Monday, June 24, 2024
- Advertisement -
- Advertisement -
ስፖርትየኢትዮጵያ ኦሊምፒክ ኮሚቴ በጎ ጅምሮች

የኢትዮጵያ ኦሊምፒክ ኮሚቴ በጎ ጅምሮች

ቀን:

የአገሪቱ የስፖርት ተቋማት በበርካታ የስፖርቱ ሕፀፆች ሲታማ ቆይተዋል፡፡ በስፖርቱ ዙሪያ የሥነ ምግባር ችግሮችም ይስተዋላሉ፡፡ በስፖርቱ ለሚታየው ዝቅተኛ ውጤትም ተገቢነት የሚጎላቸው ስፖርተኞች መገኘትና ምልመላው ጭምር ሲተች ኖሯል፡፡ እያስተቸውም ይገኛል፡፡

እነዚህንና ሌሎች ተያያዥነት ያላቸው ችግሮችን የተረዳ የሚመስለው የኢትዮጵያ ኦሊምፒክ ኮሚቴ፣ በአገሪቱ ለሚገኙ ብሔራዊ ፌዴሬሽኖችና አሶሴሽኖች ዳይሬክተሮችና በሥራቸው ለሚገኙ ሙያተኞች ከታኅሣሥ 23 እስከ 25 ቀን 2008 ዓ.ም. ድረስ በቢሾፍቱ (ደብረ ዘይት) ቶሚ ሆቴል በስፖርት የመልካም አስተዳደር ማዕቀፍ ውስጥ ያተኮረ ሥልጠና ሰጥቷል፡፡

የብሔራዊ ኦሊምፒክ ኮሚቴው ፕሬዚዳንት አቶ ብርሃነ ኪዳነማርያም በተገኙበት የተሰጠው የሦስት ቀን ሥልጠና በዋናነት ትኩረት ያደረገው፣ የስፖርቱ ተቋማት ሥራ የሚሠሩት ሥራው ተሠርቷል ለማለትና ለይስሙላ ሳይሆን፣ የሚሠሩ ሥራዎች ላይ እሴት በመጨመር የሚታይና የሚጨበጥ ተቋማዊ ለውጥ ማመጣት የሚያስችል እንዲሁም የሚያደርግ ስለመሆኑ ተነግሯል፡፡

እያንዳንዱ ተቋምም በተለይም በኃላፊነት ላይ የሚገኙ ባለሙያተኞች ሁሉም በየሥራ ድርሻቸው ተጨባጭና የሚቆጠር ውጤት ለማስመዝገብ የበኩላቸውን አስተዋጽኦ በማበርከት ተቋማዊ ሽግግር ማምጣት ይችሉ ዘንድ ቁርጠኝነት ሊኖራቸው እንደሚገባ ጭምር የሥልጠናው አንድ አካል እንደነበርም የኢትዮጵያ ኦሊምፒክ ኮሚቴ በላከው መግለጫ አስታውቋል፡፡

በአገሪቱ በተለይም በአሁኑ ወቅት ከ26 በላይ ብሔራዊ ፌዴሬሽኖችና አሶሴሽኖች እንዳሉ ያወሳው መግለጫው፣  እያንዳንዳቸው በሥራቸው ለሚመሩት ስፖርት ዕድገት ማነቆ መሆኑ የሚነገርለትን የመልካም አስተዳደር፣ በቡድን ሥራ፣ በስፖርት ሥነ ምግብ፣ በአገልግሎት አሰጣጥና በስፖርት ማርኬቲንግ ርዕሰ ጉዳዮች ላይም ሥልጠናው መሰጠቱ ይገልጻል፡፡ ሥልጠናው ከጥቂት ወራት በኋላ ለሚካሄደው የሪዮ 2016 ኦሊምፒክ ተሳትፎና ውጤታማነት መነቃቃትን የሚፈጥር ስለመሆኑም ተነግሯል፡፡

የብሔራዊ ኦሊምፒክ ኮሚቴው ጽሕፈት ቤት ዳይሬክተር አቶ ታምራት በቀለ ሥልጠናውን አስመልክቶ፣ ‹‹ሥልጠናው ሁላችንም በየተቋማችን ያሉ የመልካም አስተዳደር ሳንኮች ነቅሰን በማውጣት እንዲወገዱ ለምናደርገው ተሳትፎና  ተግባራዊ እንቅስቃሴ ቁርጠኝነት ይጠበቅብናል፤›› በማለት መናገራቸው ተገልጿል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...