Wednesday, June 19, 2024
- Advertisement -
- Advertisement -

ዜናየሰማያዊ ፓርቲ የቀድሞ ሕዝብ ግንኙነት ኃላፊ ታሰሩ

የሰማያዊ ፓርቲ የቀድሞ ሕዝብ ግንኙነት ኃላፊ ታሰሩ

ቀን:

በቅርቡ ምክንያታቸውን ሳይገልጹ ከሰማያዊ ፓርቲ መልቀቃቸውንና የየትኛውም ፖለቲካ ፓርቲ አባል አለመሆናቸውን በፌስቡክ አድራሻቸው ያስታወቁት የቀድሞ የሰማያዊ ፓርቲ ሕዝብ ግንኙነት ኃላፊ አቶ ዮናታን ተስፋዬ፣ ታኅሳስ 18 ቀን 2008 ዓ.ም. መታሰራቸው ታወቀ፡፡

አቶ ዮናታን ታኅሳስ 18 ቀን 2008 ዓ.ም. በመደበኛ የማስተማር ሥራቸው የጠዋቱን ክፍለ ጊዜ አስተምረው እንደጨረሱ ለዕረፍት ወጣ ብለው ሳይመለሱ መቅረታቸውን፣ ስማቸው እንዳይገለጽ የፈለጉ የቅርብ ጓደኞቻቸው ገልጸዋል፡፡

አቶ ዮናታን ያለወትሯቸው ለዕረፍት እንደወጡ ሳይመለሱ ቢቀሩም ብዙም ትኩረት እንዳልሰጡት የገለጹት ጓደኞቻቸው፣ አመሻሹ ላይ ቤተሰቦቻቸው በሞባይል ስልካቸው ሲደውሉ ዝግ እንደሆነ ነግረዋቸው የት እንደሄዱ ወይም አብረዋቸው ከሆኑ እንዲነግሯቸው ሲጠይቋቸው እነሱም መደናገጣቸውን ተናግረዋል፡፡ በጋራ ወደሚያውቋቸው ሁሉ ሲደውሉ ‹‹የለም፣ አላየነውም፣ አልተደዋወልንም…›› ከሚሉ መልሶች ውጪ ዓይተናቸዋል የሚል ሳያገኙ እንደቀሩ አስረድተዋል፡፡

- Advertisement -

አቶ ዮናታን ታኅሳስ 19 ቀን 2008 ዓ.ም. በፖሊሶች ታጅበው ወደ መኖሪያ ቤታቸው ሄደው እንደነበርና ቤታቸው መፈተሹም ታውቋል፡፡ በምን ምክንያትና ለምን እንደታሰሩ ግን ገና አለመታወቁን፣ አሁን የሚገኙት በፌዴራል ፖሊስ ወንጀል ምርመራ (ማዕከላዊ) መሆኑን ለማወቅ ተችሏል፡፡

አቶ ዮናታን ከሰማያዊ ፓርቲ ለምን እንደለቀቁ በተለያየ ጊዜያት ከሪፖርተር ለቀረበላቸው ጥያቄ ምላሽ ለመስጠት ፈቃደኛ አለመሆናቸውን መዘገባችን ይታወሳል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...