Thursday, June 13, 2024
- Advertisement -
- Advertisement -

ዜናበካፋ ዞን ጎጀብ በተነሳ ተቃውሞ ንብረት መውደሙ ተሰማ

በካፋ ዞን ጎጀብ በተነሳ ተቃውሞ ንብረት መውደሙ ተሰማ

ቀን:

በደቡብ ክልል በካፋ ዞን ጊምቦ ወረዳ ጎጀብ አካባቢ ሐሙስ ሚያዚያ 24 ቀን 2010 ዓ.ም. በተቀሰቀሰ ግጭት፣ መጠኑ ከፍተኛ የሆነ በርካታ ንብረት መውደሙን የሪፖርተር ምንጮች አስታወቁ፡፡

የግጭቱ መነሻ የሆነው ጉዳይ በጎጀብ አካባቢ የሚኖሩ ወጣቶች፣ የጎጀብ እርሻ ልማት ይዞታ ተከፋፍሎ ይሰጠን በማለት ለጠየቁት ጥያቄ ምላሽ ሳይገኝ በመቆየቱ እንደሆነ ለማወቅ ተችሏል፡፡ ይሁን እንጂ በእርሻ ልማቱ ላይ ያለው ሰብልና ሌሎች ተንቀሳቃሽ ንብረቶችን ለማንሳት ጊዜ ይወስዳል በመባላቸው፣ በእርሻ ልማቱ ላይ ጥቃት መፈጸማቸው ታውቋል፡፡

በዚህም የተነሳ የእርሻ ልማቱ በእሳት ከመቃጠሉም በላይ ሦስት እህል የያዙ መጋዘኖች፣ ሦስት ትራክተሮች፣ አንድ ኮምባይነር፣ ወፍጮ ቤትና የእርሻ ልማቱ ሰነዶች ሙሉ በሙሉ መውደማቸው ተጠቁሟል፡፡

- Advertisement -

ሚያዚያ 24 ቀን 2010 ዓ.ም. ከንጋቱ 12፡00 ሰዓት ጀምሮ እስከ ቀኑ 10፡00 ሰዓት ድረስ ከጅማ ወደ ካፋ ዞን የሚወስደው መንገድ ተዘግቶ የነበረ ሲሆን፣ በፀጥታ ኃይሎች ጣልቃ ገብነት መንገዱ ሊከፈት እንደቻለም ታውቋል፡፡

ተቃውሞ ሲያሰሙ ከነበሩ ወጣቶች አንዱ በጥይት ተመትቶ እንደቆሰለም ለማወቅ ተችሏል፡፡

በግጭቱ ተሳታፊ ናቸው የተባሉ ከ50 በላይ ግለሰቦችም በቁጥጥር ሥር መዋላቸው ተሰምቷል፡፡

በመጋዘኖቹ ውስጥ የነበሩ ሌሎች ንብረቶችም መውደማቸውና መጥፋታቸውም ታውቋል፡፡

በቅርቡ የመከላከያ ሚኒስትር በመሆን የተሾሙትና የኮማንድ ፖስቱ ሴክሬታርያት ዋና ጸሐፊ አቶ ሞቱማ መቃሳ፣ ስላጋጠመው ግጭት መረጃ ስለሌላቸው ማብራሪያ መስጠት እንደማይችሉ ሪፖርተር ላቀረበላቸው ጥያቄ ምላሽ ሰጥተዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...