Saturday, November 26, 2022
ሌሎች ዓምዶች
    - Advertisement -
    - Advertisement -
    ዜናየአሜሪካ የውጭ ጉዳይ መሥሪያ ቤት ረዳት ኃላፊ ከከፍተኛ የመንግሥት ባለሥልጣናት ጋር ለመወያየት...

    የአሜሪካ የውጭ ጉዳይ መሥሪያ ቤት ረዳት ኃላፊ ከከፍተኛ የመንግሥት ባለሥልጣናት ጋር ለመወያየት አዲስ አበባ ይገባሉ

    ቀን:

    የአሜሪካ የውጭ ጉዳይ መሥሪያ ቤት የአፍሪካ ጉዳዮች ተቀዳሚ ምክትል ኃላፊ አምባሳደር ዶናልድ ያማሞቶ ከከፍተኛ የመንግሥት ባለሥልጣናት ጋር ለመምከር፣ ሐሙስ ሚያዝያ 18 ቀን 2018 ዓ.ም. አዲስ አበባ ይገባሉ፡፡

    አዲስ አበባ ከሚገኘው የአሜሪካ ኤምባሲ የተገኘው መረጃ እንደሚያመለክተው፣ የአፍሪካ ጉዳዮች ኃላፊው አምባሳደር ያማሞቶ ከጠቅላይ ሚኒስትር ዓብይ አህመድ ጋር በሚኖራቸው ቆይታ፣ በኢትዮጵያና በአሜሪካ የጋራ ጥቅሞችና ሥጋቶች ላይ እንደሚወያዩ ታውቋል፡፡

    አምባሳደር ያማሞቶ ወደ አዲስ አበባ ከመምጣታቸው አስቀድሞ ኤርትራ፣ ከዚያም ጂቡቲ ተገኝተው እንደነበር ከኤምባሲው የተገኘ መረጃ ያመለክታል፡፡

    በኤርትራ ቆይታቸው ከአገሪቱ መንግሥት የሥራ ኃላፊዎችና በኤርትራ ከሚገኙ የውጭ ዲፕሎማቶች ጋር የተወያዩ ሲሆን፣ የአሜሪካ ኤምባሲ ሠራተኞችንም እንዳነጋገሩ ታውቋል፡፡ በጂቡቲ ቆይታቸው ደግሞ በሁለቱ አገሮች የጋራ ፎረም ላይ መሳተፋቸው ታውቋል፡፡

    በጂቡቲ የብዙ አገሮች የጦር ሠፈሮች መበራከት አሜሪካን ያሳሰባት ሲሆን፣ በተለይ ቻይና በጂቡቲ የንግድ ወደብና የጦር ሠፈር መመሥረቷ በአሜሪካ ላይ ሥጋት  መፍጠሩን መረጃዎች ያመለክታሉ፡፡ ቻይና በጂቡቲ የጦር ሠፈር መመሥረቷን የኢትዮጵያ መንግሥት እንዳልተቀበለው የሪፖርተር ዲፕሎማቲክ ምንጮች ገልጸዋል፡፡

    ምንም እንኳ ኢትዮጵያና ቻይና የጠነከረ ወዳጅነት ቢኖራቸውም የቻይና ጦር ሠፈር የኢትዮጵያ ገቢና ወጪ ዕቃዎች በሚስተናገዱበት ‹‹የዶራሌ መልቲ ፐርፐዝ ወደብ›› አጠገብ መሆኑ፣ ለኢትዮጵያ እንዳልተስማማት ምንጮች ይናገራሉ፡፡

    አምባሳደር ያማሞቶ በኤርትራ በኋላም በጅቡቲ ጉብኝት አድርገው ወደ ኢትዮጵያ መምጣታቸው፣ ሦስቱ አገሮች በአፍሪካ ቀንድ የደኅንነት ጉዳይ ተባብረው እንዲሠሩ ለማግባባት ሊሆን እንደሚችል ምንጮች ገልጸዋል፡፡

    እ.ኤ.አ. በኖቬምበር 2017 በአፍሪካ ቀንድ የሰላምና የደኅንነት ጉዳዮችን በተመለከተ ተጠይቀው የነበሩት አምባሳደር ያማሞቶ፣ በኢትዮጵያና በኤርትራ መካከል ተፈጠረውን ቅራኔ በመቅረፍ የሁለቱን አገሮች መንግሥታትና ሕዝቦች ግንኙነት ቀድሞ ወደነበረበት መመለስ ለአካባቢው እንደሚጠቅም ተናግረው ነበር፡፡

    ኢትዮጵያና ኤርትራን በማደራደር ዕርቅ እንዲያወርዱ የአሜሪካ መንግሥት የራሱን ሚና እንደሚጫወት በወቅቱ የተናገሩት አምባሳደር ያማሞቶ፣ የሁለቱ አገሮች መንግሥታትም ለዚህ ዝግጁ እንዲሆኑ ጠቁመው ነበር፡፡

    እ.ኤ.አ. በጃንዋሪ 2018 ለአገር ውስጥ ጋዜጠኞች መግለጫ የሰጡት የኤርትራ ፕሬዚዳንት ኢሳያስ አፈወርቂ፣ ያለፉት 20 ዓመታት ለኢትዮጵያና ለኤርትራ ሕዝቦች ኪሳራ እንደነበሩ ተናግረዋል፡፡ አክለውም በሁለቱ አገሮች መካከል ለዓመታት የዘለቀው ጠላትነት የሚከፈለው ዋጋ ተከፍሎ መቆም እንዳለበት ተናግረው ነበር፡፡ ጠቅላይ ሚኒስትር ዓብይ አህመድ (ዶ/ር) በበዓለ ሲመታቸው ወቅት ባደረጉት ንግግር፣ የኢትዮጵያና የኤርትራን ግንኙነት መመለስ ቅድሚያ ከሚሰጣቸው ተግባራት አንዱ ነው ብለው ነበር፡፡

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የትርፍ መጠኑን በ127 በመቶ ያሳደገው አቢሲኒያ ባንክ ካፒታሉን በ2.5 ቢሊዮን ብር እንዲያድግ ወሰነ

    የአቢሲኒያ ባንክ ዳይሬክተሮች ቦርድ የባንኩ  ካፒታል በ2.5 ቢሊዮን ብር...

    አዋሽ ባንክ ካፒታሉን 55 ቢሊዮን ብር ለማድረስ ወሰነ

    የአዋሽ ባንክ ዳይሬክተሮች ቦርድ ዛሬ ህዳር 17 ቀን 2015...

    ከብሔራዊ ባንክ እውቅና ያገኘው ፔይሊንክ አክሲዮን ማህበር ምሥረታውን አካሄደ

    ከገንዘብ ንክኪ ነፃ የሆነ የዲጂታል ክፍያ ሥርዓት ለመተግበር ያቀደው...