Friday, December 2, 2022
ሌሎች ዓምዶች
    - Advertisement -
    - Advertisement -
    ዜናፓርላማው ለድርቅ ተጎጂዎች ከ14 ቢሊዮን ብር በላይ ተጨማሪ በጀት አፀደቀ

    ፓርላማው ለድርቅ ተጎጂዎች ከ14 ቢሊዮን ብር በላይ ተጨማሪ በጀት አፀደቀ

    ቀን:

    – የነዳጅ ማረጋጊያ ፈንድ ለሁለተኛ ጊዜ ጥቅም ላይ ዋለ

    ፓርላማው ባለፈው ዓርብ ታኅሳስ 15 ቀን 2008 ዓ.ም. ባካሄደው ልዩ ስብሰባ 18 ቢሊዮን ብር ተጨማሪ በጀት ሲያፀድቅ፣ ከበጀቱ 14.78 ቢሊዮን ብር የሚውለው ለድርቅ ተጎጂዎች እንዲውል ወስኗል፡፡

    በሥራ አስፈጻሚው አማካይነት ተዘጋጅቶ የቀረበውን ተጨማሪ በጀት ያብራሩት፣ የገንዘብና ኢኮኖሚ ትብብር ሚኒስትሩ አቶ አብዱላዚዝ መሐመድ ናቸው፡፡

    ተጨማሪ በጀት ያስፈለገበት ዋና ምክንያት በአገሪቱ ኤልኒኖ በተባለው የአየር መዛባት ምክንያት የደረሰውን ድርቅ አደጋ ለመከላከልና አፋጣኝ ምላሽ ለመስጠት መሆኑን፣ በተጨማሪም በሁለተኛው የዕድገትና ትራንስፎርሜሽን ዕቅድ የተቀመጡ ግቦችን ለማሳካት እንዲውል መሆኑን ተናግረዋል፡፡

    በመሆኑም በ2008 ዓ.ም. ከተያዘው 223.4 ቢሊዮን ብር በተጨማሪ በጀትነት 18 ቢሊዮን ብር መቅረቡን፣ ይህም በዓመቱ ሊሰበሰብ የሚችለውን ገቢ እንደገና በመገመት ታክስ ካልሆኑ ገቢዎች ተጨማሪ በጀቱን የሚደግፉ ገቢዎች መኖራቸው በመረጋገጡ እንደሆነ ገልጸዋል፡፡

    በመሆኑም ከቀረበው 18 ቢሊዮን ብር ውስጥ 14.78 ቢሊዮን ብር የሚሆነው የድርቁን አደጋ ለመከላከል ሲውል፣ የቀረው 3.22 ቢሊዮን ብር ለካፒታል ወጪዎች የሚውል ነው ተብሏል፡፡

    ባለፈው ዓመት ከተደረገው አጠቃላይ የመንግሥት ሠራተኞች የደመወዝ ጭማሪ ጋር ተያይዞ ለተደረገው የስምንት ቢሊዮን ብር ተጨማሪ በጀት የአንበሳውን ድርሻ የሚሆን ገቢ የተገኘው ከነዳጅ ማረጋጊያ ፈንድ ነበር፡፡ በመሆኑም በወቅቱ ስድስት ቢሊዮን ብር ገቢ ከዚህ ፈንድ ለደመወዝ ጭማሪ ለሚውለው ተጨማሪ በጀት መዞሩ ይታወሳል፡፡

    በተመሳሳይ በዚህ ሳምንት ለቀረበው 18 ቢሊዮን ብር ተጨማሪ በጀት 12.5 ቢሊዮን ብር የተገኘው ከዚሁ የነዳጅ ማረጋጊያ ፈንድ ነው፡፡ የቀረው 2.2 ቢሊዮን ብር ከብሔራዊ ባንክ የዘቀጠ ትርፍ፣ እንዲሁም ተጨማሪ ሁለት ቢሊዮን ብር ከኢትዮጵያ ንግድ ባንክ የዘቀጠ ትርፍና ከኢትዮጵያ መድን ድርጅት የዘቀጠ ትርፍ 250 ሚሊዮን ብር ለተጨማሪ በጀቱ የገቢ ምንጭ ሆነዋል፡፡

    የድርቁን አደጋ ከመከላከል ውጪ ያለው 3.22 ቢሊዮን ብር የሚውለው ለውኃ፣ መስኖና ኤሌክትሪክ ሚኒስቴር የካፒታል ፕሮጀክቶች ነው፡፡    

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር!...

    የጉራጌ ዞን ጥያቄና የክላስተር አደረጃጀት የገጠመው ተቃውሞ

    መንግሥት የደቡብ ብሔር ብሔረሰቦችና ሕዝቦች ክልል አካል የነበሩ ዞኖችንና...

    አዋሽ ባንክ ካፒታሉን ወደ 55 ቢሊዮን ብር ለማሳደግ ያስገደደው ምክንያት ምንድን ነው?

    ባለፈው ቅዳሜ ጠቅላላ ጉባዔውን ያካሄደው አዋሽ ባንክ የ43 ቢሊዮን...

    አቢሲኒያ ባንክ ካለፈው ዓመት የ127 በመቶ ብልጫ ያለው ትርፍ በማግኘት አዲስ ታሪክ አስመዘገበ

    አቢሲኒያ ባንክ ከቀደሚ የሒሳብ ዓመት የ127 በመቶ ብልጫ ያለው...