Saturday, December 3, 2022
ሌሎች ዓምዶች
    - ማስታወቂያ -
    - ማስታወቂያ -

    ዳሸን ባንክ ከግማሽ ቢሊዮን ዶላር በላይ የውጭ ምንዛሪ ላስገኙ ደንበኞቹ ዕውቅና ሰጠ

    - ማስታወቂያ -

    ተዛማጅ ፅሁፎች

    ዳሸን ባንክ የውጭ ምንዛሪ ገቢ አስገኝተዋል ላላቸው 168 የንግድ ተቋማት፣ መንግሥታዊ ያልሆኑ ድርጅቶችና ግለሰቦች ዕውቅና ሰጠ፡፡ ባንኩ በ2009 ዓ.ም. ከ530 ሚሊዮን ዶላር በላይ የውጭ ምንዛሪ እንዳገኘም ይፋ አድርጓል፡፡

    ባንኩ ለውጭ ምንዛሪ ግኝት የላቀ አስተዋጽኦ አበርክተዋል ያላቸውን ተቋማትና ግለሰቦች ሚያዝያ 11 ቀን 2010 ዓ.ም. ባሰናዳው የደንበኞች ቀን ፕሮግራም ላይ ዕውቅና ሰጥቷል፡፡ የባንኩ ኃላፊዎች በሥነ ሥርዓቱ ወቅት እንደገለጹት፣ ለአገሪቱ የውጭ ምንዛሪ ገቢ መጨመር አስተዋጽኦ የሚያደርጉ አገልግሎቶችንም ማቅረብ ጀምሯል፡፡

    የባንኩ ፕሬዚዳንት አቶ አስፋው ዓለሙ እንደገለጹት፣ ዳሸን ባንክ ላስመዘገበው የውጭ ምንዛሪ መጠን ላኪዎች፣ ገንዘብ አስተላላፊዎች፣ ዓለም አቀፍ የሐዋላ ተቀባዮች፣ በውጭ ምንዛሪ ተቀማጭ ሒሳብ አንቀሳቃሾች፣ ክፍያን በዓለም አቀፍ ካርዶች የሚቀበሉ አጋር የንግድ ተቋማት ከፍተኛ አስተዋጽኦ አበክርተዋል፡፡

    በመሆኑም ከፍተኛ የውጭ ምንዛሪ ያስገኙ ተቋማትን በዘርፍ ከፋፍሎ በሰጠው ዕውቅና መሠረት በፕላቲንየም ደረጃ ለመረጣቸው የባንኩ ደንበኞች፣ ደረጃውን የጠበቀ አገልግሎት ለመስጠት በማሰብ እንቅስቃሴ መጀመሩንም አስታውቋል፡፡ ከውጭ ምንዛሪ ጋር በተያያዘ ከሚመለከታቸው ባለድርሻ አካላት ግንኙነትን ለማጎልበት ባንኩ ከምንጊዜው በላይ እየሠራ እንደሚገኝ የገለጹት የዳሸን ባንክ የቦርድ ሊቀመንበር አቶ ነዋይ በየነ፣ ላኪዎችን የሚያበረታ አዲስ አሠራር እንደተዘረጋ ተናግረዋል፡፡ ከዚህ ዓመት ጀምሮ በሚተገበረው የባንኩ አዲስ ስትራቴጂ ውስጥ ለደንበኞች አገልግሎት ትኩረት የሰጠ አዲስ የብድር አቅርቦት እንደሚኖርም ጠቅሰዋል፡፡

    በመሆኑም የውጭ ምንዛሪ የሚያስገኙ የዳሸን ባንክ ደንበኞችን ተጠቃሚ ከሚሆኑባቸው  የብድር አገልግሎቶች መካከል፣ የውጭ ምንዛሪ በሚያስገኙ ተቋማት ውስጥ የሚሠሩ ሠራተኞች የተለየ የብድር አቅርቦት እንዲያገኙ የሚደረግበት አሠራር አንዱ እንደሆነ ተጠቅሷል፡፡   

    ባንኩ እንዲህ ያሉ አበረታች አገልግሎቶችን መጀመሩ ደንበኞቹን ከማርካት ባሻገር የውጭ ምንዛሪ ግኝትን ለማሳደግና አገራዊ ጥቅምን ለማጎልበት የታለመ አዲስ አካሔድ ስለመሆኑ የባንኩ ኃላፊዎች ገልጸዋል፡፡ ባንኩ በ70 አገሮች ውስጥ በሚገኙ 461 ባንኮች ጋር ትስስር ፈጥሮ በመሥራት ላይ እንደሚገኝ የሚገልጸው የባንኩ መረጃ፣ የባንኩ ዕድገት ከአገሪቱ ዕድገት ጋር የተቆራኘና የውጭ ምንዛሪ ለአገር ዕድገት ቁልፍ ሚና ያለው በመሆኑም ለወጪ ንግድ ድጋፍ በማድረግ ላይ እንደሚሠራ ያትታል፡፡ ወደ አገር ውስጥ የሚገባ ዓለም አቀፍ ሐዋላ በንግድ ተቋማት፣ በዓለም አቀፍ ካርዶች አማይነት ክፍያዎችን መፈጸም እንዲሁም የውጭ ምንዛሪ ሒሳብ የመክፈት ልማዶችን እያበረታታ እንደሚገኝም ተጠቅሷል፡፡

    እንዲህ ያሉት አካሔዶች የአገሪቱን የውጭ ምንዛሪ ፍላጎት ለማገዝ ሚና ሲጫወት መቆየቱን ያመላከቱት የቦርድ ሰብሳቢው፣ በተለይ ከካቻምና ወዲህ ዓለም አቀፍ የክፍያ ካርዶችን መቀበል የሚያስችል የክፍያ ሥርዓት በማስተዋወቅ ለውጭ ምንዛሪ ገቢ ዕድገት ውስጥ አስተዋጽኦ እንዳደረገ ጠቅሰዋል፡፡ ዳሸን ባንክ ከአንጋፋዎቹ የግል ባንኮች መካከል አንዱ ሲሆን፣ አጠቃላይ የሀብት መጠኑም ከ40 ቢሊዮን ብር በላይ እንደደረሰ የባንኩ መረጃ ይጠቁማል፡፡ ከ7,600 በላይ ሠራተኞችን የሚያንቀሳቅሰው ዳሸን ባንክ፣ 34 ቢሊዮን ብር የሚጠጋ ተቀማጭ ገንዘብ በማሰባሰብም ከግል ባንኮች መካከል አንዱ ነው፡፡ በ2010 ዓ.ም. የዘጠኝ ወራት ግርድፍ የሒሳብ ሪፖርት መሠረት፣ ባንኩ ከታክስና ከሌሎች ተቀናሽ ወጪዎች በፊት ከአንድ ቢሊዮን ብር በላይ ትርፍ አስመዝግቧል፡፡ 

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች