ።

እነዚህ የውጭ ኩባንያዎች የሎጂስቲክስ ችግር እንዳይገጥማቸው መንግሥት አቅጣጫ በመስጠቱ፣ የትራንስፖርት አገልግሎቱን በዲዝል ኃይል በማስጀመርኢንዱስትሪ ፓርኩን ከጅቡቲ ወደብ ጋር በፍጥነት ለማገናኘት ቅድሚያ መሰጠቱን ተናግረዋል።

በኮምቦልቻ ኢንዱስትሪ ፓርክ አራት የውጭ ኩባንያዎች ሥራ ለመጀመር የማሽን ተከላ ሥራዎችን በማከናወን ላይ መሆናቸውን፣ ከኢትዮጵያ ኢንቨስትመንት ኤጀንሲ የተገኘ መረጃ ያመለክታል።

ኩባንያዎቹ የደቡብ ኮሪያ፣ የቻይና፣ የጣሊያንና የአሜሪካ መሆናቸውንና ሥራ ለመጀመርም ከመስከረም ወር ጀምሮ የማሽን ተከላና ማሽነሪዎችን በማጓጓዝ ላይ እንደሚገኙ ታውቋል።

የደቡብ ኮሪያው ፑንግ ኩክ ኩባንያ በቦርሳ፣ የቻይናው ሳይቴክስ በጨርቃ ጨርቅ ክሮች፣ የአሜሪካው ትራይባስ በወንዶች ሙሉ ልብስ፣ የጣሊያኑ ካርቪኮ በስፖርት ትጥቆች ምርት የሚታወቁ ናቸው።

በጥቂት ወራት ውስጥ ትራንስፖርት እንዲጀምር የታቀደው የባቡር መስመር የዱልቻ ወረዳን፣ ሰንበቴን፣ ካራ ቆሬና መኮይን በማቋረጥ ከአዲስ አበባጅቡቲ የተገነባውን የባቡር መስመር አዋሽ ላይ ይገናኛል።

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች