Saturday, June 15, 2024
- Advertisement -
- Advertisement -

ማኅበራዊእስረኞችን በኃይል ለማስፈታት ተንቀሳቅሰዋል የተባሉ ተከሳሾች ጥፋተኛ ተባሉ

እስረኞችን በኃይል ለማስፈታት ተንቀሳቅሰዋል የተባሉ ተከሳሾች ጥፋተኛ ተባሉ

ቀን:

በአዲስ አበባና በወልቂጤ ከተሞች በህቡዕ በመደራጀት፣ በተከሰሱበት የሽብር ወንጀል ድርጊት ከሰባት እስከ 22 ዓመታት በሚደርስ ጽኑ እስራት የተወሰነባቸውን ‹‹የሙስሊሙ ማኅበረሰብ መፍትሔ አፈላላጊ ኮሚቴ›› በሚባል መጠሪያ የሚታወቁትን ፍርደኞች፣ በኃይል ለማስለቀቅ ሲንቀሳቀሱ ተገኝተዋል ተብለው የተከሰሱ 16 ግለሰቦች ታኅሳስ 19 ቀን 2008 ዓ.ም. ጥፋተኛ ተባሉ፡፡

በፌዴራል ከፍተኛ ፍርድ ቤት 14ኛ ወንጀል ችሎት ጥፋተኛ የተባሉት ተከሳሾች በእነ ኤልያስ ከድር የክስ መዝገብ የሚጠሩ ናቸው፡፡ በአዲስ አበባ ከተማ በህቡዕ ተደራጅተው በደቡብ ክልል ጉራጌ ዞን ወልቂጤ ከተማ ከሚኖሩ አጋሮቻቸው ጋር በመሆን በህቡዕ እየተገናኙ፣ ጉዳያቸው በሕግ ተይዞ በፍርድ ቤት በመታየት ላይ የነበሩትን እነ አቡበከር አህመድን (18 ሰዎች) በኃይል ለማስለቀቅ፣ የተለያዩ ድርጊቶችን መፈጸማቸውን ከሳሽ ዓቃቤ ሕግ በክሱ አካቷል፡፡

የተለያዩ አባላትን በመመልመልና ‹‹ድምፃችን ይሰማ፣ የሙስሊሙ ማኅበረሰብ መፍትሔ አፈላላጊ ኮሚቴን በኃይል እናስፈታለን›› የሚል ጽሑፍ የያዙ በራሪ ወረቀቶችን በማዘጋጀት፣ በየመስጊዱ መበተናቸውም በክሱ ተገልጿል፡፡

- Advertisement -

በተለይ ሙስሊሙ ማኅበረሰብ ተሰባስቦ በሚያከብራቸው በዓላት ላይ አመፅና የቅስቀሳ ጥሪ ወረቀቶችን መበተናቸውንና በየክልሉ በህቡዕ ከተደራጁ ቡድኖች ጋር ግንኙነት ፈጥረው ሲንቀሳቀሱ እንደነበርም በክሱ ተመልክቷል፡፡

‹‹የሙስሊሙ ማኅበረሰብ መፍትሔ አፈላላጊ ኮሚቴ ቢታሰርም እኛ ተክተን እንሠራለን፤›› በማለት የተለያዩ ቅስቀሳዎችን ማድረጋቸውን ዓቃቤ ሕግ በክሱ ጠቅሶ፣ እንደ ክሱ ያስረዱልኛል ያላቸውን ከ50 በላይ ምስክሮች አቅርቦ አሰምቷል፡፡

ተከሳሾቹም እንዲከላከሉ በተሰጠው ውሳኔ መሠረት መከላከያ ምስክሮቻቸውን አሰምተዋል፡፡ የግራ ቀኙን ክርክር የሰማውና የቀረበለትን የሰነድ ማስረጃ የመረመረው ፍርድ ቤቱ ዓቃቤ ሕግ እንደ ክሱ ማስረዳቱን ገልጾ፣ ተከሳሾቹን ጥፋተኛ ብሏቸዋል፡፡ የቅጣት ውሳኔ ለመስጠትም ለጥር 2 ቀን 2008 ዓ.ም. ቀጥሯቸዋል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...