Monday, April 15, 2024
- Advertisement -
- Advertisement -
ማኅበራዊየመልካም አስተዳደር ዕጦት በጋምቤላ የከፋ መሆኑን ነዋሪዎች ገለጹ

የመልካም አስተዳደር ዕጦት በጋምቤላ የከፋ መሆኑን ነዋሪዎች ገለጹ

ቀን:

የኢትዮጵያ የሰብዓዊ መብት ኮሚሽን በአገር አቀፉ ደረጃ ለዘጠነኛ ጊዜ የዓለም የሰብዓዊ መብት ቀንን ባለፈው ዓርብ በጋምቤላ ከተማ ባከበረበት ወቅት፣ የአካባቢው ነዋሪዎች በመልካም አስተዳደር ዕጦት መንገላታቸውን ገለጹ፡፡

ኮሚሽኑ ባዘጋጀው የፓናል ውይይት ‹‹ሰብዓዊ መብትን በማረጋገጥ ረገድ የመልካም አስተዳደር ዕጦት ተግዳሮት›› በሚል የመወያያ ርዕስ የቀድሞው የፌዴራል ጠቅላይ ፍርድ ቤት ምክትል ፕሬዚዳንት ዶ/ር መንበረ ፀሐይ ታደሰ ጥናታዊ ጽሑፍ ከቀረበ በኋላ የከተማው ነዋሪዎች በሰጡት አስተያየት፣ የመልካም አስተዳደር ዕጦት የከተማውም ሆነ የክልሉ ዓይነተኛ መገለጫ እየሆነ መምጣቱን ተናግረዋል፡፡ ከጥበቃ ጀምሮ እስከ ላይኛው የአስተዳደር አካል የተንዛዛና ኋላቀር አሠራር በክልሉና በከተማዋ አገልግሎት ሰጪ መሥሪያ ቤቶች መንሰራፋቱን የገለጹት አስተያየት ሰጪዎቹ፣ በዚህ የአስተዳደር በደል የተነሳም በሕዝብ ላይ ከፍተኛ እንግልትና በውጤታማነቱ ላይም ጫና እያሳደረ እንደሚገኝ አስታውቀዋል፡፡

በጥናታዊ ጽሑፋቸው የሰብዓዊ መብት ጥበቃንና የመልካም አስተዳደርን አንድነት በስፋት ያብራሩት ዶ/ር መንበረ ፀሐይ፣ ሕገ መንግሥቱ ከየትኛውም ሕገ መንግሥት በላይ የጠለቀና የመጠቀ የሰብዓዊ መብትን ጥበቃ የሚደነግጉ ክፍሎችና ንዑስ ክፍሎችን በመያዙ፣ በመልካም አስተዳደር በኩል የሚኖረውን ማንኛውንም ክፍተት የሚሞላ መሆኑን አስረድተዋል፡፡ ‹‹የመልካም አስተዳደር አስኳል ሕገ መንግሥቱ ነው፡፡ ሕገ መንግሥቱ ደግሞ ለሰብዓዊ መብት ተገቢውን ከለላ ሰጥቷል፤›› ያሉት ዶ/ር መንበረ ፀሐይ፣ በአገሪቱ በስፋት እየተነገረለት ያለው የመልካም አስተዳደር ዕጦት መሠረታዊ ችግሩ ሕገ መንግሥቱን ያለ እንከን ከመተግበር ጋር የተያያዘ ሊሆን እንደሚችልም አብራርተዋል፡፡ የመልካም አስተዳደር ሒደት ከጅምሩ እስከ ፍፃሜው በሰብዓዊ መብት እሴቶች የተቃኘ መሆኑን በማስገንዘብ፣ በየትኛውም የአስተዳደር እርከን ላይ የተቀመጡ የሕዝብ አገልጋዮች የተሟላ ግንዛቤ ሊይዙበት እንደሚገባ አስረድተዋል፡፡

- Advertisement -

Video from Enat Bank Youtube Channel.

የኢትዮጵያ ሰብዓዊ መብት ኮሚሽን ዋና ኮሚሽነር ዶ/ር አዲሱ ገብረ እግዚአብሔር በበኩላቸው፣ በጋምቤላ የሚታየው የመልካም አስተዳደር ዕጦት በሌሎችም የአገሪቱ አካባቢዎች የሚታይ መሆኑን ገልጸዋል፡፡ በአገር አቀፍ ደረጃ በመልካም አስተዳደር ዕጦት ላይ እየተካሄደ ባለው ዘመቻ የዜጎች ተሳትፎ ታክሎበት ለውጥ የሚያመጣ መሆኑን ተናግረው፣ ለዚህም መሠረታዊው ለውጥ በሰብዓዊ መብት ላይ የሚመጣው ለውጥ መሆኑን ጠቁመዋል፡፡ ዜጎች የሰብዓዊ መብት ጥበቃ ሲያገኙና ሁሉም መብቱንና ግዴታውን ሲረዳ የመልካም አስተዳደር ዕጦት ሙሉ በሙሉ እንደሚቀረፍም አብራርተዋል፡፡

የጋምቤላ ክልላዊ መንግሥት ርዕሰ መስተዳደር አቶ ጋትሉዋክ ቱት በተሳታፊዎች የተነሱትን ቅሬታዎች አስመልክተው በሰጡት ምላሽ፣ ክልሉ በዋነኝነት የአቅም ማነስ ችግር እንዳለበትና በዚህም ምክንያት የመልካም አስተዳደር ዕጦት እንዳለ አምነዋል፡፡ ከፌዴራል መንግሥት ጋር በመቀናጀት በክልሉ የሲቪል ሰርቪስ ማሻሻያ (ሪፎርም) ሙሉ ለሙሉ ተግባራዊ እንደሚደረግ፣ በዚህም የመልካም አስተዳደር ማነቆዎችን ለማስወገድ እንደሚቻል ገልጸዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...

‹‹ደስታ›› የተባለችው አማርኛ ተናጋሪ ሮቦት በሳይንስ ሙዚየም

‹‹እንደ ሮቦት ዋነኛው አገልግሎቴ ውስብስብ የሆኑ የቴክኖሎጂ ውጤቶችንና አሠራሮችን...