Saturday, February 4, 2023
- Advertisement -
- Advertisement -
ዜናአሜሪካ በቅርቡ ጋዜጠኞች መታሰራቸው አሳስቦኛል አለች

አሜሪካ በቅርቡ ጋዜጠኞች መታሰራቸው አሳስቦኛል አለች

ቀን:

– መንግሥት ከጋዜጠኝነት ሙያ ጋር በተያያዘ የታሰረ የለም ብሏል

የአሜሪካ ብሔራዊ የደኅንነት ምክር ቤት ቃል አቀባይ ኔድ ፕራይስ ታኅሳስ 20 ቀን 2008 ዓ.ም. ባወጡት መግለጫ፣ በቅርቡ የታሰሩ ጋዜጠኞች ጉዳይ አሜሪካን በጥልቅ እንዳሳሰበ ገለጹ፡፡ የኢትዮጵያ መንግሥት በበኩሉ ከጋዜጠኝነት ሙያ ጋር በተያያዘ የታሰረ አንድም ግለሰብ እንደሌለ አስታውቋል፡፡

መንግሥት በቅርቡ የኦሮሚያ ሬዲዮና ቴሌቪዥን ጋዜጠኛ የነበረውን ፍቃዱ ምርካናንና የሰማያዊ ፓርቲ ልሳን የሆነው የነገረ ኢትዮጵያ ጋዜጣ ዋና አዘጋጅ ጌታቸው ሺፈራውን በቁጥጥር ሥር እንዳዋለ መዘገቡ ይታወሳል፡፡ ይሁንና የኔድ ፕራይስ መግለጫ አሜሪካ እንዲለቀቁ የምትፈልጋቸው ጋዜጠኞችን ማንነት አይገልጽም፡፡

የመንግሥት ኮሙዩኒኬሽን ጉዳዮች ጽሕፈት ቤት ኃላፊ አቶ ጌታቸው ረዳ በጉዳዩ ላይ ከሪፖርተር ለቀረበላቸው ጥያቄ ሲመልሱ፣ ‹‹እኛም የገመትነው መግለጫው ስለፍቃዱ ወይም ጌታቸው መታሰር ሊሆን እንደሚችል ነው፡፡ ከአሜሪካ ኤምባሲ ሰዎች ጋር ተነጋግረናል፡፡ እነዚህ ግለሰቦች የታሰሩት ከጋዜጠኝነት ሙያቸው ጋር በተገናኘ አይደለም፡፡ የፍቃዱ ጉዳይ ከቆየ ጉዳይ ጋር የተገናኘ ነው፡፡ ጌታቸው የፓርቲ ልሳን አዘጋጅ በመሆኑ ለምን እንደ ጋዜጠኛ እንደተወሰደም ግልጽ አይደለም፤›› ብለዋል፡፡ አቶ ጌታቸው ሁለቱ ግለሰቦች ለምን እንደታሰሩ ዝርዝሩ ከፖሊስ ምርመራ በኋላ የሚገለጽ መሆኑን ጠቁመው፣ መታሰራቸው ከጋዜጠኝነት ሙያቸው ጋር ፈጽሞ የተገናኘ እንዳልሆነ ግን በአጽንኦት አስታውቀዋል፡፡

መግለጫው በተጠናቀቀው የአውሮፓውያን ዓመት ሐሳብን በነፃነት የመግለጽ መሠረታዊ መብት ጥበቃ መገለጫ የነበረው የበርካታ ጦማሪያን ከእስር መለቀቅን ጨምሮ፣ በኢትዮጵያ የታዩ መሻሻሎችን አሜሪካ እንደምትደግፍም አመልክቷል፡፡ ‹‹ሐሳብን በነፃነት የመግለጽ መብትን በመጠበቅና ዴሞክራሲን በማስፋት ረገድ ከዚህ ቀደም የታዩ መሻሻሎችን አጠናክሮ እንዲቀጥል የኢትዮጵያ መንግሥትን እንጠይቃለን፡፡ ገለልተኛ ድምፆችን መገደብ ልማትንና የኢኮኖሚ ዕድገትን ጨምሮ መሰል መሻሻሎችን እንደሚገታ እንገነዘባለን፤›› በማለትም በመብቱ ላይ የሚደረግ ጥበቃ ለኢትዮጵያ ሁለንተናዊ ዕድገት አስተዋጽኦ እንዳለው ጠቁሟል፡፡

‹‹ኢትዮጵያ ሞዴልና የአፍሪካ የልማት ድምፅ መሆኗን አሜሪካ ስታደንቅ ቆይታለች፡፡ እነዚህ ውጤቶች ቀጣይነት እንዲኖራቸው፣ በዴሞክራሲያዊ መልካም አስተዳደርና በሰብዓዊ መብት መከበር ላይ ሊመሠረቱ ይገባል፡፡ የኢትዮጵያ መንግሥት ጋዜጠኞችንና ሐሳብን በነፃነት የመግለጽ መብትን ተግባራዊ በማድረጋቸው የታሰሩትን እንዲለቅና የፀረ ሽብር ሕጉን የተቃዋሚ ድምፆችን የማፈኛ መሣሪያ አድርጎ እንዳይጠቀም የጋዜጠኞችን፣ የጦማሪያንን እንዲሁም የተቃዋሚዎችን የመጻፍና ሐሳብን በነፃነት የመግለጽ መብት እንዲጠብቅ እንጠይቃለን፤›› በማለትም መግለጫው ጥሪ አቅርቧል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ጠቅላይ ሚኒስትር አብይ አህመድ (ዶ/ር) ከህወሓት የሰላም ስምምነት ኮሚቴ አባላት ጋር ለመጀመሪያ ጊዜ ተገናኙ

የፌዴራል መንግሥትና የህወሓት የሰላም ስምምነት ኮሚቴ አባላት ከጠቅላይ ሚኒስትር...

ማስተካከያ

በሪፖርተር ጋዜጣ ረቡዕ ጥር 24 ቀን 2015 ዓ.ም. ዕትም...

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን...

የ12ኛ ክፍል የብሔራዊ ፈተና ውጤትና እንደምታው

የተባበሩት መንግሥታት ድርጅት የትምህርት፣ የሳይንስና የባህል ድርጅት (UNESCO) የትምህርትን...