Thursday, February 29, 2024
- Advertisement -
- Advertisement -
ዜናበኦሮሚያ ተፈጥሮ ለነበረው ረብሻ ምክንያት ናቸው ተብለው የታሰሩ ፍርድ ቤት ቀረቡ

በኦሮሚያ ተፈጥሮ ለነበረው ረብሻ ምክንያት ናቸው ተብለው የታሰሩ ፍርድ ቤት ቀረቡ

ቀን:

በኦሮሚያ ክልል በተለያዩ አካባቢዎች ለተፈጠረው ተቃውሞና ረብሻ መነሳት ምክንያት ናቸው ተብለው ተጠርጥረው፣ ባለፈው ሳምንት መጨረሻ አካባቢ በቁጥጥር ሥር የዋሉ በርካታ ሰዎች በተለያዩ ፍርድ ቤቶች ቀረቡ፡፡

የኦሮሞ ፌዴራሊስት ኮንግረስ (ኦፌኮ) ሥራ አስፈጻሚዎችና የወጣት ሊግ አመራሮችን ጨምሮ በተፈጠረው ድርጊት ተጠርጥረው በፌዴራል ወንጀል ምርመራ ማዕከል (ማዕከላዊ) የታሰሩት፣ በፌዴራል የመጀመሪያ ደረጃ ፍርድ ቤት አራዳ ምድብ ወንጀል ችሎት ቀርበው ተጨማሪ የምርመራ ጊዜ ተጠይቆባቸዋል፡፡

የኦፌኮ ተቀዳሚ ሊቀመንበር አቶ በቀለ ገርባን ጨምሮ ሰባት አመራሮችና ከ500 በላይ የሚሆኑ በተለያዩ ዞኖች፣ ወረዳዎችና ቀበሌዎች የሚገኙ አባላቶቹ እንደታሰሩበት የገለጸው ኦፌኮ፣ አንድ ተጠርጣሪ በፖሊስ ቁጥጥር ሥር በዋለ በ48 ሰዓታት ውስጥ ፍርድ ቤት መቅረብ እንዳለበት በሕገ መንግሥቱ የተደነገገ ቢሆንም፣ እስካሁን አባላቱ ፍርድ ቤት እንዳልቀረቡ ለሪፖርተር ገልጾ ነበር፡፡

- Advertisement -

Video from Enat Bank Youtube Channel.

ነገር ግን ከ48 ሰዓታት ቢሆን በተጠረጠሩበት ወንጀል በቁጥጥር ሥር የሚገኙት ሁሉም ታሳሪዎች፣ በክልል በሚገኙና አዲስ አበባ ከተማ ውስጥ ባሉ ፍርድ ቤቶች መቅረባቸውን ሪፖርተር ከፍርድ ቤቶች ያገኘው መረጃ አረጋግጧል፡፡ የፌዴራል ፖሊስ መርማሪ ቡድን በፌዴራል መጀመሪያ ደረጃ ፍርድ ቤት አራዳ ምድብ ችሎት እስረኞቹን ይዞ በመቅረብ እንዳስረዳው፣ ግለሰቦቹ በኦሮሚያ አንዳንድ አካባቢዎች ለተፈጠሩት ረብሻዎችና በረብሻው ምክንያት ለጠፋው የሰው ሕይወትም ሆነ ለወደመው ንብረት ምክንያቶቹ እነሱ መሆናቸውን፣ ከሌሎች ፀረ ሰላም ኃይሎች ጋር በመሆን ሁከት እንዲፈጠር ማድረጋቸውን በማስረዳት፣ ተጨማሪ የምርመራ ጊዜ ጠይቆባቸዋል፡፡

 ተጠርጣሪዎቹ በበኩላቸው መርማሪ ቡድኑ ያለምንም ምክንያት ስማቸውን እያጠፋ መሆኑን፣ ሕዝቡ ያነሳው ጥያቄ ስላልተመለሰለት በራሱ ጊዜ ብሶት ፈንቅሎት የወሰደው ዕርምጃ እንጂ እነሱ ምንም ያደረጉት ነገር እንደሌለ በመግለጽ፣ ከእስር እንዲፈቱ ወይም ዋስትና ተጠብቆላቸው እንዲለቀቁ መጠየቃቸው ታውቋል፡፡

 ፍርድ ቤቱ መርማሪ ቡድኑ የጠየቀውን 14 ቀናት ተጨማሪ ጊዜ በመፍቀድ ተለዋጭ ቀጠሮ ሰጥቷል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...