Saturday, November 26, 2022
ሌሎች ዓምዶች
    - Advertisement -
    - Advertisement -
    ማኅበራዊስኳር ኮርፖሬሽን ተጠባባቂ ዋና ዳይሬክተር ተመደበለት

    ስኳር ኮርፖሬሽን ተጠባባቂ ዋና ዳይሬክተር ተመደበለት

    ቀን:

    በቅርቡ የአምባሳደርነት ሹመት ባገኙት አቶ ሽፈራው ጃርሶ ምትክ፣ ለኢትዮጵያ ስኳር ኮርፖሬሽን ተጠባባቂ ዋና ዳይሬክተር የኮርፖሬሽኑ ሥራ አመራር ቦርድ መመደቡን ምንጮች ገለጹ፡፡

    ተጠባባቂ ዋና ዳይሬክተር ሆነው የተሾሙት አቶ እንዳወቅ አብቴ ናቸው፡፡ በኮርፖሬሽኑ ውስጥ በከፍተኛ ኃላፊነት ያገለገሉት አቶ እንዳወቅ፣ በጥቂት ዓመታት በምክትል ዋና ዳይሬክተርነት ማገልገላቸውን ምንጮች ገልጸዋል፡፡

    አቶ እንዳወቅ ወደ ኮርፖሬሽኑ ከመምጣታቸው በፊት የፊንጫ ስኳር ፋብሪካ ዋና ሥራ አስኪያጅ ሆነው ማገልገላቸውም ታውቋል፡፡ ለጉዳዩ ቅርበት ያላቸው ምንጮች የኮርፖሬሽኑ ሥር አመራር ቦርድ ሰብሳቢ የኢንዱስትሪ ሚኒስትሩ አቶ አህመድ አብተው፣ ባለፈው ሐሙስ የምደባ ደብዳቤ የሰጧቸው ሲሆን፣ ከዓርብ ታኅሳስ 1 ቀን 2008 ዓ.ም. ጀምሮ በአዲሱ ሹመታቸው ሥራ መጀመራቸውን ምንጮች ገልጸዋል፡፡

    ነገር ግን ለምን ያህል ጊዜ በተጠባባቂ ዋና ዳይሬክተርነት እንደሚቆዩ ምንጮች እርግጠኛ ባይሆኑም፣ የዋና ዳይሬክተርነቱን ኃላፊነት ሊሰጣቸው እንደሚችልም ግምታቸውን ገልጸዋል፡፡ ኮርፖሬሽኑ እንደ አዲስ የመንግሥት የልማት ድርጅት ሆኖ በ2002 ዓ.ም. ሲቋቋም፣ አቶ ዓባይ ፀሐዬ በዋና ዳይሬክተርነት መምራታቸው ይታወሳል፡፡ ላለፉት አምስት ዓመታት ደግሞ አቶ ሽፈራው ኮርፖሬሽኑን መርተውታል፡፡

    ተንዳሆን ጨምሮ በተለያዩ የአገሪቱ ክፍሎች አሥር የስኳር ፋብሪካዎች በመገንባት ላይ ይገኛሉ፡፡ መንግሥት ከአሥሩ ፋብሪካዎች መጠናቀቅ በኋላ የአገሪቱን የስኳር ጠቅላላ ምርት በአሁኑ ወቅት ካለው ከ1.5 ሚሊዮን ቶን ወደ 2.5 ሚሊዮን ቶን ለማሳደግ ማቀዱን መረጃዎች ያሳያሉ፡፡

    በተጠናቀቀው የዕድገትና ትራንስፎርሜሽን ዕቅድ ዘመን ከ2003 ዓ.ም. በፊት ተጀምሮ የነበረውን የወንጂ ሸዋና የፊንጫአ ስኳር ፋብሪካዎች የማስፋፊያ ፕሮጀክት በማጠናቀቅ፣ የፋብሪካዎቹ የማምረት አቅም እንዲያድግ ተደርጓል፡፡ እንዲሁም በ2007 ዓ.ም. የአርጆ ዴዴሳ ስኳር ፋብሪካን ማስመረቅና የተንዳሆና የከሰም ስኳር ፋብሪካዎችን የግንባታ ሥራ አጠናቆ የሙከራ ምርት ማስጀመር ተችሏል፡፡

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የትርፍ መጠኑን በ127 በመቶ ያሳደገው አቢሲኒያ ባንክ ካፒታሉን በ2.5 ቢሊዮን ብር እንዲያድግ ወሰነ

    የአቢሲኒያ ባንክ ዳይሬክተሮች ቦርድ የባንኩ  ካፒታል በ2.5 ቢሊዮን ብር...

    አዋሽ ባንክ ካፒታሉን 55 ቢሊዮን ብር ለማድረስ ወሰነ

    የአዋሽ ባንክ ዳይሬክተሮች ቦርድ ዛሬ ህዳር 17 ቀን 2015...

    ከብሔራዊ ባንክ እውቅና ያገኘው ፔይሊንክ አክሲዮን ማህበር ምሥረታውን አካሄደ

    ከገንዘብ ንክኪ ነፃ የሆነ የዲጂታል ክፍያ ሥርዓት ለመተግበር ያቀደው...