Monday, April 15, 2024
- Advertisement -
- Advertisement -
ማኅበራዊትምህርት ሚኒስቴር በሁለተኛ ደረጃ ትምህርት ቤቶች የሚሰጠውን የታሪክ ትምህርት ሊከልስ ነው

ትምህርት ሚኒስቴር በሁለተኛ ደረጃ ትምህርት ቤቶች የሚሰጠውን የታሪክ ትምህርት ሊከልስ ነው

ቀን:

በሁለተኛ ደረጃ ትምህርት ቤቶች ለሚሰጠው የታሪክ ትምህርትና ለኢትዮጵያ ሕዝቦች ታሪክ አዲስ የመጻሕፍት ዝግጅት እያደረገ መሆኑን፣ የትምህርት ሚኒስቴር አስታወቀ፡፡

የትምህርት ሚኒስትሩ ጥላዬ ጌቴ (ዶ/ር) ማክሰኞ ሚያዝያ 30 ቀን 2010 ዓ.ም. በሕዝብ ተወካዮች ምክር ቤት የዘጠኝ ወራት ሪፖርት ሲያቀርቡ፣ ከአዲስ አበባ ዩኒቨርሲቲ ጋር በመተባበር በነባሩ ሥርዓተ ትምህርት ላይ ባደረገው ፍተሻ መሠረት  የመጻሕፍት ዝግጅት እየተከናወነ መሆኑን ገልጸዋል፡፡

እስካሁን የዘጠነኛና የአሥራ አንደኛ ክፍሎች መጻሕፍት ዝግጅት 90 ከመቶ ተጠናቋል ብለዋል፡፡ የአሥረኛና የአሥራ ሁለተኛ ክፍሎችም እንዲሁ በቅርብ ጊዜ ተጠናቆ እንደሚያልቅ፣ በ2012 ዓ.ም. የትምህርት ዘመን ተግባራዊ እንደሚደረግም ለምክር ቤቱ ገልጸዋል፡፡

- Advertisement -

Video from Enat Bank Youtube Channel.

በነባር መጻሕፍት አሉ የሚባሉ ችግሮችን ወይም ሥርዓተ ትምህርቱን ለምን መከለስ እንዳስፈለገ ሚኒስትሩ ባይገልጹም፣ ከቅርብ ዓመታት ወዲሀ በመጻሕፍቱ በተካተቱ ታሪኮች ላይ ተቃውሞ ሲነሳ እንደነበር ይታወቃል፡፡

በተለይም የአንዱን ክልል ሥፍራ ከሌላው ክልል በማካተት የታተሙ ካርታዎችን የያዙ መጻሕፍት አሉ፡፡

ነገር ግን ሚኒስትሩ ለፓርላማው እንዳስረዱት፣ ‹‹ለሚዘጋጀው ሥርዓተ ትምህርት ምንጭ ሆኖ ለሚያገለግለው የኢትዮጵያ ሕዝቦች ታሪክ፣ የአገሪቱን ምሁራንና የሚመለከታቸውን አካላት በማሳተፍ በአግባቡ ለመጻፍ የቢጋርና የማስፈጸሚያ ዕቅድ ቅድመ ዝግጅት ሥራ ተጠናቆ ወደ ተግባር ለመግባት ድጋፍና ክትትል እየተደረገ ነው፤›› ብለዋል፡፡

በተያያዘ በበጀት ዓመቱ በአገሪቱ የተለያዩ ቦታዎች ተቀስቅሶ በነበረው ተቃውሞ የተስተጓጎለውን ትምህርት ለማካካስ በክረምት ሁሉም ከፍተኛ ትምህርት ተቋማት የመማር ማስተማር ሒደቱን እንዲቀጥሉ፣ የአካዴሚክ የድርጊት መርሐ ግብር መዘጋጀቱንም ሚኒስትሩ አስረድተዋል፡፡

የተከሰተው የፀጥታ ችግር ያሳደረው ተፅዕኖ ቀላል እንዳልነበር የገለጹት ሚኒስትሩ፣ ‹‹በቀሪዎቹ ወራት በአንድ በኩል ከመደበኛ ፕሮግራም በዘለለ በክረምቱ ጊዜ በመጠቀም የዓመቱን የትምህርት መርሐ ግብር ለማጠናቀቅ፣ በሌላ በኩል በቀጣዩ ዓመት የተሻለ ቅድመ ዝግጅት በማድረግ የመማር ማስተማር ሒደቱን ለማከናወን ርብርብ እየተደረገ ነው፤›› ሲሉም አስረድተዋል፡፡   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቪር ጀነራል ትሬዲንግ ኃ/የተ/የግ/ማኀበር የጨረታ ማስታወቂያ

ቪር ጀነራል ትሬዲንግ ኃ/የተ/የግ/ማኀበር በገቢ እና በውጭ ንግድ እንዲሁም...

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...