Sunday, June 23, 2024
- Advertisement -
- Advertisement -
ዜናፍርድ ቤት በምስክርነት የጠራውን ጋዜጠኛ እስክንድር ነጋን እንደማያቀርብ ማረሚያ ቤት አስታወቀ

ፍርድ ቤት በምስክርነት የጠራውን ጋዜጠኛ እስክንድር ነጋን እንደማያቀርብ ማረሚያ ቤት አስታወቀ

ቀን:

በሽብር ተግባር ተጠርጥረው ጥቅምት 20 ቀን 2007 ዓ.ም. ክስ የተመሠረተባቸው እነ ዘለዓለም ወርቅ አገኘሁ በተጠረጠሩበት ወንጀል፣ በመከላከያ ምስክርነት የቆጠሩት ፍርደኛው ጋዜጠኛ እስክንድር ነጋ ቀርቦ እንዲመሰክር ፍርድ ቤት ትዕዛዝ የሰጠ ቢሆንም፣ የአዲስ አበባ ማረሚያ ቤቶች አስተዳደር ለማቅረብ እንደሚቸገር ታኅሳስ 6 ቀን 2008 ዓ.ም. በደብዳቤ አስታወቀ፡፡

የአዲስ አበባ ማረሚያ ቤቶች አስተዳደር ታኅሳስ 4 ቀን 2008 ዓ.ም. ለፌዴራልና ከፍተኛ ፍርድ ቤት 19ኛ ወንጀል ችሎት በጻፈው ደብዳቤ እንደገለጸው፣ ፍርድ ቤቱ ለሁለት ጊዜያት መከላከያ ምስክሩን እንዲያቀርብ ቢያዘውም አላቀረበም፡፡ ያላቀረበበት ምክንያት ጋዜጠኛ እስክንድር በመዝገብ ቁጥር 112546፣ 18 ዓመት ጽኑ እስራት የተፈረደበት ታራሚ በመሆኑ ነው፡፡ እስካሁን ድረስም ጽኑ እስራት የተወሰነባቸው ታራሚዎች ለምስክርነት የማይጠሩና ከማረሚያ ቤት የማይወጡ በመሆናቸው፣ ከጥበቃ አንፃር መከላከያ ምስክሩን ለማቅረብ የሚቸገር መሆኑን በመግለጽ፣ በዕለቱም እንዳላቀረበው በማረሚያ ቤቱ የፍርድ ሪከርድ ማኅደር ቡድን መሪ ሱፐር ኢንቴንደንት ጥላሁን አያሌው ፊርማ ለፍርድ ቤቱ የተላከው ደብዳቤ ያብራራል፡፡

እነ ዘለዓለም ወርቅአገኘሁ ሕገ መንግሥቱንና ሕገ መንግሥታዊ ሥርዓቱን በኃይል ለመገርሰስ ሲንቀሳቀሱ ተደርሶባቸዋል ተብሎ፣ ከእነ ሀብታሙ አያሌው ጋር በድምሩ አሥር ሰዎች ክስ እንተደመሠረተባቸው መዘገባችን ይታወሳል፡፡ የቀድሞው አንድነት ለዴሞክራሲና ለፍትሕ (አንድነት) ፓርቲ አመራሮች ሀብታሙ አያሌውና ዳንኤል ሺበሺ፣ የአረና ፓርቲ አመራር አብርሃ ደስታና የሰማያዊ ፓርቲ አመራር የሺዋስ አሰፋ በነፃ መሰናበታቸውንና ሌሎቹ ተከላከሉ መባላቸውንም መዘገባችን አይዘነጋም፡፡ በሥር ፍርድ ቤት በነፃ የተሰናበቱት እነ ሀብታሙ አያሌው በይግባኝ ጉዳያቸው ጠቅላይ ፍርድ ቤት በመታየት ላይ ይገኛል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...